<p>ព័ត៌មានអន្តរជាតិ ៖ យោងតាមសម្តី អ្នកវិទ្យាសាស្រ្ត បកស្រាយអោយដឹងថា ផូស៊ីល ដាយនូស័រ យក្ស មានទំហំធំមហិមា ធំជាងពេលណាណា ទាំងអស់ ត្រូវបានប្រទះឃើញ នៅឯ ប្រទេស អា ហ្សង់ទីន ។</p>
<p><a class="thickbox" title="" href="/FileManager/Commons/2014/5/17/01-17-05-2014--09-02-56.jpg"><img src="/FileManager/Articles/mce/2014/5/17/01-17-05-2014--09-02-56.jpg" alt="" /></a></p>
<p>បន្ថែមពីលើនេះ ទំព័រសារព័ត៌មានបរទេស ប៊ីប៊ីស៊ី បញ្ជាក់បន្ថែមអោយដឹងថា ដាយនូស័រ ដែល ទើបតែបានរកឃើញនេះ វាអាចនឹងមានកំពស់ដល់ទៅ ២០ ម៉ែត្រ ខណៈប្រវែង បើចាប់គិត ពី ក្បាលរហូតដល់ចុងកន្ទុយ អាចនឹងមានប្រវែង ដល់ទៅ ៤០ ម៉ែត្រ នេះបើយោង តាមការ វិភាគ ទៅ លើ ឆ្អឹងភ្លៅ ដ៏ធំមហិមា របស់វា ។</p>
<p>សេចក្តីរាយការណ៍ បន្តអោយដឹងថា ខណៈមានទម្ងន់ដល់ទៅ ៧៧ តោន វាពិតជាធ្ងន់ស្មើនឹងដំរី អាហ្វ្រិកយក្ស ដល់ទៅ ១៤ ក្បាលឯណោះ ស្របពេលដែល ចំនួនគីឡូ ដ៏ធ្ងន់លើកនេះ បានបំ បែកកំណត់ត្រា ផូស៊ីល <em>Argentinosaurus </em>កាលពីពេលមុន ពោល មានទម្ងន់ ៧ តោន ធ្ងន់ជាង</p>
<p><a class="thickbox" title="" href="/FileManager/Commons/2014/5/17/02-17-05-2014--09-03-06.jpg"><img src="/FileManager/Articles/mce/2014/5/17/02-17-05-2014--09-03-06.jpg" alt="" /></a></p>
<p>ក្រុមអ្នកជំនាញ វិទ្យាសាស្រ្ត ជឿជាក់អោយដឹងថា វាគឺជាពូជដាយនូស័រ ប្រភេទថ្មី titanosaur គឺ ជាពូជដាយនូស័រយក្ស ដែលធ្លាប់បានរស់នៅលើភពផែនដី កាលពីចុងយុគសម័យ Cretaceous ពោល នាយុគសម័យអវសាន នៃពូជ ដាយនូស័រ ។</p>
<p>ក្រោយពីបានរកឃើញ ជាលើកដំបូង ពីកសិករ ក្នុងស្រុកមួយរូប ខណៈក្រោយមក ក៏មានការជីក កកាយរកផូស៊ីល ដាយនូស័រយក្ស មួយនេះ ពីសំណាក់ ក្រុមអ្នកជំនាញ មកពី សារមន្ទីរ Palae - ontology Egidio Feruglio ដែលមានលោក Jose Luis Carballido និង លោក Diego Pol ជាអ្នក ដឹកនាំ ។</p>
<p><a class="thickbox" title="" href="/FileManager/Commons/2014/5/17/03-17-05-2014--09-03-15.jpg"><img src="/FileManager/Articles/mce/2014/5/17/03-17-05-2014--09-03-15.jpg" alt="" /></a></p>
<p>គួរបញ្ជាក់ថា ដោយយោងទៅការវិភាគ ទៅលើ បណ្តាឆ្អឹង ក៏ដូចជា ផូស៊ីល ថ្ម និង ស្ថានភាព ដី ជាក់ស្តែង នៅឯតំបន់រុករកឃើញខាងលើ អោយដឹងថា ពូជដាយនូស័រ មួយនេះ ធ្លាប់មានវត្តមាន រស់នៅលើភពផែនដី កាលពីអំឡុង ១០០ លានឆ្នាំមុន ៕</p>
<p><a class="thickbox" title="" href="/FileManager/Commons/2014/5/17/04-17-05-2014--09-03-25.jpg"><img src="/FileManager/Articles/mce/2014/5/17/04-17-05-2014--09-03-25.jpg" alt="" width="499" height="883" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>