<div class="article-content">
<p><strong>ភ្នំពេញ ៖</strong> ករណីលោតទឹកសម្លាប់ខ្លួន ចំនួន ២ បានកើតឡើងកាលពីព្រឹកព្រលឹម និងព្រឹកថ្ងៃទី<br />១៦ ខែតុលា ឆ្នាំ២០១៣ ដែល ម្នាក់លោតទឹកពីលើស្ពានជ្រោយចង្វារ បាន សម្រេច តែមិនស្លាប់<br />ទំនងជាខ្លាច សុខចិត្ដ បណ្ដែតខ្លួនតាមទឹកហូរ រហូតដល់មុខផ្សារ រាត្រី រីឯស្ដ្រីម្នាក់ទៀត ប្រុង<br />លោតទឹកពីលើ ស្ពានព្រះមុនីវង្សថ្មី ប៉ុន្ដែ ត្រូវបានសមត្ថកិច្ច ជួយសង្គ្រោះទាន់ពេលវេលា ក្រោយ<br />ពេល ដែលជនរងគ្រោះរូបនេះ ប៉ងសម្លាប់ខ្លួនម្ដង រួចមកហើយ កាលពីព្រឹកថ្ងៃដដែល ប៉ុន្ដែ មិន<br />បានសម្រេច។សម្រាប់បុរសដែលលោត ទឹកពីលើស្ពានជ្រោយចង្វារ ចង់សម្លាប់ខ្លួន នោះ ព្រោះ<br />តែជំពាក់បំណុលគេ និងចាញ់ ល្បែងអស់លុយ រីឯស្ដ្រីដែលប្រុងលោតទឹក ពីលើស្ពានព្រះមុនីវង្ស<br />ថ្មី តូចចិត្ដនឹងសង្សារ បែកចិត្ដ ក៏ដូចជាមានទំនាស់ពាក្យសំដីជា មួយបងស្រី។ សម្រាប់ករណីលោត<br />ទឹកទី១ បានកើតឡើងកាលពីវេលាម៉ោង ៦ព្រឹក ថ្ងៃទី១៦ ខែតុលា ឆ្នាំ២០១៣ ដែលជនរង គ្រោះ<br /> ត្រូវបានសមត្ថកិច្ចប្រាប់ថា ឈ្មោះ អ៊ឹង សុផាន់ណារ៉ា អាយុ ៣០ឆ្នាំ រស់នៅ ក្នុងសង្កាត់កាកាប ខណ្ឌ<br />ពោធិ៍សែនជ័យមាន មុខរបរ មិនពិតប្រាកដ ។</p>
<p>ប្រភពព័ត៌មានពីបងប្រុសជនរងគ្រោះ បានឱ្យដឹងថា មុនពេលកើតហេតុគាត់បាន ឌុបប្អូនប្រុស<br />របស់គាត់ ទៅបេនរថយន្ដគល់ ស្ពានជ្រោយចង្វារ ត្រើយខាងកើតដើម្បី ប្រុងធ្វើដំណើរទៅកាន់<br />ខេត្ដកំពង់ធំ ប៉ុន្ដែ ពេលធ្វើដំណើរទៅដល់លើស្ពានជ្រោយចង្វារ ជនរងគ្រោះធ្វើរបូតស្បែកជើង <br />ហើយប្រាប់ ឱ្យបងប្រុសឈប់ម៉ូតូទៅរើសស្បែកជើង។ នៅពេលបងប្រុសឈប់ម៉ូតូ ជនរងគ្រោះ ស្រាប់តែលោតពីលើស្ពានជ្រោយចង្វារចូល ទៅក្នុងទឹក បង្កឱ្យមានការភ្ញាក់ផ្អើលដល់ សមត្ថកិច្ច<br /> ដែលយាមប្រចាំការនៅគោល ដៅស្ពាន ជួយអន្ដរាគមន៍ ។ ប៉ុន្ដែពេលធ្លាក់ ចូលទៅក្នុងទឹកហើយ<br />នោះ ទំនងជាមិនចង់ ស្លាប់ ជនរងគ្រោះបានបណ្ដែតខ្លួនតាមខ្សែ ទឹក រហូតដល់មុខផ្សាររាត្រីទើប<br />ឡើងគោក វិញ រួចផុតពីសេចក្ដីស្លាប់តែម្ដងទៅ ។បន្ទាប់ មកសមត្ថកិច្ចបានហៅទៅសួរនាំ និងធ្វើ<br />ការ អប់រំ រួចអនុញ្ញាតឱ្យត្រឡប់ទៅផ្ទះវិញ ។</p>
