<p><span style="color: #000000;"><strong>ភ្នំពេញ៖</strong> លោកស្រី ហ៊ុន ស៊ីណាត ប្អូនស្រីនាយករដ្ឋមន្រ្តី នៃកម្ពុជា សម្តេចតេជោ ហ៊ុន សែន នៅព្រឹកថ្ងៃនេះ ត្រូវ បានក្រុមសន្តិសុខក្រុមហ៊ុនរថយន្ត ISUZU ជាច្រើននាក់ចេញមកដេញ មិនឲ្យចតរថយន្តនៅចិញ្ចើមផ្លូវមុខក្រុម ហ៊ុន នាំឲ្យលោកស្រីក្តៅចិត្តទាំងព្រឹកព្រលឹម។</span></p>
<p><span style="color: #000000;">បើតាមការបញ្ជាក់របស់លោកស្រី ហ៊ុន ស៊ីណាត នៅលើទំព័រហ្វេសប៊ុករបស់លោកស្រី បានបញ្ជាក់ថា នៅព្រឹកថ្ងៃ ទី២៧ ខែសីហា ឆ្នាំ២០១៥នេះ គ្រាលោកស្រីកំពុងឈបរថយន្តរង់ចាំអ្នករួមដំណើរដទៃទៀត នៅមុខក្រុមហ៊ុន ISUZU ស្ថិតនៅតាមបណ្តោយវិថីសហព័ន្ធរុស្ស៊ី ស្ថិតនៅក្នុងសង្កាត់ទឹកថ្លា ខណ្ឌសែនសុខនោះ ស្រាប់តែមានសន្តិ សុខជាច្រើននាក់ បានចេញមកដេញរថយន្តរបស់លោកស្រី។</span></p>
<p><span style="color: #000000;">អមជាមួយរូបភាពសន្តិសុខជាច្រើនសន្លឹកបង្ហាញកាយវិការច្រង៉េងច្រង៉ាង លោកស្រី ហ៊ុន ស៊ីណាត បានបញ្ជាក់ លើទំព័រហ្វេសប៊ុករបស់ខ្លួនថា «ថ្ងៃនេះបានដឹងច្បាស់ថា វាសាហាវណាស់។ ខ្លួនខ្ញុំផ្ទាល់បានជួបនូវហេតុការមួយ ដែលកន្លែងដាក់ឡានលក់ម៉ាក ISUZU មកដេញ ឡាន ដែលខ្ញុំចតនៅចាំគ្នាមុនហ្នឹងចេញដំណើរ»។</span></p>
<p><span style="color: #000000;">លោកស្រី ហ៊ុន ស៊ីណាត បានលើកជាសំណួរថា «យើងមានសិទ្ធិទេ ក្នុងការចត ពីព្រោះយើងបានបង់ពន្ធផ្លូវរៀង រាល់ឆ្នាំពុំដែលខាន យើងនៅចតនៅក្បែរខាង?»។</span></p>
<p><span style="color: #000000;">ឆ្លើយតបបញ្ហាខាងលើ មជ្ឈមណ្ឌលព័ត៌មានដើមអម្ពិល មិនទាន់អាចស្វែងរកការស្រាយបំភ្លឺពីខាងក្រុមហ៊ុន ISUZU បាននៅឡើយទេ នាព្រឹកថ្ងៃនេះ៕</span></p>
<p><a class="thickbox" title="" href="/FileManager/Commons/2015/8/27/8-27-2015-9-55-43-am-27-08-2015--10-02-27.png"><img src="/FileManager/Articles/mce/2015/8/27/8-27-2015-9-55-43-am-27-08-2015--10-02-27.png" alt="" /></a></p>
<p><a class="thickbox" title="" href="/FileManager/Commons/2015/8/27/8-27-2015-9-56-23-am-27-08-2015--10-02-36.png"><img src="/FileManager/Articles/mce/2015/8/27/8-27-2015-9-56-23-am-27-08-2015--10-02-36.png" alt="" /></a></p>
<p style="text-align: right;">ផ្ដល់សិទ្ធដោយ៖ ដើមអម្ពិល</p>