<p><strong>ភ្នំពេញៈ</strong> ប្រជាពលរដ្ឋប្រមាណជា ១០០នាក់ ដែលរស់នៅជុំវិញរោងចក្រផលិតទឹកកក ស្ថិតនៅ<br />តាមបណ្តោយផ្លូវ ជាតិលេខ៥ ក្នុងសង្កាត់គីឡូម៉ែត្រលេខ៦ ខណ្ឌឬស្សីកែវ ដែលបញ្ចេញជាតិអា<br />ម៉ូញាក់ប៉ះពាល់ដល់ប្រជាពលរដ្ឋ នោះ បានបង្ខំឲ្យពួកគាត់ទ្រាំលែងបាន ហើយផ្ទុះការតវ៉ាស្ទើរ<br />តែបិទផ្លូវជាតិលេខ៥ នៅវេលាម៉ោងប្រមាណ ៨យប់ ថ្ងៃទី០៨ ខែឧសភា ឆ្នាំ២០១៣នេះ។</p>
<p>ប្រជាពលរដ្ឋ ដែលចូលរួមការតវ៉ាប្រឆាំងនិងរោងចក្រផលិតទឹកកកមួយនេះ បាននិយាយថា ដោយ<br />សារតែអត់ទ្រាំ លែងបានចំពោះការបញ្ចេញជាតិអាម៉ូញាក់ មានក្លិនស្អុយ ធ្វើឲ្យប៉ះពាល់សុខភាព<br />យ៉ាងធ្ងន់ធ្ងរនាំឲ្យពួកគាត់ចេញមកតវ៉ាមុខរោងចក្រតែម្តង ដោយអំពាវនាវឲ្យអាជ្ញាធរខណ្ឌឬស្សីកែវ<br />បិទរោងចក្រនេះចោល។</p>
<p>បើតាមប្រជាពលរដ្ឋរោងចក្រផលិតទឹកកកខាងលើនេះ ជាកម្មសិទ្ធិរបស់កូនប្រុសលោក តុង សេង<br />មានតួនាទីជា អភិបាលរងខេត្តកំពង់ស្ពឺ បានបើកដំណើរការជាយូរឆ្នាំមកហើយ។ ប្រជាពលរដ្ឋបាន<br />និយាយថា ជារៀងរាល់ថ្ងៃ រោងចក្រមួយនេះ បានបញ្ចេញជាតិអាម៉ូញាក់ក្នុងរយៈពេលខ្លីប៉ុណ្ណោះ <br />ប៉ុន្តែនៅថ្ងៃនេះ ស្រាប់តែបញ្ចេញជាតិអាម៉ូ ញាក់តាំងពីម៉ោង៦ល្ងាច ធ្វើឲ្យពួកគាត់ទ្រាំលែងបាន។</p>
<p>បន្ទាប់ពីផ្ទុះការតវ៉ានៅវេលាម៉ោង ៨ និង២០នាទីយប់ថ្ងៃដដែល គេសង្កេតឃើញអភិបាលខណ្ឌឬស្សី<br />កែវ លោក ឃ្លាំង ហួត និងអធិ ការខណ្ឌឬស្សីកែវ លោក ទៀង ច័ន្ទសា ចុះមកសម្របសម្រួល និង<br />ជួយដោះស្រាយបញ្ហា នេះ។</p>
<p>អភិបាលខណ្ឌលោក ឃ្លាំង ហួត បានស្នើឲ្យប្រជាពលរដ្ឋមានការស្ងប់ស្ងាត់ ហើយលោកនឹងចុះមក<br />ពិនិត្យ និងជួយ ដោះស្រាយបន្តទៀតនៅថ្ងៃស្អែក។</p>
<p>លោក ឃ្លាំង ហួត បានបញ្ជាក់ថា «ក្លិនមនុស្សផោមយើងទ្រាំមិនបានផង ចុះទម្រាំក្លិនស្អុយបញ្ចេញ<br />រោងចក្រទឹក កក។ តែខ្ញុំសូមឲ្យបងប្អូនទាំងអស់រក្សាភាពស្ងប់ស្ងាត់សិន ចាំព្រឹកស្អែកខ្ញុំចុះមកដោះ<br />ស្រាយជូន»។</p>
<p>លោក ឃ្លាំង ហួត ក៏បានឲ្យដឹងផងដែរថា នៅថ្ងៃទី០៩ ខែឧសភា ស្អែកនេះ លោកនឹងចេញលិខិត<br />ផ្អាក ដំណើរការរោងចក្រផលិតទឹកកកនេះ ជាបណ្តោះអាសន្ន ដើម្បីឲ្យភាគីរោងចក្រដោះស្រាយ ក៏ដូចជារៀបចំបច្ចេកទេសរោងចក្រឡើងវិញ។</p>
<p>ទោះបីជាយ៉ាងណាក្រុមប្រជាពលរដ្ឋបានអះអាងថា កន្លងមកពួកគាត់បានដាក់ពាក្យតវ៉ាជាច្រើនទៅ<br />សមត្ថកិច្ច និង អាជ្ញាធរក្នុងសង្កាត់ តែមិនឃើញមានការចេញមកដោះស្រាយជូនពួកគាត់នោះទេ។</p>
<p>បន្ទាប់ពីទទួលបានដំណឹងនៃការផ្ទុះតវ៉ាភ្លាម រដ្ឋមន្រ្តីក្រសួងឧស្សាហកម្ម រ៉ែ និងថាមពល លោក <br />ស៊ុយ សែម បានថ្លែងប្រាប់មជ្ឈមណ្ឌលព័ត៌មានដើមអម្ពិលទាំងយប់ថា លោកនឹងចាត់មន្រ្តីជំនាញ<br />របស់លោកថ្នាក់អគ្គនាយក ចូលខ្លួនមកដោះស្រាយបញ្ហា ដោយមិនទុកឲ្យជាតិពុលបន្តបំផ្លាញសុខ<br />ភាពប្រជាពលរដ្ឋនោះទេ៕</p>
<p style="text-align: center;"><object width="500" height="400" data="http://www.youtube.com/v/AkQ12ngIPWc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/AkQ12ngIPWc&rel=1" /></object></p>
<div>
<div></div>
</div>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-100.jpg" alt="Photo by DAP-NEWS" width="550" /></p>
<p style="text-align: center;"><strong>លោក ឃ្លាំង ហួត និយាយសម្របសម្រួលជាមួយប្រជាពលរដ្ឋ</strong></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-104.jpg" alt="Photo by DAP-NEWS" width="550" /></p>
<p style="text-align: center;"><strong>លោក សយ សុភាព ចុះយកព័ត៌មាន និងជួយសម្របសម្រួល ជាមួយប្រជាពលរដ្ឋនៅកន្លែងតវ៉ា</strong></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-101.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-102.jpg" alt="Photo by DAP-NEWS" width="550" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0033.jpg" alt="Photo by DAP-NEWS" width="550" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0035.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>