<div class="article-content">
<p><strong>ភ្នំពេញៈ</strong> ស្រ្តីម្នាក់ មានផ្ទៃពោះជិតគ្រប់ខែ ដោយសារតែជីវភាពក្រីក្រពេក ក៏សម្រេចចិត្តមករាជ<br />ធានីភ្នំពេញ ដើម្បី ស្វែងការងារធ្វើ ក្រែងបានកំរ៉ៃខ្លះ ដើម្បីសម្រាលកូន ដោយស្នាក់នៅតាមសំ<br />យ៉ាបផ្ទះគេ ប៉ុន្តែចៃដន្យឈឺពោះឆ្លង ទន្លេ នៅនឹងសំយ៉ាបផ្ទះយ៉ាងកណ្តោងកណ្តែង ត្រូវបានប្រជា<br />ពលរដ្ឋរស់នៅ ជិតខាងទូរស័ព្ទប្រាប់ នគរបាលមូល ដ្ឋាន ឲ្យជួយអន្តរាគមន៍ និងបានហៅរថយន្ត<br />សង្គ្រោះ ដឹកយកទៅកាន់មន្ទីរពេទ្យ បងែ្អកពោធិ៍ចិនតុងជាបន្ទាន់ ។</p>
<p>ហេតុការណ៍នេះកើតឡើង កាលពីវេលាម៉ោង ៦និង១៥នាទីថ្ងៃទី២៦ខែឧសភាឆ្នាំ២០១៣ ស្ថិតនៅ<br />ខាងមុខផ្ទះ ប្រជាពលរដ្ឋភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។</p>
<p>ប្រជាពលរដ្ឋដែលរស់នៅកន្លែងកើតហេតុបាននិយាយាថា ស្រ្តីខាងលើមានឈ្មោះ ថន តី អាយុ៣៤<br />ឆ្នាំ មាន មុខ របរជាកសិករ រស់នៅភូមិស្វាយឆ្អេះ ឃុំវត្តគរ ស្រុកថ្មគោល ខេត្តបាត់ដំបង មកភ្នំពេញ<br />ទើបបាន១០ថ្ងៃ ប៉ុណ្ណោះ ក្នុងគោលបំណងស្វែងរកងារធ្វើ។</p>
<p>ប្រជាពលរដ្ឋដដែលបាននិយាយទៀតថា បើតាមនាងរៀបរាប់ប្រាប់នោះថា នាងជាស្រ្តីមេម៉ាយទើប<br />តែលែងលះ គ្នាបានប្រហែល៦ខែប៉ុណ្ណោះ ប្តីនាងមានឈ្មោះ ដា ផល អាយុ២៨ឆ្នាំ រស់នៅក្នុងស្រុក<br />ជាមួយគ្នា ហើយ នាងគ្មាន ឪពុកម្តាយនោះទេ ដោយសារតែនាងមានផ្ទៃពោះជិតគ្រប់ខែរកស៊ីពុំកើត<br /> គ្មានបងប្អូន គឺក្បាលមួយតែឯង ទើបនាងសម្រេចចិត្តមករាជធានីភ្នំពេញ មករកការងារធ្វើ ក្រែងបាន<br />លុយកាក់ខ្លះ គ្រាន់សម្រាលកូន ដោយស្នាក់នៅសំយ៉ាបផ្ទះប្រជាពលរដ្ឋម្តុំជម្ពូវ័ន្ត ហើយបានដើរសំ<br />លាងចាន ឬក៏ជួយធ្វើ នេះធ្វើនោះ អ្នកភូមិដើម្បីដូរយកបាយហូប រហូតដល់ព្រឹកថ្ងៃទី២៦ខែឧសភា<br /> ឆ្នាំ២០១៣នេះ នាងក៏ឈឺពោះ ឆ្លងទន្លេ ពេលប្រជាពលរដ្ឋរស់នៅជិតខាងអាណិតអាសូរនាងពេក <br />ក៏បានប្រាប់នគរបាលមូលដ្ឋាន ឲ្យជួយ ហៅរថយន្តសង្គ្រោះរបស់អង្គភាព៧១១កងពលតូចលេខ៧០ ដឹកយកទៅកាន់មន្ទីរពេទ្យបងែ្អកពោធិ៍ចិនតុង ដើម្បីជួយសង្គ្រោះ។</p>
<p>នគរបាលមូលដ្ឋានបានឲ្យដឹងដែរថា ស្រ្តីខាងលើនាងលំបាកខ្លាំងណាស់ណាមួយមានផ្ទៃពោះ គ្រប់<br />ខែជីវភាព ក្រីក្រគ្មានអីទីពឹង ប្តីលែងលះគ្នា ឪពុកម្តាយក៏គ្មាន មកជ្រកក្រោមសំយ៉ាបផ្ទះប្រជាពលរដ្ឋ<br /> ដោយសុំជួយ ធ្វើការ គេដោះដូរយកបាយហូប ធ្វើម៉េចនឹងសល់លុយសម្រាលកូនទៅ បើសម្លៀកបំ<br />ពាក់ជាប់តែមួយចង្កេះនឹង ខ្លួននោះ ដូច្នេះហើយក្នុងនាមលោកជាសមត្ថកិច្ចមូលដ្ឋាន សូមអំពាវនាវ<br />ដល់សប្បុរសជន មេត្តជួយរំលែក ទុក្ខលំបាកនាង កំព្រានេះ ដើម្បីបានចិញ្ចឹមកូនឲ្យរស់រានមានជីវិត<br />នឹងគេ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-010/chanroth013-may-63.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-010/chanroth013-may-64.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-010/chanroth013-may-65.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-010/chanroth013-may-66.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>