<div>
<p><span style="color: #000000;"><strong>(ភ្នំពេញ)៖</strong> គណៈកម្មាធិការជាតិអូឡាំពិកកម្ពុជា (NOCC) និងក្រុមហ៊ុនសម្ភារៈកីឡា FBT នឹងរៀបចំកម្មវិធីលក់ សម្លៀកបំពាក់កីឡា បញ្ចុះតម្លៃយ៉ាងពិសេសពី ៣០% ទៅ ៧០% នៅក្នុងពិធីតាំងពិព័រណ៍គុណភាពផលិតថៃ រយៈពេល៥ថ្ងៃ ចាប់ពីថ្ងៃទី០៣-០៧ ខែកុម្ភៈនេះ នៅមជ្ឈមណ្ឌលកម្សាន្ដកោះពេជ្រ។ ក្នុងឱកាសដ៏ពិសេសនេះ កីឡាករបាល់ទាត់ល្បីឈ្មោះ ចាន់ វឌ្ឍនាកា និង ប្រាក់ មុន្នីឧត្តម ក៏នឹងចូលរួមផ្ដល់អាវជម្រើស ជាតិកម្ពុជាចំនួន ២០០អាវ ដល់អ្នកគាំទ្រដោយឥតគិតថ្លៃផងដែរ។</span></p>
<p><span style="color: #000000;">លោក វ៉ាត់ ចំរើន អគ្គលេខាធិការ NOCC បានថ្លែងឲ្យដឹងថា ក្រុមហ៊ុនសម្ភារៈកីឡា FBT គឺជាក្រុមហ៊ុនឧបត្ថម្ភដ៏ធំដល់ NOCC នៅក្នុងការផ្ដល់សម្លៀកបំពាក់ ដល់អត្តពលិកជម្រើសជាតិកម្ពុជា ចូលរួមប្រកួតលើឆាកអន្ដរជាតិនាពេល កន្លងមក ។ លើសពីនេះ FBT ក៏ជាដៃគូឧបត្ថម្ភធំរបស់ សហព័ន្ធកីឡាបាល់ទាត់កម្ពុជា និងក្លឹបបាល់ទាត់ធំៗមួយចំនួន នៃលីកកំពូលកម្ពុជា។ ដូច្នេះការរៀបចំពិធីតាំងពិព័រណ៍នេះ NOCC គ្មានគោលដៅចង់បានប្រាក់ចំណេញអ្វីទេ ក្រៅពីចង់ផ្សព្វផ្សាយឲ្យ ប្រជាពលរដ្ឋយល់ដឹងពីគុណភាព នៃផលិតផលម៉ាក FBT ដែលតែងតែចូលរួមលើកស្ទួយវិស័យកីឡា កម្ពុជាឲ្យរីកចម្រើន។</span></p>
<p><span style="color: #000000;">លោកបានបញ្ជាក់ទៀតថា ក្នុងឱកាសដ៏ពិសេសនេះ សម្រាប់សម្លៀកបំពាក់ក្រុមបាល់ទាត់ជម្រើសជាតិកម្ពុជា នឹងត្រូវ លក់បញ្ចុះតម្លៃពី១៨ដុល្លារ សល់ត្រឹម ៨ដុល្លារប៉ុណ្ណោះក្នុងមួយឈុត ហើយគ្រប់សម្ភារៈលក់បញ្ចុះតម្លៃ គឺសុទ្ធតែជា ផលិតផលរបស់ FBT ដែលមានគុណភាពល្អដូចៗគ្នា។ នេះជាឱកាសដ៏ល្អ សម្រាប់អ្នកគាំទ្រកីឡាជាតិ ដែលនិយមប្រើប្រាស់សម្លៀកបំពាក់មានគុណភាពខ្ពស់ ដូចជា FBT ដើម្បីជាការរួមចំណែកលើកស្ទួយវិស័យកីឡាជាតិ ក៏ដូចជាផ្ដល់កម្លាំងចិត្តដល់ក្រុមកីឡាករ-កីឡាការិនីជម្រើសជាតិ កម្ពុជាផងដែរ។</span></p>
<p><span style="color: #000000;">អគ្គលេខាធិការ NOCC រូបនេះបានបញ្ជាក់ថែមទៀតថា អ្វីដែលកាន់តែពិសេសនោះ គឺសម្រាប់ប្រជាពលរដ្ឋ ឬអ្នកគាំទ្រ ដែលទទួលបានហត្ថលេខា ពីខ្សែប្រយុទ្ធឆ្នើមមកពីក្លឹបបឹងកេតអង្គរ កីឡាករ ចាន់ វឌ្ឍនាកា និងខ្សែប្រយុទ្ធឆ្នើម ប្រាក់ មុន្នីឧត្តម មកពីក្លឹបស្វាយរៀងព្រះខ័នរាជនោះ នឹងទទួលបានអាវជម្រើសជាតិដោយឥតគិតថ្លៃ រហូតដល់ទៅ ២០០ អាវឯណោះ។</span></p>
