<p>ក្រុមមន្ដ្រីក្រុង Chengdu ប្រទេសចិន បានប្រកាសថា ទីក្រុងនេះមានអាគារឯករាជមួយធំបំផុតក្នុង<br />ពិភពលោក ដោយវាអាចផ្ទុកមហោស្រព Opera របស់ក្រុង Sydney ដល់ទៅ ២០ ហើយរយៈពេល<br />នៃ ការសាងសង់គឺត្រូវចំណាយត្រឹមតែបីឆ្នាំប៉ុណ្ណោះ។</p>
<p><a class="thickbox" title="" href="/FileManager/Commons/2013/7/14/slide-307705-2679524-free-1373688402500x0-14-07-2013--19-30-32.jpg"><img src="/FileManager/Articles/mce/2013/7/14/slide-307705-2679524-free-1373688402500x0-14-07-2013--19-30-32.jpg" alt="" /></a></p>
<p>មជ្ឍមណ្ឌលសកលសតវត្សថ្មី (New Century Global Center) នៅក្រុង Chengdu នៃខេត្រ Sichuan<br /> ប្រទេសចិន ដែលមានផ្ទៃក្រឡា ធំជាង ១៧០ ហិចតា និងមានកំពស់ ១០០ម៉ែត្រ មានទទឹង ៤០០<br />ម៉ែត្រ និងបណ្ដោយ ៥០០ម៉ែត្រ នេះ ត្រូវបានបើកទ្វារទទួលភ្ញៀវកាលពីខែមុន។</p>
<p><a class="thickbox" title="" href="/FileManager/Commons/2013/7/14/new-century-global-centre-3-1373688404500x0-14-07-2013--19-31-10.jpg"><img src="/FileManager/Articles/mce/2013/7/14/new-century-global-centre-3-1373688404500x0-14-07-2013--19-31-10.jpg" alt="" /></a><br /><br />មន្ដ្រីរបស់ក្រុង Chengdu អះអាងថា នេះគឺជាអាគារឯកដែលធំបំផុតលើលោក ធំជាងព្រលានយន្ដ<br />ហោះក្រុង Dubai ដែលជាស្ថាបត្យកម្មបានកាន់កាប់ឯតទគ្គកម្មនេះ កាលពីមុន។ មជ្ឍមណ្ឌល<br />សកលសតវត្សថ្មី (New Century Global Center) ធំជាង ២០ដង ធៀបទៅនឹង មហោស្រព Opera<br /> របស់ក្រុងSydney និងធំជាងបីដង ធៀបមន្ទីរបញ្ចកោណ (ការិយាល័យក្រសួងការពារជាតិអាមេរិក)។</p>
<p><a class="thickbox" title="" href="/FileManager/Commons/2013/7/14/new-centruy-global-centre-8-1373688403500x0-14-07-2013--19-28-59.jpg"><img src="/FileManager/Articles/mce/2013/7/14/new-centruy-global-centre-8-1373688403500x0-14-07-2013--19-28-59.jpg" alt="" /></a></p>
<p><a class="thickbox" title="" href="/FileManager/Commons/2013/7/14/china-world-largest-b-leff-1-ap-1373688403500x0-14-07-2013--19-28-07.jpg"><img src="/FileManager/Articles/mce/2013/7/14/china-world-largest-b-leff-1-ap-1373688403500x0-14-07-2013--19-28-07.jpg" alt="" /></a><br /><br />ដោយមានទំហំធំទូលាយបែបនេះ រាល់ការិយាល័យពាណិជ្ជកម្ម សណ្ឋាគារ ផ្សារទំនើប រោងភាព<br />យន្ដ ភូមិ មេឌីទែរ៉ាណេ (Mediterranean) ទីលានរំអិលព្រិល និងឧទ្យានទឹកមួយផងដែរនោះ សុទ្ធ<br />តែត្រូវបានដាក់នៅក្នុងអាគារមួយនេះ។</p>
<p><a class="thickbox" title="" href="/FileManager/Commons/2013/7/14/new-century-global-center-ap-1373688403500x0-14-07-2013--19-29-38.jpg"><img src="/FileManager/Articles/mce/2013/7/14/new-century-global-center-ap-1373688403500x0-14-07-2013--19-29-38.jpg" alt="" /></a><br /><br />មគ្គុទេសក៍ទេសចរណ៍ម្នាក់របស់អាគារនេះ បានថ្លែងប្រាប់ទំព័រ Sydney Morning Herald ថា ពួកគេ <br />បានប្រើប្រាស់បច្ចេកទេសរបស់ជប៉ុន ក្នុងការបង្កើតព្រះអាទិត្យសិប្បនិមិត្តមួយ ដែលអាចបំភ្លឺបាន <br />២៤ម៉ោង/ថ្ងៃ ហើយជួយធ្វើឱ្យបរិយាកាសខាងក្នុងអាគារ មានសភាពកក់ក្ដៅ។ ក្រៅពីនេះ ក៏មានឆ្នេរ<br />សមុទ្រសិប្បនិមិត្តមួយ មានប្រវែង ៤០០ម៉ែត្រ ដែលត្រូវបានបំពាក់អេក្រង់ LED ធំបំផុតក្នុងលោក<br />(កំពស់ ៤០ម៉ែត្រ និងបណ្ដាយ ១៥០ម៉ែត្រ) ដើម្បីបង្ហាញពីទិដ្ឋភាពអរុណរះ និងទិដ្ឋភាពអស្ដង្គត។</p>
<p><a class="thickbox" title="" href="/FileManager/Commons/2013/7/14/new-century-global-centre-3-1373688404500x0-14-07-2013--19-31-10.jpg"><img src="/FileManager/Articles/mce/2013/7/14/new-century-global-centre-3-1373688404500x0-14-07-2013--19-31-10.jpg" alt="" /></a><br /><br />នៅក្នុងឧទ្យានទឹកនេះ អាចដាក់មនុស្សបានដល់ទៅ ៦,០០០ នាក់ ក្នុងពេលតែមួយ ខណៈពួកគេ <br />កំពុងហាលថ្ងៃ ហែលទឹក ញ៉ាំភេសជ្ជៈ ឬជប់លៀងអាហារសមុទ្រ៕</p>
<p style="text-align: right;"><br />ដោយ ៖ តារា<br />ប្រភព ៖ yahoo<br /><br /></p>