<p>ម្ចាស់ថ្មីរបស់ Victoria's Secret បានទិញក្រុមហ៊ុននេះ នៅពេលដែលគាត់មិនទាន់ដឹងអ្វីសោះ<br />អំពីខោអាវទ្រនាប់ ហើយក៏មិនទាន់ដឹងថា នឹងត្រូវធ្វើអ្វីខ្លះ ពេលបានកាន់កាប់ Victoria's Secret<br /> នេះបើតាមទស្សនាវដ្ដី Forbes ។</p>
<p style="text-align: center;"><a class="thickbox" title="" href="/FileManager/Commons/2014/10/18/wexner-qna-art-gk1jd6n8-1wexner-qna-blv-04-jpgdg-18-10-2014--11-43-43.jpg"><img src="/FileManager/Articles/mce/2014/10/18/wexner-qna-art-gk1jd6n8-1wexner-qna-blv-04-jpgdg-18-10-2014--11-43-43.jpg" alt="" /></a></p>
<p style="text-align: center;">លោក Leslie Wexner និងក្រុមតារាល្បីៗ របស់ Victoria's Secret <br /><br /></p>
<p>និយាយដល់ Victoria's Secret ប្រហែលមានអ្នកខ្លះ នៅចងចាំអំពីសំណាងមិនល្អរបស់ស្ថាបនិក<br /> នៃក្រុមហ៊ុន ខោអាវទ្រនាប់លំដាប់ខ្ពស់ ដ៏ល្បីឈ្មោះមួយនេះ នោះគឺលោក Roy Raymond ។<br />Roy Raymond បាននឹកឃើញគំនិតមួយ ក្នុងថ្ងៃមួយដែលគាត់ត្រូវចូលទៅហាងលក់ខោអាវក្នុង<br /> ដើម្បីទិញអំណោយជូនប្រពន្ធ។ គាត់សួរខ្លួនឯងថា ហេតុអ្វីក៏មិនបើកហាងលក់របស់ដូចគ្នានេះ<br /> ប៉ុន្ដែសម្រាប់តែបុរស ដើម្បីកុំឱ្យពួកគេមានការខ្មាសអៀនដូចស្ថានភាពរបស់លោកពេលនោះ។<br /> ដូច្នេះ Victoria’s Secret ក៏បានកើតឡើង ប៉ុន្ដែ រហូតបានមកលើដៃ Leslie Wexner ទើបក្រុមហ៊ុន<br />នេះ ចាប់ផ្ដើមល្បីល្បាញ។</p>
<p>កាលពីជំនាន់ Roy Raymond សម្លាប់ខ្លួន ដោយសារតែមានបញ្ហាធំក្នុងមុខជំនួញ វាក៏ជាយុគ<br />សម័យដែល Victoria’s Secret ត្រូវបាន Leslie Wexner ធ្វើឱ្យមានកេរ្ដិ៍ឈ្មោះល្បីល្បាញ។ បើទោះជាមានឈ្មោះនៅក្នុងបញ្ជីមហាសេដ្ឋីមានទ្រព្យច្រើនបំផុតទាំង ៤០០ នៅអាមេរិក ដែល<br />ទើបត្រូវបាន Forbes ប្រកាសជាផ្លូវការកាលពីពេលថ្មីៗនេះ ប៉ុន្ដែ Leslie Wexner រស់នៅដោយ<br />ស្ងាត់ស្ងៀម និងគេចចេញពីបណ្ដាញសារព័ត៌មាន។</p>
<p>ប៉ុន្ដែ ដើម្បីបានអ្វីៗទាំងអស់ដូចពេលនេះ សម្រាប់ Leslie Wexner វាមិនមែនជាការងាយស្រួល<br />នោះទេ។ បើកហាងជាលើកដំបូង កាលពីអាយុ ២៦ឆ្នាំ ប៉ុន្ដែ យប់ណា Leslie Wexner ក៏ជួបតែ<br />សុបិនអាក្រក់។ មកដល់វ័យ ៣០ឆ្នាំ គាត់បានក្លាយជាសេដ្ឋី។ រហូតមកដល់វ័យ ៥០ឆ្នាំ Leslie <br />Wexner មានក្រុមហ៊ុនចំនួន ១០ ដែលរកចំណូលឱ្យគាត់រាប់ពាន់លានដុល្លារអាមេរិកក្នុងមួយ<br />ឆ្នាំៗ ប៉ុន្ដែ គាត់នៅតែមិនទាន់ដឹងថា ខ្លួនចូលចិត្តអ្វីឱ្យពិតប្រាកដ។</p>
