<p><span style="color: #000000;"><strong>(ក្រុងឡុងដ៍)៖</strong> កីឡាករខ្សែប្រយុទ្ធដែលកំពុងលេងធ្លាក់ទម្រង់លេង Diego Costa ចង់ចាកចេញពីក្លឹបតោខៀវ Chelsea វិលត្រឡប់ទៅក្លឹប Atletico Madrid របស់អេស្ប៉ាញវិញ នេះបើយោងតាមការចុះផ្សាយរបស់គេហទំព័រ Dailystar។</span></p>
<p><span style="color: #000000;">តែប្រភពពីក្លឹបអង់គ្លេស Chelsea វិញបានបញ្ជាក់ថា កីឡាករដើមកំណើតប្រេស៊ីល សញ្ជាតិអេស្ប៉ាញខាងលើនេះ មានភាពកក់ក្តៅខ្លាំងណាស់ជាមួយនឹង Chelsea ដោយកំពុងទន្ទឹងរង់ចាំការមកដល់របស់គ្រូបង្វឹកថ្មី Antonio Conte ដឹកនាំក្រុមជម្រើសជាតិអ៊ីតាលី លេងក្នុងយុទ្ធនាការ Euro 2016 នៅប្រទេសបារាំង ស្រាប់តែថ្មីៗនេះ តារាវ័យ៣០ឆ្នាំ Costa ប្រាប់ថា ចង់ចាកចេញវិលទៅកាន់ក្លឹបចាស់ទៅវិញ គ្រាដែលក្លឹបជាប់លេខ៣ នៃពាន La Liga រដូវកាលមុន ក៏ចង់បានរូបគេត្រឡប់ទៅវិញដែរ។</span></p>
<p><span style="color: #000000;">ទន្ទឹមគ្នានោះដែរ សម្រាប់តម្លៃខ្លួនកីឡាករដែលមិនជាប់ក្នុងជម្រើសជាតិអេស្ប៉ាញនៃ Euro 2016 លើកទី១៥នេះ ត្រូវបានគេប៉ានប្រមាណថា ប្រហែល ៤០លានផោន ដែលក្លឹបទាំងពីរប្រហែលបើកការពិភាក្សាគ្នាក្នុងរយៈពេល ២-៣ ថ្ងៃទៀត ហើយក្លឹបដែលអត់មានកៅអីលេងក្នុង Champions League ឬក៏ពានលំដាប់ទី២ ប្រចាំទ្វីបអឺរ៉ុប Europa League រដូវកាលឆ្នាំ២០១៦-២០១៧ នេះ ក៏ជិតទិញបានកីឡាករខ្សែប្រយុទ្ធប៊ែលហ្ស៊ិក Michy Batshuayi មកពីក្លឹប Marseille ក្នុងតម្លៃ ៣៣លានផោន ដើម្បីជំនួសកន្លែង Costa រួចស្រេចដែរ។</span></p>
<p><span style="color: #000000;">តារាវ័យ២៧ឆ្នាំ រកគ្រាប់បំប៉ោងសំណាញ់ទីបាន ៣៦គ្រាប់ ពីការចូលលេងបាន ៧៨ប្រកួតក្នុងក្លឹប Chelsea ក្នុងរយៈ ពេល ២ឆ្នាំមកនេះ ដោយបានជួយឲ្យក្រុមតោខៀវមួយនេះ ឈ្នះពាន Premier League បានសម្រេចកាលពីរដូវកាល ឆ្នាំ២០១៤-២០១៥ ក្រោមការដឹកនាំរបស់គ្រូបង្វឹកដែលត្រូវបានបណ្តេញចេញពីតំណែង Jose Mourinho៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/1/14a-01-07-2016--15-33-01.jpg"><img src="/FileManager/Articles/mce/2016/7/1/14a-01-07-2016--15-33-01.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>