<p><span style="color: #000000;"><strong>ភ្នំពេញ៖</strong> ថ្មីៗនេះ តារាចម្រៀងប្រុស របស់ផលិតកម្ម ដាយម៉ិន លោក ទេព អាណាក់ ត្រូវបានមហាជនអ្នកគាំទ្រ និងសារព័ត៌មានក្នុងស្រុកចុះផ្សាយ ដោយបានការសង្ស័យ ទៅលើតារាប្រុសរូបនេះថា កំពុងមានទំនាក់ទំនងស្នេហា បញ្ជ្រាសទិសផ្ទុយពីធម្មជាតិ គឺប្រុសស្រឡាញ់ប្រុសភេទដូចគ្នា។ ប៉ុន្តែក្រោយពីបានទទួល ព័ត៌មាននេះ លោក ទេព អាណាក់ បានចេញមុខបកស្រាយ និងបដិសេធន៍ពុំមែន ជាការពិតនោះទេ។</span></p>
<p><span style="color: #000000;">ប្រាប់គេហទំព័រ LookingTODAY តាមទូរស័ព្ទ នៅរសៀលថ្ងៃទី០៤ ខែ មិថុនា ឆ្នាំ២០១៥នេះ លោក ទេព អា ណាក់បាននិយាយបដិសេធន៍ថា «រឿងដែលគេនិយាយថា ខ្ញុំមានស្នេហាជាមួយ មនុស្សប្រុសភេទដូចគ្នានោះ គឺគ្មានទេ ។ មានមូលហេតុអីបានថា ខ្ញុំស្រឡាញ់ប្រុសគ្នាឯង ? នេះគ្រាន់តែការយល់ច្រឡំប៉ុណ្ណោះ..។ខ្ញុំមិនដឹងខ្លួនផងហ្នឹង រឿងគេសង្ស័យ ស្រឡាញ់ប្រុសដូចគ្នានោះ គឺវាមិនអាចទៅរួចទេស្រីស្អាតៗជាច្រើន មិនស្រឡាញ់ ចាំបាច់ ទៅស្នេហាប្រុសដូចគ្នាធ្វើអី? ខ្ញុំគឺជាមនុស្សប្រុសចំតួ។ ប៉ុន្តែយ៉ាងណា ខ្ញុំទទួលស្គាល់ថា បើការជួបជុំស្និទ្ធ លេងសើចជាមួយមិត្ត ភក្តិធ្វើការងារជាមួយគ្នា ពិតជាមានមែន..»។</span></p>
<p><span style="color: #000000;">ម្ចាស់បទ «យប់មិញខ្ញុំយំ » លោក ទេព អាណាក់ បានបន្ថែមថា ឲ្យតែមានកម្មវិធីជួបជុំគ្នាម្តងៗ រូប លោកព្រមជាមួយមិត្តភក្តិ តែងតែបង្ហាញពីភាពស្និទ្ធស្នាល លេងសើចជាមួយគ្នា តែមិននឹកស្មាន ថាមានគេចាំចាប់កំហុស លោកបែបនេះសោះ។ លោកក៏បានបញ្ជាក់ថា ពីមុនលោកធ្លាប់ដើរលេង ជាមួយអ្នកលេងភ្លេង នៅភោជនីយដ្ឋាន រហាត់លាភម្នាក់ ព្រោះសុទ្ធតែមិត្តភក្តិ អ្នករួមអាជីពការងារ ជាមួយគ្នា ប៉ុន្តែការរាប់អាននេះ ពុំមែនជាការសាងស្នេហ៍ រវាងប្រុសស្រឡាញ់ ប្រុសគ្នាឯងនោះទេ សុំកំយល់ច្រឡំទៀត។</span><br /><span style="color: #000000;">សូមជម្រាបជូនថា តារាចម្រៀង លោក ទេព អាណាក់ ថ្មីៗនេះ ក៏ស្រាប់តែលេចឮ ពាក្យខ្សឹបខ្សៀវគ្នាចេញមកថា លោកឮកំពុងមាន ស្នេហាភេទដូចគ្នា ស្របពេលគេធ្លាប់ ឧស្សាហ៍ឃើញលោក ដើរហើរជាមួយបុរសម្នាក់ មាឌដំបង រាងខ្ពស់ស្រឡះ ជាញឹកញាប់ ព្រមទាំងបង្ហាញកាយវិការ ស្អិតល្មួតខុសពីភាព ប្រក្រតីផងនោះ ។</span></p>
<p><span style="color: #000000;">ប៉ុន្តែយ៉ាងណាមិញ បន្ទាប់ពីមានការចុះផ្សាយ ព័ត៌មានមិនទាន់បានប៉ុន្មានផង លោក ទេព អាណាក់ ក៏បានចេញមុខមកបកស្រាយ និង ធ្វើការច្រានចោល ចំពោះព័ត៌មានដែលគេ បានដាក់ការសង្ស័យ លើរូបលោកថា ជារឿងមិនពិត ហើយវាគ្រាន់តែជាការយល់ច្រឡំ តែប៉ុណ្ណោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/5/10-05-06-2015--08-35-55.jpg"><img src="/FileManager/Articles/mce/2015/6/5/10-05-06-2015--08-35-55.jpg" alt="" /></a></span></p>
<p><a class="thickbox" title="" href="/FileManager/Commons/2015/6/5/11-05-06-2015--08-36-03.jpg"><img src="/FileManager/Articles/mce/2015/6/5/11-05-06-2015--08-36-03.jpg" alt="" /></a></p>
<p><a class="thickbox" title="" href="/FileManager/Commons/2015/6/5/12-05-06-2015--08-36-10.jpg"><img src="/FileManager/Articles/mce/2015/6/5/12-05-06-2015--08-36-10.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>