<p><strong>នំពេញ៖</strong>របាយការណ៍របស់ក្រសួងអប់រំ យុវជន និងកីឡា ដែលបង្ហាញនៅថ្ងៃសុក្រ ទី១៥ ខែសីហា នេះ បានឱ្យដឹងថា គិតចាប់ពីឆ្នាំសិក្សា១៩៧៩-១៩៨០ រហូតដល់ឆ្នាំសិក្សា ២០១២-២០១៣ មានសិស្សប្រមាណ ៧១៦.៦៩៦នាក់ បានប្រឡងជាប់សញ្ញាបត្រ ទុតិយភូមិនៅកម្ពុជា។</p>
<p style="text-align: left;">តាមរបាយការណ៍បានបញ្ជាក់ថា ឆ្នាំសិក្សា ១៩៧៩-១៩៨០ មានសិស្សថ្នាក់ទី១២ តែ ៨២នាក់ ប៉ុណ្ណោះ ហើយប្រឡងជាប់ ៧២នាក់ ស្មើនឹង ៨៧,៨% ។ ចំណែកការប្រឡងបាក់ឌុបនៅឆ្នាំសិក្សា ២០១២-២០១៣ មានសិស្សចំនួន ១០៥.២៩៧នាក់ ចូលរួមប្រឡង ហើយមានបេក្ខជន ៩១.៣៧០នាក់ បានប្រឡងជាប់ ស្មើនឹង ៨៦,៧៧%។</p>
<p style="text-align: left;">ដោយឡែក ឆ្នាំសិក្សា២០១៣-២០១៤នេះ មានសិស្ស៩៣.៤៥៦នាក់ ចូលប្រឡង ប៉ុន្តែត្រូវបានមន្រ្តីលួចបង្ហើបថា អ្នកជាប់មានចំនួនតិចតួចប៉ុណ្ណោះ គឺរង្វង់ប្រមាណជា ២០ភាគរយ៕</p>
<p style="text-align: left;"><a class="thickbox" title="" href="/FileManager/Commons/2014/8/15/st-011-15-08-2014--13-39-34.png"><img src="/FileManager/Articles/mce/2014/8/15/st-011-15-08-2014--13-39-34.png" alt="" /></a></p>
<p style="text-align: right;"><a href="http://www.dap-news.com/2011-06-14-02-39-55/92863-2014-08-15-05-10-46.html" target="_blank">ផ្តល់សិទ្ធដោយ ៖ ដើមអម្ពិល</a></p>