<p><strong>ព័ត៌មានអន្តរជាតិ ៖</strong> យ៉ាងហោចណាស់ មនុស្ស ១៥ នាក់ បានស្លាប់បាត់បង់ជីវិតយ៉ាង<br />អណោចអធម បន្ទាប់ពីរថយន្តក្រុង ដឹកអ្នកដំណើរ ៣៦ នាក់មួយគ្រឿង បោលធ្លាក់ជ្រលង<br />ភ្នំ ជម្រៅដល់ទៅ ៤០ ម៉ែត្រ ភាគពាយព្យ ប្រទេសចិន នេះបើតាមការដកស្រង់អត្ថបទ<br />ផ្សាយ ពីគេហទំព័រសារព័ត៌មានចិន chinadaily ។</p>
<p><a class="thickbox" title="" href="/FileManager/Commons/2013/6/19/f04da2da78cd132b3aa809-19-06-2013--14-36-16.jpg"><img src="/FileManager/Articles/mce/2013/6/19/f04da2da78cd132b3aa809-19-06-2013--14-36-16.jpg" alt="" width="443" height="320" /></a></p>
<p>គួរបញ្ជាក់ផងដែរថា ករណីគ្រោះថ្នាក់រថយន្តក្រុងដ៏គួរអោយរន្ធត់ ខាងលើនេះ បានកើត<br />ឡើងកាលពីថ្ងៃអង្គារម្សិលមិញនេះ វេលាម៉ោងប្រមាណជាង ៥ និង ១៥ នាទីល្ងាច។ដោយ<br />ឡែក ប្រភពសារព័ត៌មានដដែលបន្ថែមថា រាល់អ្នកដំណើរទាំងអស់ គឺជាក្រុមបុគ្គលិកមក<br />ពីក្រុមហ៊ុនឯកជនក្នុងស្រុកមួយ ហើយពួកគេធ្វើធ្វើដំណើរវិលត្រលប់មកភូមិវិញ បន្ទាប់ពី<br />មានការដើរទស្សនាចរលេងកំសាន្តតំបន់ទាក់ទាញទេសចរណ៍ក្បែរភូមិ Miaoergou ។</p>
<p>យ៉ាងណាមិញ បើយោងតាមសេចក្តីរាយការណ៍ក្នុងស្រុក អោយដឹងថា រថយន្តក្រុងមួយ<br />គ្រឿងនេះ មិនបានដឹកលើសចំនុះនោះទេ ហើយបើនិយាយពីមូលហេតុដែលបានបណ្តាល<br />អោយកើតមានឡើងនូវសោកនាដកម្ម ដ៏គួរអោយសោកស្តាយបែបនេះ ទំនងមកពីការចុះ<br />អ័ព្ទខ្លាំងពេក (នេះបើតាមការតាមដានស៊ើបអង្កេតជាលើកដំបូង) ស្របពេលដែលផ្លូវមាន<br />លក្ខណៈរអិល និងភក់ បន្ទាប់ពីមានការធ្លាក់ភ្លៀងនាពេលកន្លងមក ។</p>
<p><a class="thickbox" title="" href="/FileManager/Commons/2013/6/19/f04da2da78cd132b3c3d0a-19-06-2013--14-37-45.jpg"><img src="/FileManager/Articles/mce/2013/6/19/f04da2da78cd132b3c3d0a-19-06-2013--14-37-45.jpg" alt="" width="437" height="275" /></a></p>
<p>គួររំឭកផងដែរថា ភ្លាមៗនោះ ក៏មានការអន្តរាគមន៍ពីសំណាក់មន្រ្តីជំនាញ ដោយបានចុះ<br />ទៅដល់កន្លែងកើតហេតុភ្លាមៗ និងបញ្ជូនជនរងគ្រោះទៅកាន់មន្ទីរពេទ្យក្នុងក្រុង Changji <br />ដើម្បីធានាអោយបានថា អត្រាអ្នកស្លាប់បាត់បង់ជីវិត នឹងមិនកើនឡើងខ្ពស់ជាងនេះទៅ<br />ទៀត៕</p>
<p style="text-align: right;">ដោយ ៖ ពិសី<br />ប្រភព ៖ chinadaily </p>