<p><span style="color: #000000;"><strong>(សេអ៊ូល)៖</strong> ប្រទេសផ្ដាច់ការកូរ៉េខាងជើង បានបង្កើនការគំរាមប្រឆាំងជាថ្មី ដល់សហរដ្ឋអាមេរិក និងគំរាមលុបចោលសន្និសីទរួមគ្នា ស្ដីអំពីការបង្រួបបង្រួមគ្នា ជាមួយកូរ៉េខាងត្បូង ដែលនឹងត្រូវធ្វើឡើង នៅខែសីហាខាងមុខ។ នេះបើយោងតាមការចេញផ្សាយ របស់សារព័ត៌មានកូរ៉េខាងជើង KCNA ចេញផ្សាយនៅថ្ងៃទី០៧ ខែកក្កដា។</span></p>
<p><span style="color: #000000;">អ៉ីម៉េល និងទូរសារជាច្រើនសន្លឹក ត្រូវបានរដ្ឋាភិបាលព្យុងយ៉ាង ផ្ញើទៅកាន់សហរដ្ឋអាមេរិក និងកូរ៉េខាងត្បូង ដោយក្នុងនោះ មេដឹកនាំផ្ដាច់ការកូរ៉េខាងជើង លោក គីម ជុនអ៊ុន បានគំរាមវាយប្រហារមូលដ្ឋាន ទ័ពអាមេរិក ដែលបោះទីតាំងនៅក្បែរឧបទ្វីបកូរ៉េ និងបានគំរាមលុបចោលសន្និសីទរួមគ្នា ស្ដីអំពីការបង្រួបបង្រួមគ្នា ជាមួយនឹងកូរ៉េខាងត្បូង។</span></p>
<p><span style="color: #000000;">កូរ៉េខាងជើង បានបញ្ជាក់នៅក្នុងសារថា សមយុទ្ធហ្វឹកហ្វឺនរួមគ្នាប្រឆាំងអាវុធនុយក្លេអ៊ែរ វាងសហរដ្ឋអាមេរិក និងជប៉ុន ដែលបានធ្វើឡើងនៅថ្ងៃអង្គារ កន្លងទៅនេះ គឺ «ជាបទឧក្រិដ្ឋកម្ម»។ នៅក្នុងសមយុទ្ធនោះ ក៏មានការចូលរួមពីសំណាក់យន្តហោះ ទម្លាក់គ្រប់បែកកូរ៉េខាងត្បូង B-52 ផងដែរ។</span></p>
<p><span style="color: #000000;">រដ្ឋាភិបាលព្យុងយ៉ាង បានអះអាងថា សហរដ្ឋអាមេរិក គឺជាអ្នកបង្ក និងគំរាមកំហែងសង្គ្រាមអាវុធនុយក្លេអ៊ែរ នៅឧបទ្វីបកូរ៉េខ្លាំងជាងគេ ដូច្នេះហើយ គ្មានមូលហេតុអ្វីដែល កូរ៉េខាងជើង ត្រូវបញ្ឈប់ការផលិតអាវុធ នុយក្លេអ៊ែរនោះទេ៕</span></p>
<p><span style="color: #000000;"><a class="thickbox" title="" href="/FileManager/Commons/2016/7/7/74b-07-07-2016--14-22-36.jpg"><img src="/FileManager/Articles/mce/2016/7/7/74b-07-07-2016--14-22-36.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>