<p>ដោយឡែកករណីទី២ បានកើតឡើង នៅវេលាម៉ោងប្រមាណ ១២ និង២០នាទី រសៀលថ្ងៃទី១៦ <br />ខែតុលា ឆ្នាំ២០១៣ ដែល ជនរងគ្រោះ ត្រូវបានសមត្ថកិច្ចប្រាប់ថា មានឈ្មោះ ចន្ធូ អាយុ ២៨ឆ្នាំ <br />រស់នៅផ្ទះ ជួល ម្ដុំសឡា ក្នុងភូមិដំណាក់ធំ សង្កាត់ស្ទឹង មានជ័យ ខណ្ឌមានជ័យ ។</p>
<p>យោងតាមប្រភពព័ត៌មាន ពីសមត្ថកិច្ច ប្រចាំការនៅគោលដៅ ស្ពានព្រះមុនីវង្សថ្មី បានឱ្យដឹងថា <br />មុនពេលកើតហេតុជនរង គ្រោះបានធ្វើដំណើរមកស្ពានព្រះមុនីវង្សថ្មី ហើយប្រុងលោតពីលើស្ពាន<br /> ប៉ុន្ដែ នៅពេល ឡើងលើបង្កាន់ដៃស្ពាននោះ សមត្ថកិច្ច ឃើញទាន់ ក៏ទៅជួយឃាត់ទាន់ពេលវេលា។<br /> ក្រោយការសួរនាំ ពីមិត្ដភ័ក្ដិដែលរួមដំណើរ មកជាមួយជនរងគ្រោះ បានឱ្យដឹងថា ជន រងគ្រោះកាល<br />ពីព្រឹកថ្ងៃដដែលនោះ ប៉ង សម្លាប់ខ្លួនរួចម្ដងហើយ ដោយចង់លោត ទៅក្នុងប្រឡាយសឡា ប៉ុន្ដែត្រូវ<br />គេជួយ ទាន់ ។នៅពេលដែលសមត្ថកិច្ចកំពុងជួយ ឃាត់នោះ ជនរងគ្រោះបានស្រែកយំខ្លាំងៗ ថា <br />មិនចង់រស់នោះទេ ហើយកុំមកចាប់នាង។</p>
<p>បើយោងតាមសមត្ថកិច្ច មូលហេតុដែល នាំឱ្យជនរងគ្រោះ ប៉ងសម្លាប់ជីវិតរបស់ខ្លួន យ៉ាងដូច្នេះ <br />បណ្ដាលមកពីតូចចិត្ដនឹងសង្សារ សុំបែក និងម្យ៉ាងវិញទៀត មានជម្លោះ ពាក្យសំដីជាមួយបងស្រី <br />ខណៈដែលប្រភព ព័ត៌មានមួយចំនួនទៀត បាននិយាយថា ជន រងគ្រោះរូបនេះ ជាមនុស្សញៀន<br />ថ្នាំផងដែរ។ក្រោយជួយសង្គ្រោះបានសម្រេច សមត្ថ កិច្ច បានធ្វើការអប់រំ រួចអនុញ្ញាតឱ្យត្រឡប់ <br />ទៅផ្ទះវិញ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0287.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>