<div class="item-page">
<p><span style="color: #000000;"><strong>(ភ្នំពេញ)៖</strong> នៅព្រឹកថ្ងៃទី២៣ ខែឧសភា ឆ្នាំ២០១៦នេះ ព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានយាងដល់ខេត្តសៀមរាបហើយ ដើម្បីគង់ប្រថាប់ជាព្រះរាជ អធិបតីភាពដ៏ខ្ពង់ខ្ពស់ ក្នុងព្រះរាជពិធីបុណ្យច្រត់ព្រះនង្គ័ល នៅថ្ងៃស្អែកនេះ។</span></p>
<p><span style="color: #000000;">តាមសេចក្តីរាយការណ៍របស់ភ្នាក់ងារ Fresh News នៅខេត្តសៀមរាប បានឱ្យដឹងថា អភិបាលខេត្តសៀមរាប លោក ឃឹម ប៊ុនសុង រួមទាំងមន្រ្តីសំខាន់ មួយចំនួនទៀត បានកំពុងធ្វើបដិសណ្ឋាកិច្ច ចំពោះការយាងដល់របស់ព្រះមហាក្សត្រ។</span></p>
<p><span style="color: #000000;">ព្រះរាជពិធីច្រត់ព្រះនង្គ័ល នឹងប្រារព្ធឡើងនៅលើលានជល់ដំរី ក្នុងតំបន់អង្គរ ខេត្តសៀមរាប។ បើតាមការប្រកាសរបស់ អាជ្ញាធរខេត្ត សៀមរាប បានឱ្យដឹងថា នេះជាលើកទី២ហើយ (លើកទី១ នៅឆ្នាំ២០១១) សម្រាប់ការប្រារព្ធព្រះរាជពិធីបុណ្យ ប្រពៃណីជាតិដ៏ធំនេះ នៅលើទឹកដីអង្គរ ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា។</span></p>
<p><span style="color: #000000;">សូមជម្រាបថា ព្រះរាជពិធីច្រត់ព្រះនង្គ័លតែងតែ ប្រារព្ធធ្វើឡើងជារៀងរាល់ឆ្នាំនៅក្នុងខែពិសាខ នៅឯវាលព្រះមេរុ ស្ថិតនៅខាងជើងព្រះបរមរាជវាំង នៃរាជធានីភ្នំពេញសព្វថ្ងៃ តែឆ្នាំខ្លះព្រះរាជពិធីនេះ ក៏ធ្វើនៅតាមបណ្តាខេត្តដែរ ដែលមានប្រវត្តិយូរលង់ណាស់មកហើយ។</span></p>
<p><span style="color: #000000;">ព្រះរាជពិធីបុណ្យប្រពៃណីនេះ ធ្វើឡើងក្នុងគោលបំណងផ្សងមើល ប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ»។ ម្យ៉ាងទៀតក៏ជាការដាស់តឿន ក្រើនរំឭកដល់ប្រជាជនខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវវស្សាបានចូលមកដល់ហើយ៕</span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-23-11-09-53-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-23-11-09-53-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-23-11-09-51-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-23-11-09-52-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-23-11-09-52-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-23-11-09-52-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-23-11-09-52-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/N/fn-2016-05-23-11-09-53-7.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
<div></div>
</div>