<p><span style="color: #000000;"><strong>ភ្នំពេញ៖</strong> តារាចម្រៀងប្រុស ក្នុងផលិតកម្ម Diamond Music លោក ទេព អាណាក់ ថ្មីៗនេះ បានបែកធ្លាយព័ត៌មានដ៏រសើបថា តារាប្រុសរូបនេះ បានមានទំនាក់ទំនងស្នេហា ជាមួយនារីវ័យក្មេងស្រស់សោភាម្នាក់ ជានិស្សិតរៀនឆ្នាំទី៣ នៃសាកលវិទ្យាល័យ ក្នុងក្រុងភ្នំពេញ។ ប៉ុន្តែអ្វីដែលភ្ញាក់ផ្អើលជាងនេះ គឺនារីដែលលោក ទេព អាណាក់ ស្រឡាញ់កឺជាសង្សា របស់មិត្តភក្តិខ្លួនទៅវិញ។</span></p>
<p><span style="color: #000000;">ផ្អែកតាមប្រភពពីអ្នកជិតដិត តារាប្រុសម្ចាស់បទ "យប់មិញខ្ញុំយំ" លោក ទេព អាណាក់ បានបង្ហើបថា បច្ចុប្បន្ន អាណាក់ កំពុងលួច ទាក់ទងស្រឡាញ់ នារីវ័យក្មេងម្នាក់ ដែលគេស្គាល់ថា ស្រីម្នាក់នេះ គឺជាអតីតសង្សាមិត្តភក្តិ របស់តារារូបនេះ។ ក្រោយពេលអ្នកទាំងពីរ បានស្គាល់គ្នាមិនបានយូរប៉ុន្មានផង ទេព អាណាក់ ក៏ចាប់ផ្តើមទាក់ទងចងសម្ព័ន្ធភាពស្នេហា រហូតមកដល់សព្វថ្ងៃនេះ។</span></p>
<p><span style="color: #000000;">ប្រភពដដែល បាននិយាយបន្តថា តារាចម្រៀង ទេព អាណាក់ និងនារីនិស្សិតឆ្នាំទី៣ វ័យក្មេងម្នាក់នោះហាក់កំពុងមានភាពស្និទ្ធស្នាល និង ផ្អែមល្ហែមជាមួយគ្នា ខណៈដែលអ្នកទាំងពីរទើបតែ ស្គាល់គ្នាមិនទាន់បានយូរ ខែប៉ុន្មានផងនោះ។</span></p>
<p><span style="color: #000000;">ប្រភពបានបន្ថែមថា នារីវ័យជាង២០ឆ្នាំ ដែលលោក ទេព អាណាក់ កំពុងមានទំនាក់ទំនង ស្នេហាជាមួយនេះ ដំបូងឡើយ គឺនាងធ្លាប់ស្រឡាញ់គ្នា ជាមួយមិត្តភក្តិ តារាប្រុសរូបនេះ ប៉ុន្តែក្រោយមកក៏បានស្គាល់គ្នា ជាមួយ អាណាក់ ទើបពួកគេទាំងពីរ ចាប់ផ្តើមលួចទាក់ទងគ្នា រហូតឈាន់ដល់ដំណាក់ នៃក្ដីស្នេហា ។ នារីម្នាក់នោះ ក៏បានផ្តាច់សម្ព័ន្ធភាពពីសង្សារចាស់ មកដាក់ការស្រឡាញ់ជាមួយលោក ទេព អាណាក់ វិញ។</span></p>
<p><span style="color: #000000;">ជុំវិញព័ត៌មាន ខាងលើនេះគេហទំព័រ LookingTODAY មិនទាន់អាចស្វែងរកការបកស្រាយពីសំណាក់ តារាចម្រៀង លោក ទេព អាណាក់ បានទេ កាលពីរសៀលថ្ងៃទី ៨ ខែវិច្ឆិកា ឆ្នាំ២០១៤នេះ ខណៈលេខទូរស័ព្ទដែលលោកធ្លាប់ប្រើ មិនអាចធ្វើការទាក់ទង បាន ។ ដូច្នេះ LookingTODAY ស្វាគមន៍រាល់ការចេញមុខបំភ្លឺ ជុំវិញព័ត៌មានលើកឡើង ខាងលើនេះ ដើម្បីឱ្យមហាជន ដឹងច្បាស់ពីការពិត។</span></p>
<p><span style="color: #000000;">លោក ទេព អាណាក់ បានសាងកេរ្តិ៍ឈ្មោះ ក្នុងវិស័យសិល្បៈ ជាច្រើនឆ្នាំមកហើយ។ កាលពីពេលថ្មីៗនេះ លោកក៏បានចេញបទ ចម្រៀងជាច្រើនបទ នៅក្នុងផលិតកម្ម Diamond Music ដាក់ លក់លើទីផ្សារ។ ចំពោះបទចម្រៀងដែលមាន ភាពលេចធ្លោខ្លាំងជាងគេ គឺ មានចំណងជើងថា យប់មិញខ្ញុំយំ និងគេថាខ្ញុំមានកម្ម ជាដើម ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/10/11-10-2014-11-30-10-am-10-11-2014--11-36-43.jpg"><img src="/FileManager/Articles/mce/2014/11/10/11-10-2014-11-30-10-am-10-11-2014--11-36-43.jpg" alt="" /></a></span></p>
<p><a class="thickbox" title="" href="/FileManager/Commons/2014/11/10/11-10-2014-11-29-52-am-10-11-2014--11-36-54.jpg"><img src="/FileManager/Articles/mce/2014/11/10/11-10-2014-11-29-52-am-10-11-2014--11-36-54.jpg" alt="" /></a></p>
<p><a class="thickbox" title="" href="/FileManager/Commons/2014/11/10/11-10-2014-11-29-27-am-10-11-2014--11-37-08.jpg"><img src="/FileManager/Articles/mce/2014/11/10/11-10-2014-11-29-27-am-10-11-2014--11-37-08.jpg" alt="" /></a></p>
<p><a class="thickbox" title="" href="/FileManager/Commons/2014/11/10/11-10-2014-11-36-49-am-10-11-2014--11-42-58.jpg"><img src="/FileManager/Articles/mce/2014/11/10/11-10-2014-11-36-49-am-10-11-2014--11-42-58.jpg" alt="" /></a></p>
<p><a class="thickbox" title="" href="/FileManager/Commons/2014/11/10/11-10-2014-11-36-22-am-10-11-2014--11-43-15.jpg"><img src="/FileManager/Articles/mce/2014/11/10/11-10-2014-11-36-22-am-10-11-2014--11-43-15.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ ៖ looking today</span></p>