<p>ព័ត៌មានអន្តរជាតិ ៖ យោងតាមការ ដកស្រង់ អត្ថបទផ្សាយ ពីគេហទំព័រ សារព័ត៌មានបរទេស ស៊ិន ហួរដែលទើបតែបានចេញផ្សាយ កាលពីថ្មីៗនេះ អោយដឹងថា នៅឯប្រទេស រុស្ស៊ី ឯណោះវិញ បើ យោងតាមសេចក្តីរាយការណ៍ ពីក្រសួងការពារជាតិ ប្រទេសនេះ កាលពីថ្ងៃច័ន្ទ អោយដឹងថា យ៉ាង ហោចណាស់ មនុស្ស ២ នាក់បានស្លាប់បាត់បង់ជីវិត ខណៈ មនុស្សម្នាក់ផ្សេងទៀត បានរងរបួស ក្រោយពីមានករណីផ្ទុះអាវុធ បាញ់គ្រាប់ពិត នៅក្នុងសាលាមួយកន្លែង ។</p>
<p><a class="thickbox" title="" href="/FileManager/Commons/2014/2/4/0-04-02-2014--09-16-17.jpg"><img src="/FileManager/Articles/mce/2014/2/4/0-04-02-2014--09-16-17.jpg" alt="" /></a></p>
<p>លើសពីនេះ ប្រភពសារព័ត៌មានដដែលបន្តអោយដឹងថា ជនរងគ្រោះដែលបានស្លាប់បាត់បង់ជីវិត ទាំងពីរនាក់នោះ ម្នាក់ជា គ្រូបង្រៀន និងម្នាក់ទៀត ជាមន្រ្តីប៉ូលីស ខណៈពេលដែល បុរសដែលជា ជនរងគ្រោះម្នាក់ទៀត ជាមន្រ្តីប៉ូលីសដូចគ្នាដែរ ។</p>
<p><a class="thickbox" title="" href="/FileManager/Commons/2014/2/4/2-3-14-russian-police-escort-children-from-schoolfull600-04-02-2014--09-16-28.jpg"><img src="/FileManager/Articles/mce/2014/2/4/2-3-14-russian-police-escort-children-from-schoolfull600-04-02-2014--09-16-28.jpg" alt="" width="475" height="317" /></a></p>
<p>គួររំឭកផងដែរថា មកទល់នឹងខណៈ ជនដៃដល់ ដែលជាខ្មាន់កាំភ្លើងនោះ ត្រូវបានមន្រ្តីប៉ូលីសធ្វើ ការចាប់ឃាត់ខ្លួន តែពុំទាន់ត្រូវបានប្រភពផ្លូវការ បញ្ជាក់អត្តសញ្ញាណនៅឡើយទេ តែអ្វីដែលបាន ដឹងនោះ បានដឹងត្រឹមតែថា គេមានអាយុទើបតែ ១៥ ឆ្នាំ និងជាសិស្សតែប៉ុណ្ណោះ ។</p>
<p><a class="thickbox" title="" href="/FileManager/Commons/2014/2/4/big-04-02-2014--09-16-46.jpg"><img src="/FileManager/Articles/mce/2014/2/4/big-04-02-2014--09-16-46.jpg" alt="" /></a></p>
<p>យ៉ាងណាមិញ បើតាមការអោយដឹងពី លោក <span id="Zoom">Anatoly Yakunin ជាប្រធានផ្នែក ប្រចាំក្រសួងមហា ផ្ទៃ អោយដឹងថា មូលហេតុដែលនាំអោយមានការបាញ់បោះលើកនេះ ពុំទាន់បានដឹងច្បាស់នៅ ឡើយនោះទេ ពោលគឺ ស្ថិតនៅក្រោមការតាមដាន ស៊ើបអង្កេត ៕</span></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>