<p><strong>ភ្នំពេញ៖</strong> តារាចម្រៀងវ័យក្មេង ទើបលេចឈ្មោះឡឹមៗ ក្នុងអាជីពសិល្បៈ កញ្ញា ជិន ស្រីនុត ហៅ លីនី ថ្មីៗនេះ នាងត្រូវបាន វេចបង្វេច ចេញពីទឹកដីកំណើត ប្រទេសកម្ពុជា ឆ្ពោះទៅប្រទេស អូស្ត្រាលី តបតាមការអញ្ជើញ របស់សមាគមន៍ខ្មែរ ដែលរស់នៅទីនោះ ដើម្បីបង្ហាញសមត្ថភាព សម្តែង និងច្រៀង ជូនបងប្អូន អាណិកជនខ្មែរ កំសាន្តសប្បាយ។</p>
<p>វត្តមាន នៃការបង្ហាញខ្លួន រួមជាមួយ ការលេងស្ទីលប្លែកៗ របស់តារាចម្រៀង ដើមកំណើតទឹកដី ខេត្តកំពង់ចាម នាង ជិន ស្រីនុត ទើបត្រូវបានមហាជន ជាបងប្អូនខ្មែរ រស់នៅអូស្ត្រាលី ទទួល ស្គាល់ និងគាំទ្រ ស្ទើរគ្រប់គ្នា រហូតដល់មានអ្នកខ្លះ ពេញចិត្តចំណាយថវិកា ផ្ទាល់ខ្លួន ឧបត្ថម្ភ ទៅដល់តារាស្រីរូបនេះ ដូចជាការទិញការដូ ជាសម្ភារៈប្រើប្រាស់ និង ការផ្តល់លុយជាដើម។ ទន្ទឹមនឹងនេះនាងក៏ត្រូវបានក្រុមកន្លង់ៗបុរសក្មេង-ចាស់ នៅទីនោះ ជ្រួលជ្រើមដូចត្រីចង្វា ចាប់ អារម្មណ៍ចង់ក្រេប ក្លិនលំអង បុប្ផាស្រស់ម្នាក់នេះ គ្រប់ៗគ្នា។</p>
<p>ផ្អែកតាមប្រភពពីអ្នករស់នៅអូស្ត្រាលីម្នាក់ បាននិយាយប្រាប់គេហទំព័រ LookingTODAY ឱ្យដឹង តាម សារអេឡិចត្រូនិចមកថា តារាចម្រៀងស្រីរបស់ខ្មែរ មួយដួង គឺ កញ្ញា ជិន ស្រីនុត ពេលនេះ កំពុងតែទទួលបានភាពជោគជ័យ និងមានឱកាសក្នុងការកើបលុយនៅលើទឹកដី ប្រទេសអូស្តា្រ លី។ តាមរយៈការបង្ហាញទេពកោសល្យសម្តែង និងច្រៀង ស្របពេលដែលមានអ្នកគាំទ្រ ជាច្រើនបាននាំគ្នាមកចូលរួមទស្សនាការសម្តែងរបស់នាង។</p>
<p>ប្រភពខាងលើបានបន្តទៀតថា នាអំឡុងពេល នាងទៅស្នាក់នៅប្រទេសអូស្ត្រាលី រយៈពេល មកនេះ មិនត្រឹមតែផ្តល់ឱកាសល្អ សម្រាប់ការកើបលុយ ត្រឡប់ មកខ្មែរ ប៉ុណ្ណោះ ទេ គឺថែម ទាំងផ្តល់ឱកាស ដ៏ល្អបំផុត ដើម្បីឱ្យតារាស្រី ជិន ស្រីនុត សំឡឹងជ្រើសរើស មើលបុរសណា ម្នាក់ដែលល្អ ទុកជាគូអនាគតទៀតផង ព្រោះថា បុរសៗជាច្រើននៅទីនោះ បានឈ្លក់លង់នឹង សម្រស់ តារាស្រីរូបនេះ រហូតដល់មានអ្នកខ្លះ ពោលពាក្យសុំស្រឡាញ់ដោយត្រង់ៗចំពោះមុខ។</p>
<p>ដោយឡែក ខណៈកំពុងតែជ្រកនៅក្រោម ប្រទេសសម្បូរដុល្លារ ស្រីស្រស់ ជិន ស្រីនុត ស្រាប់តែ បង្ហោះរូបភាពអត់អាវ ក្នុងមួយសន្លឹក នៅលើគ្រែ នៅក្នុង Account Facebook របស់នាងទាក់ ទាញការចាប់អារម្មណ៍ អ្នកប្រើប្រាស់បណ្តាញទំនាក់ទំនង សង្គមហ្វេសប៊ុកក៏ដូចជាទាក់ទាញ ប្រជាប្រិយភាព និងជាចេតនាបង្ហាញ ឲ្យប្រុសៗបានឃើញ នូវរាងរៅដ៏ស្រឡូន សិចស៊ីរបស់ នាងផងដែរ។</p>
<p>កញ្ញា ស្រីនុត ហាក់ពុំសូវទំនេរឡើយ ដោយត្រូវអ្នកនេះ អ្នកនោះ ធានាជូនដើរលេង ស្នើឲ្យទៅ ចូលរួមជប់លៀង កម្មវិធីជាលក្ខណៈ គ្រួសារ នៅតាមផ្ទះនីមួយៗ មិនសូវទំនេរឡើយ។ ទាំងនេះ ហើយ ដែលបង្ហាញថា ស្រីនុត ត្រូវបានបងប្អូនអាណិកជន ខ្មែរទីនោះ ពេញចិត្តជាខ្លាំង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-099/v_0253.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-099/v_0254.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-099/v_0255.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0088.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0090.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-098/S_0177.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-098/S_0178.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/26458-2014-01-10-06-10-15.html"><span style="color: #0000ff;">ដើមអំពិល</span></a></p>