<p><span style="color: #000000;">សូមបញ្ជាក់ថា កីឡាករជម្រើសជាតិ ប្រាក់ មុន្នីឧត្តម នឹងចូលរួមផ្ដល់អាវឥតគិតថ្លៃចំនួន ១០០អាវ នៅកន្លែងតាំង ពិព័រណ៍ផលិតផល FBT នៅកោះពេជ្រ ចាប់ពីម៉ោង ២រសៀល ដល់ម៉ោង ៥ល្ងាច នាថ្ងៃទី០៦ ខែកុម្ភៈខាងមុខ ខណៈតារាបាល់ទាត់វ័យក្មេង ចាន់ វឌ្ឍនាកា នឹងផ្ដល់អាវឥតគិតថ្លៃ ១០០អាវដូចគ្នា នៅថ្ងៃទី០៧ ខែកុម្ភៈចុងសប្ដាហ៍នេះ ចាប់ពីម៉ោង ២រសៀល ដល់ម៉ោង ៥ល្ងាច។</span></p>
<p><span style="color: #000000;">សូមអ្នកគាំទ្ររួសរាន់ឡើង ព្រោះចំនួនអាវមានកំណត់ ប៉ុន្ដែប្រសិនបើអ្នកគាំទ្រគ្មានសំណាងទេ យើងក៏អាចទិញ សម្លៀកបំពាក់កីឡាជម្រើសផ្សេងៗ ដែលមានការបញ្ចុះតម្លៃពី ៣០% ទៅ ៧០% នៅក្នុងឱកាសនោះផងដែរ៕</span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xtp1/v/t1.0-9/12592314_1553580584956307_8415269484300530438_n.jpg?oh=38f1194fa5fdb6c503ee4a065bc03bca&oe=57346027&__gda__=1462572545_2fa859dcadc48c842baa79429de98e0c" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/12642988_1553580564956309_7640454848917105936_n.jpg?oh=ef93cb08bb2473d4ac00e16c44575d2b&oe=572B1E67" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12644688_1553580548289644_7759793918134516982_n.jpg?oh=6fbc9a569748a17dd36bf6af537395d2&oe=5731CA63" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xta1/v/t1.0-9/12647007_1553580508289648_1388346382486216751_n.jpg?oh=2ff37203b1e309cca90c6e8d23e0a515&oe=5730F4DE&__gda__=1463683363_b38f747d1c2d64524ece3787760b397a" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpl1/v/t1.0-9/1934870_1553580504956315_2400921207487196972_n.jpg?oh=cae0679b7cc9c2af8f34806897febdd0&oe=572A315A" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12646993_1553580511622981_7967319600315177213_n.jpg?oh=1e81db32cd0d6caea57c1b6a7a63f09a&oe=572E6F59" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>