<p style="text-align: center;"><a class="thickbox" title="" href="/FileManager/Commons/2014/10/18/victorias-secret-1-18-10-2014--11-45-30.jpg"><img src="/FileManager/Articles/mce/2014/10/18/victorias-secret-1-18-10-2014--11-45-30.jpg" alt="" /></a></p>
<p>ចុងក្រោយ Leslie Wexner ក៏បានសម្រេចលក់ចេញនូវបណ្ដាក្រុមហ៊ុនល្បីៗ ដូចជា The Limited, <br />Limited Too, Abercrombie & Fitch, Express, Lane Bryant និង Lerner New York ក្នុងចន្លោះ<br />ឆ្នាំ ១៩៩៨ និង ២០០៧ ហើយទុកតែ Victoria’s Secret ដែលជាក្ដីសង្ឃឹមរបស់គាត់។ មកដល់<br />ពេលនេះ Leslie Wexner បានបង្កើតយីហោចំនួន ៣ ដែលសុទ្ធតែជាហាងលក់ខោអាវទ្រនាប់<br /> នោះគឺ Victoria’s Secret, Pink និង La Senza ។ ហាងទាំងនេះ កំពុងកាន់កាប់ ៤១% នៃចំណែក<br />ទីផ្សារដែលមានតម្លៃ ១៣,២ពាន់លានដុល្លារ នៅអាមេរិក។ គូប្រជែងរបស់គាត់ ដែលឈរលំដាប់<br />លេខ ៤ កាន់កាប់ទីផ្សារតែ ១% ប៉ុណ្ណោះ។</p>
<p>ជីវិតនៃការរកទទួលទានរបស់ Leslie Wexner បានចាប់ផ្ដើម បន្ទាប់ពីលោកបានទទួលសញ្ញា<br />បត្របញ្ចប់ការសិក្សាកម្រិតទីបី ក្នុងឆ្នាំ ១៩៥៩ ។ គាត់បានបោះបង់ការសិក្សានៅមហាវិទ្យាល័យ<br />ច្បាប់ ហើយត្រឡប់ទៅផ្ទះ ជួបពុកម្ដាយគ្រប់គ្រងហាងលក់ខោអាវមួយ មានឈ្មោះថា Leslie’s។<br /> ហាងនេះ មានអតិថិជនច្រើន ប៉ុន្ដែ មិនមានចំណេញប៉ុន្មាននោះដែរ។</p>
<p>ក្រោយមក លោក Leslie Wexner បានរកឃើញថា ថ្វីបើខោអាវថ្លៃៗ អាចចំណេញច្រើន ប៉ុន្ដែ <br />ដោយសារតែពិបាកលក់ ហើយប្រើពេលច្រើន ទើបនៅពេលទូទាត់ វាបែរជាមិនចំណេញទៅ<br />វិញ។ ចំនុចសំខាន់បំផុតដែល Leslie Wexner បានរកឃើញ នោះគឺ ប្រាក់ចំណេញភាគច្រើន <br />បានមកពីខោអាវដែលមានតម្លៃមធ្យម ដូចជាអាវយឺត និងខោខ្លី។</p>
<p>ព្រោះតែជឿជាក់លើការយល់ឃើញរបស់ខ្លួន Leslie Wexner ក៏ស្នើឱ្យពុករបស់ខ្លួន បោះបង់ទំនិញ<br />ថ្លៃៗ ហើយលក់តែអាវយឺត និងខោខ្លី ប៉ុន្ដែ ពុកគាត់មិនអើពើ ហើយថែមទាំងផ្ដល់យោបល់ឱ្យ<br /> Leslie Wexner បើកហាងមួយផ្សេងទៀត ដើម្បីប្រជែងជាមួយខ្លួន ដោយប្រើប្រាស់ទឹកប្រាក់ <br />៥.០០០ដុល្លារ ដែលមីងឱ្យខ្ចី។ នៅក្នុងហាងដែលមានឈ្មោះថា “The Limited” របស់ Wexner គឺ<br />មានតែទំនិញមួយចំនួនតូច ដែលភាគច្រើន គឺអាវយឺត និងខោខ្លី។ ដោយដឹងអំពីសក្ដានុពល មុន<br />នឹងបើក “The Limited” លោក Leslie Wexner ក៏ថែមទាំងបានចុះកិច្ចសន្យា ជួលកន្លែងបើកហាង<br />ទីពីររបស់ខ្លួន។</p>
