<p><strong>ភ្នំពេញ៖</strong> ក្រុមមន្រ្តីអង្គការ សង្គមស៊ីវិល នៅកម្ពុជា ដែលធ្វើការទាក់ទងទៅនឹងផ្នែកសិទ្ធិ<br />មនុស្ស បានសម្តែងការមិនពេញចិត្តរបស់ខ្លួន គ្រាដែលតុលាការខេត្តស្វាយរៀង បាន<br />សម្រេចផ្តន្ទាទោសអតីតអភិបាលក្រុងបាវិត លោក ឈូក បណ្ឌិត ឲ្យជាប់គុក១ឆ្នាំ៦ខែ <br />និងពិន័យជាប្រាក់ជាង៣៨លានរៀលនោះ គឺមិនត្រឹមត្រូវទាល់តែសោះ។</p>
<p>លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា(CCHR) បានមានប្រសាសន៍ប្រាប់<br />មជ្ឈមណ្ឌលព័ត៌មាន នៅព្រឹកថ្ងៃទី២៥ ខែមិថុនា ឆ្នាំ២០១៣ថា ចំពោះការសម្រេចផ្តន្ទា<br />ទោសនេះ វាមិនត្រឹមត្រូវទេ ព្រោះលោក ឈូក បណ្ឌិត មានចេតនាបាញ់រះ មកលើក្រុម<br />កម្មកររាប់ពាន់នាក់ ខណៈពួកគេកំពុងធ្វើកូដកម្ម នៅពីមុខរោងចក្រ ក្នុងទឹកដីក្រុងបាវិត <br />ក្នុងគោលបំណងទាមទារលក្ខខណ្ឌការងារ ពីថៅកែរោងចក្រ។</p>
<p>លោកបន្តថា “លោក ឈូក បណ្ឌិតមានគោលបំណងធ្វើមនុស្សឃាត អីចឹងការចោទប្រកាន់<br />ហ្នឹងក៏វាអត់សម ហើយការជាប់ទោសហ្នឹងក៏អត់សមដែរ ។អីចឹងចំពោះខ្ញុំជារឿងមួយដែល<br />មិនទាន់ទទួលបានយុត្តិធម៌សម្រាប់ ជនរងគ្រោះ ជារឿងដែលខ្ញុំសោកស្តាយមែនទែន ដែល<br />តុលាការនេះមិនបានចូលរួមរកយុត្តិធម៌ជូនដល់ជន រងគ្រោះ”។</p>
<p>លោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជាបានឲ្យដឹងថា “វាមិន<br />ត្រូវទេ ព្រោះឃាតក បាញ់សម្លាប់គេហើយដាក់គុកមួយឆ្នាំជាងឯណាវិញ ខ្ញុំអស់ជំនឿទៅ<br />លើតុលាការសុ្រកខ្មែរ”។</p>
<p>លោក អំ សំអាត មន្រ្តីជាន់ខ្ពស់នៃអង្គការសិទ្ធិមនុស្សលីកាដូ បានឲ្យដឹងដែរថា លោកស្វា-<br />គមន៍ចំពោះ ចំណាត់ការរបស់តុលាការខេត្តស្វាយរៀងដែលបានដាក់ទោស លោក ឈូក<br /> បណ្ឌិត ក្នុងករណីបាញ់កម្មករ៣នាក់ឲ្យរងរបួសយ៉ាងធ្ងន់ធ្ងរកាលពីអំឡុងខែកុម្ភៈ ឆ្នាំ២០១២។</p>
<p>ប៉ុន្តែទោះបីជាយ៉ាងណាក៏ដោយ ក៏លោកបានហៅចំណាត់ការនេះថា វាមិនសមហេតុផលទេ <br />ចំពោះការសម្រេច ទោស ព្រោះមិនមែនជាការបង្ករបួសស្នាម ដោយអចេតនាទេតែជាការ<br />ប៉ុនប៉ងមនុស្សឃាត ដោយសារមនុស្ស ៣នាក់ នៅកន្លែងផ្សេងគ្នាហើយត្រូវគ្រាប់កំាំភ្លើង<br />លោកឈូកបណ្ឌិតទាំងអស់។</p>
<p>មន្រ្តីជាន់ខ្ពស់រូបបន្តទៀតថា “យើងមានការសោកស្តាយចំពោះការសម្រេចនេះ ទោះបីជា<br />មានការផ្តន្ទាទោសក៏ ដោយ ក៏នៅតែជាស្ថានភាពសម្រាល ហើយជាស្ថានភាពផ្តន្ទាទោស<br />ស្រាលនិងសំណងតិចដែរសម្រាប់ ជនរងគ្រោះ”។</p>
<p>លោក អំ សំអាត បានបន្ថែមទៀតថា តុលាការខេត្តស្វាយរៀងនៅព្រឹកថ្ងៃទី២៥ ខែមិថុនា<br />នេះ បានសម្រេច ផ្តន្ទាទោស លោក ឈូក បណ្ឌិតជាប់ពន្ធនាគារ១ឆ្នាំ៦ខែ និងពិន័យជា<br />ប្រាក់៣៨លានរៀល ខណៈដែលលោក ឈូក បណ្ឌិត ព្រមទាំងមេធាវីការពារមិនបាន<br />ចូលខ្លួនក្នុងសវនាការ។ ក្នុងប្រាក់៣៨លានរៀលនេះ ជនរងគ្រោះ ទី១ ឈ្មោះ ប៊ុត ចន្តា<br />បានទទួលប្រាក់ ២០លានរៀល និងទី២ ឈ្មោះ នុត សាខន ១០លានរៀល និងទី៣ <br />ឈ្មោះ កែវ នា៨លានរៀល៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-010/chanroth013-june-438.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>