<div class="article-content">
<p><strong>បន្ទាយមានជ័យ ៖</strong> ពលរដ្ឋរងគ្រោះម្នាក់ឈ្មោះ មាន ចាន់សុភ័ក្រ្ត ភេទប្រុស អាយុ៣២ឆ្នាំ រស់<br />នៅភូមិគោក ស្វាយ ឃុំឬស្សីក្រោក ស្រុកមង្គលបុរី ខេត្តបន្ទាយមានជ័យបានឲ្យដឹងថា កាលពី<br />ថ្ងៃទី០៦ ខែសីហា ឆ្នាំ ២០១៣ ពេលព្រលប់ ខ្លួនត្រូវបានផ្កាយ១ទំនើងម្នាក់ វាយក្បាលនឹងកាំភ្លើង<br />ខ្លីបណ្តាលឲ្យរងរបួស ហើយ គេចខ្លួនបាត់។</p>
<p>ជនរងគ្រោះខាងលើបានបន្តថា ផ្កាយ១ទំនើងនោះមានឈ្មោះ ចៃ ស៊ុង ភេទប្រុស អាយុជាង៤០<br />ឆ្នាំ មាន ផ្ទះសម្បែងនៅខេត្តបាត់ដំបង ជាមេឈ្មួញនាំឈើគ្រញូងចូលពីថៃមកកម្ពុជាដ៏សកម្ម <br />ជានគរបាលពាក់ ផ្កាយ១ នៅក្រសួងមហាផ្ទៃ ។ជនរងគ្រោះបានបន្តថា មុនកើតហេតុផ្កាយ១<br />ទំនើង ចៃ ស៊ុង បានជិះម៉ូតូឌុប គ្នាជាមួយឈ្មោះ អ៊ុល បានមកឈប់មុខផ្ទះរបស់ខ្លួន រួចស្ទុះមក<br />វាយខ្លួនទាំងកំរោល និងមិនដឹងមូលហេតុ ដោយកាំភ្លើងខ្លី បណ្តាលឲ្យបែកក្បាលរងរបួសយ៉ាង<br />ធ្ងន់ធ្ងររួចគេចខ្លួនអស់ ក្រោយកើតហេតុភ្លាមៗ ខ្លួន បានទៅប្តឹងនគរបាលស្រុក ឲ្យជួយអន្តរាគមន៍<br />តែហាក់ដូចគ្មានអ្នកអើពើ ខ្លួនក៏បានទៅប្តឹងកម្លាំង អ.ហ ស្រុកមង្គលបុរី ទើបឈានដល់ការស្ទាក់<br />ចាប់បានរថយន្តរបស់ជនបង្ក តែជនសង្ស័យរត់បាត់។</p>
<p>ជនរងគ្រោះ មាន ចាន់សុភ័ក្រ្ត បានបញ្ជាក់ថា រវាងខ្លួននឹងឈ្មោះ ចៃ ស៊ុង នេះមិនធ្លាប់មានទំនាស់<br />អ្វីជា មួយគ្នាពីមុនមកទេ ។ តែខ្លួនធ្លាប់ធ្វើជាអ្នកមើលការខុសត្រូវឈើគ្រញូងនៅព្រំដែនថៃ មុននាំ<br />ចូលតាម ច្រករបៀងខុសច្បាប់មកកម្ពុជា ឲ្យលោកផ្កាយ១រូបនេះមួយរយៈ ក្រោយមកខ្លួនបានឈប់<br />ដោយមានថៅ កែផ្សេងឲ្យថ្លៃពលកម្មខ្ពស់ជាងខ្លួន បានទៅធ្វើការកន្លែងផ្សេងទើបឈ្មោះ ចៃ សេង<br /> នេះមានមិនសប្បាយ ចិត្ត ។</p>
<p>បច្ចុប្បន្នរថយន្តរបស់លោកផ្កាយ១ ចៃ ស៊ុង មានម៉ាកឡុចស៊ីស GS300 ពណ៌ទឹកមាស ពាក់ស្លាក<br />លេខ ភ្នំពេញ 2L:6585 ត្រូវបានកម្លាំង អ.ហ ស្រុកមង្គលបុរីចាប់ឃាត់ យកមករក្សាទុក ដើម្បីចាប់<br />ការតាមនីតិ វិធីច្បាប់ ។</p>
<p>ប្រភពច្បាស់ការណ៍មួយចំនួនបានឲ្យដឹងថា ក្រោយពីសមត្ថកិច្ច អ.ហ ឃាត់យករថយន្តទៅកន្លែង<br /> លោក ផ្កាយ១ទំនើងនោះ ពេលនេះកំពុងរត់ពឹងគេឯងឲ្យជួយរត់ការបិទព័ត៌មាន និងចង់ដោះស្រាយ<br />ក្រៅប្រព័ន្ធ តុលាការជាមួយជនរងគ្រោះទៀតផង ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0149.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0150.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0151.jpg" alt="" width="500" /></p>
</div>
<div class="ja-content-bottom clearfix">
<div style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</div>
</div>