<p style="text-align: center;"><a class="thickbox" title="" href="/FileManager/Commons/2014/10/18/569759-98f412ec-4cb5-11e3-9491-1affab8972a4-18-10-2014--11-35-30.jpg"><img src="/FileManager/Articles/mce/2014/10/18/569759-98f412ec-4cb5-11e3-9491-1affab8972a4-18-10-2014--11-35-30.jpg" alt="" /></a></p>
<p style="text-align: center;">កំពូលតារារបស់ Victoria's Secret <br /><br /></p>
<p>ដូច្នេះ មុននឹងលក់បានអាវដំបូងគេមួយ លោក Leslie Wexner ត្រូវជំពាក់ម្ចាស់ដី ចំនួន ១លាន<br />ដុល្លារ។ ប្រការនេះហើយបាននាំឱ្យគាត់ត្រូវរលាកក្រពះ ព្រោះតែគិតច្រើន គេងមិនលក់។ ក្នុង<br />ឆ្នាំដំបូង ហាងរបស់ Leslie Wexner រកបានចំណេញ ២០.០០០ដុល្លារ គឺច្រើនជាងពីរដង ធៀប<br />នឹងហាងរបស់ពុកគាត់។</p>
<p>អាថ៌កំបាំងគឺថា The Limited មានលក់តែផលិតមួយចំនួន ហើយនេះគឺជាគំនិតល្អមួយ កាលពី<br />ជំនាន់នោះ។ ឆ្នាំ ១៩៥០ នៅពេលដែលយន្ដហោះពាណិជ្ជកម្ម ត្រូវបានដាក់ឱ្យប្រើប្រាស់នៅ<br />អាមេរិក សាខាហាងរបស់ Leslie Wexner ក៏ត្រូវបានពង្រីកជាច្រើនកន្លែង។</p>
<p>Leslie Wexner សម្រេចចិត្តកសាងបណ្ដាញហាងរបស់ខ្លួន នៅទូទាំងប្រទេស។ មកដល់ឆ្នាំ <br />១៩៧៣ Leslie Wexner បានអនុវត្តគំនិតនេះ ដោយបង្កើតហាងចំនួន ៤១ ដែលមានលក់ផលិត<br />ផលសរុបចំនួន ២៦លាន រួមមាន ខោ អាវ និងរ៉ូប។ ដោយសារតែមើលឃើញ ហាងដែលមាន<br />លក់ផលិតផលមានកំណត់ប្រភេទ មានការចាប់អារម្មណ៍ច្រើន ចំពោះស្ដ្រី លោក ក៏បានបង្កើត<br />បណ្ដាក្រុមហ៊ុនថ្មី បំបែកពី The Limited ។ Express ត្រូវបានលោក បង្កើតឡើងក្នុងឆ្នាំ ១៩៨០ <br />ដែលមានគោលដៅ ទៅរកអតិថិជនជានារីវ័យក្មេង ចូលចិត្តសម្លៀកបំពាក់ឆើតឆាយ។</p>
<p>នៅក្នុងដំណើរទៅកាន់ San Francisco កាលពីឆ្នាំ ១៩៨២ លោក Leslie Wexner បានប្រទះ<br />ឃើញបណ្ដាញហាងតូចៗ ដែលលក់លក់ខោអាវទ្រនាប់ មានឈ្មោះថា Victoria’s Secret របស់<br /> Roy Raymond ។</p>
<p style="text-align: center;"><a class="thickbox" title="" href="/FileManager/Commons/2014/10/18/victorias-secret-2-18-10-2014--11-37-12.jpg"><img src="/FileManager/Articles/mce/2014/10/18/victorias-secret-2-18-10-2014--11-37-12.jpg" alt="" /></a></p>
<p>លោក Leslie Wexner ថ្លែងថា ៖ “ពេលនោះ Victoria’s Secret គ្រាន់តែជាហាងតូចមួយ មិន<br />មានខោអាវទ្រនាប់ប្រណិត ប៉ុន្ដែ មានទំនិញសាមញ្ញជាច្រើន ដែលគួរជាទីចាប់ចិត្ត ក្នុងនោះ មាន<br />ទំនិញខ្លះ ខ្ញុំមិនធ្លាប់បានឃើញនៅអាមេរិក”។ Leslie Wexner បានព្យាយាមជួបម្ចាស់ហាងនេះ <br />ប៉ុន្ដែ Roy Raymond ក៏ព្យាយាមគេចមុខ។ រហូតដល់ឆ្នាំ ១៩៨២ Roy Raymond គឺជាអ្នកទូរស័ព្ទ<br />ទៅកាន់ Leslie Wexner ដើម្បីណាត់ជួបជជែកគ្នា ដោយសារពេលនោះ Roy Raymond កំពុងជួប<br />វិបត្តិហិរញ្ញវត្ថុ។ Victoria's Secret ដែលមានហាងចំនួន ៦ ត្រូវបានលក់ទៅឱ្យ Leslie Wexner <br />ក្នុងតម្លៃ ១លានដុល្លារ</p>
