<p><span style="color: #000000;"><strong>(សេអ៊ូល)៖</strong> អតីតអគ្គលេខាធិការអង្គការសហប្រជាជាតិ លោក បាន គីមូន មិនបានដឹងហើយក៏មិនបានជាប់ពាក់ព័ន្ធដែរជុំវិញការចោទប្រកាន់របស់ក្រុមរដ្ឋអាជ្ញាសហរដ្ឋអាមេរិកថា ប្អូនប្រុស និងក្មួយប្រុសរបស់លោកបានប្រព្រឹត្តអំពើពុករលួយតាមរយៈការសូកប៉ាន់មន្ត្រីរដ្ឋាភិបាលម្នាក់មកពីតំបន់មជ្ឈិមបូព៌ា ឱ្យប្រើប្រាស់មូលនិធិរដ្ឋាភិបាល ដើម្បីទិញគំរោងអាគារនៅវៀតណាម។ នេះបើតាមអ្នកនាំពាក្យលោក បាន គីមូន ដែលដក ស្រង់សម្ដី ដោយសារព័ត៌មាន Channel News Asia នៅថ្ងៃពុធ ទី១១ ខែមករា ឆ្នាំ២០១៧។</span></p>
<p><span style="color: #000000;"><a class="thickbox" title="" href="/FileManager/Commons/2017/1/11/25c-11-01-2017--14-47-17.jpg"><img src="/FileManager/Articles/mce/2017/1/11/25c-11-01-2017--14-47-17.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/1/11/25d-11-01-2017--14-47-26.jpg"><img src="/FileManager/Articles/mce/2017/1/11/25d-11-01-2017--14-47-26.jpg" alt="" /></a><span style="color: #000000;"><a class="thickbox" title="" href="/FileManager/Commons/2017/1/11/25c-11-01-2017--14-47-17.jpg"></a><br /></span></p>
<p><span style="color: #000000;">ប្អូនប្រុសរបស់លោក បាន គីមូន គឺលោក បាន គីសាង (Ban Ki-sang) និងក្មួយប្រុសរបស់លោកឈ្មោះ ជូ យ៉ុនបាន (Joo Hyun Bahn) ត្រូវបានក្រុមរដ្ឋអាជ្ញាអាមេរិកចោទប្រកាន់ថា បានចូលរួមក្នុងអំពើពុករលួយ ជាមួយមន្ត្រីរដ្ឋាភិបាលម្នាក់មកពីតំបន់មជ្ឈិមបូព៌ាក្នុងក្របខ័ណ្ឌនៃការប៉ុនប៉ងលក់អាគាររបស់ខ្លួនមានតម្លៃជាង ៨០០លានដុល្លារ នៅក្នុងប្រទេសវៀតណាម។</span></p>
<p><span style="color: #000000;">គួរបញ្ជាក់ថាលោក បាន គីមូន បានកាន់តំណែងជាអគ្គលេខាធិការអង្គការសហប្រជាជាតិ ពីឆ្នាំ២០០៧ ដល់ឆ្នាំ២០១៦ ហើយអ្នកបន្តវេនពីលោក គឺអតីតនាយករដ្ឋមន្ត្រីព័រទុយហ្កាល់ លោក អាន់តូនីញ៉ូ ហ្គូទែរ៉េស បានកាន់តំណែងនេះជាផ្លូវការកាលពីថ្ងៃទី០១ ខែមករា កន្លងទៅ។ ជាងនេះទៅទៀតការចោទប្រកាន់ខាងលើធ្វើឡើងនៅក្នុងបរិបទ ដែលលោក បាន គីមូន ត្រូវបានគេជឿជាក់ថា អាចនឹងឈរឈ្មោះជាបេក្ខភាពប្រកួតប្រជែងយកតំណែងប្រធានាធិបតីកូរ៉េខាងត្បូង នៅអាណត្តិថ្មីក្នុងឆ្នាំ២០១៧នេះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/11/25a-11-01-2017--13-40-03.jpg"><span style="color: #000000;"><img src="/FileManager/Articles/mce/2017/1/11/25a-11-01-2017--13-40-03.jpg" alt="" /></span></a></span></p>
<p style="text-align: right;"><span style="color: #000000;">ប្រភព ៖ CNA/BBC</span></p>