<p>Roy Raymond ត្រូវបាន Wexner ឱ្យគ្រប់គ្រង Victoria’s Secret បន្ត ប៉ុន្ដែ ការរកស៊ីរបស់ក្រុម<br />ហ៊ុននេះ នៅតែខាតបង់។ ចុងក្រោយ នៅពេលក្រុមអ្នកវិភាគបានរកឃើញថា Roy Raymond <br />រកបានចំណេញច្រើន មុនពេលលក់ Victoria’s Secret ដោយសារតែ មានលក់ឧបករណ៍ជំនួយ<br />ផ្លូវភេទ តាមការបញ្ជាទិញ។ ភ្លាមនោះ Wexner ក៏បានបញ្ឈប់ Roy Raymond ពីមុខតំណែង <br />ហើយរើករិយាល័យកណ្ដាលទៅកាន់ Columbus ។ ក្នុងអំឡុងពេលនេះ Roy Raymond ជួបវិបត្តិ<br />យ៉ាងធ្ងន់ធ្ងរ ដោយក្រុមហ៊ុនដែលលោកបានបង្កើត ត្រូវក្ស័យធន់ ក្នុងឆ្នាំ ១៩៨៦ និងត្រូវប្រពន្ធ<br />បោះបង់ ក្នុងឆ្នាំ ១៩៩៣ ប្រការនេះ នាំឱ្យ Roy Raymond បង្ខំចិត្ត លោតពីស្ពាន Golden Gate <br />Bridge នៅ California ចុងឆ្នាំ ១៩៩៣ ដើម្បីសម្លាប់ខ្លួន។</p>
<p style="text-align: center;"><a class="thickbox" title="" href="/FileManager/Commons/2014/10/18/1328700797jpg-18-10-2014--11-31-17.png"><img src="/FileManager/Articles/mce/2014/10/18/1328700797jpg-18-10-2014--11-31-17.png" alt="" /></a></p>
<p style="text-align: center;">ភូមិគ្រឹះមួយរបស់ លោក Wexner <br /><br /></p>
<p>Wexner ចាប់ផ្ដើមកែប្រែ Victoria's Secret ឡើងវិញ ដោយធ្វើឱ្យ Victoria's Secret ក្លាយជា ហាងមួយដែលទាក់ទាញពួកបុរសចូលមកទិញទំនិញ សម្រាប់ជួនមិត្តស្រី ឬប្រពន្ធរបស់ខ្លួន <br />ដោយមិនមានការអៀនខ្មាស។ ព្រឹត្តិការណ៍បង្ហាញផលិតផលដែលសំខាន់បំផុតរបស់ Victoria's<br /> Secret នោះគឺ ការបង្ហាញម៉ូដពីសំណាក់ស្រីស្អាតទាំងឡាយរបស់ក្រុមហ៊ុននេះ។ ឆ្នាំ ១៩៩៥<br /> ព្រឹត្តិការណ៍បង្ហាញម៉ូដែលដំបូង ក៏បានបង្កើតឡើង ហើយក្រុមបង្ហាញម៉ូដនេះ បច្ចុប្បន្នបាន<br />ក្លាយជាក្រុមដ៏ល្បីល្បាញបំផុត ក្នុងវិស័យបង្ហាញម៉ូដឈុតក្នុង។ បច្ចុប្បន្ន លោក Wexner ត្រូវ<br />បានទស្សនាវដ្ដី Forbes ចាត់ចំណាត់ថ្នាក់ទី ៨០ ក្នុងបញ្ជីមហាសេដ្ឋីដែលមានទ្រព្យច្រើនជាងគេ<br /> នៅអាមេរិក ដោយសម្បត្តិរបស់លោក មានចំនួនជាង ៦,២ពាន់លានដុល្លារអាមេរិក៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Forbes<br /><br /><br /></p>