<p><span style="color: #000000;"><strong>ភ្នំពេញ៖ </strong>ក្រុងរណបថ្មីលើទឹកដីជ្រោយចង្វារលាតសន្ធឹង លើផ្ទៃដីជិត ៤០០ហិកតា តាមបណ្តោយផ្លូវជាតិលេខ ៦អា ត្រើយខាងកើតស្ពានជ្រោយចង្វារ នៅប្របតាមដងទន្លេសាប បាននិងកំពុងរំលេចចេញជារូបរាងបណ្តើរៗ ហើយជាមួយនិងសំណង់អគារផ្ទះល្វែង ផ្សារដោះដូរទំនិញផ្សេងៗ។ វត្តមានតំបន់អភិវឌ្ឍក្រុងរណបជ្រោយចង្វា រ មិនត្រឹមតែជួយលើកសម្រស់សោភណភាពរាជធានីភ្នំពេញនោះទេ វាបានធ្វើឲ្យប្រជាពលរដ្ឋជាច្រើនគ្រួសារ ដែលធ្លាប់តែជួបផលលំបាកក្នុងការរស់នៅលើទឹកស្អុយ និងមិនដែលស្រម័យបានរស់នៅលើផ្ទះថ្មនោះ រំភើបរីក រាយរហូតស្រក់ទឹកភ្នែក នៅពេលក្រុមហ៊ុនបានផ្តល់ផ្ទះល្វែង ជាសំណងដោះដូរយ៉ាងសមរម្យសម្រាប់ពួកគាត់។</span></p>
<p><span style="color: #000000;">ពីទីក្រុងខ្មោចពោរពេញដោយភាពស្ងប់ស្ងាត់ ក្រោយពេលបញ្ចប់សង្រ្គាមរយៈពេល ៣៥ឆ្នាំមកនេះ រាជធានីភ្នំ ពេញ បាននិងប្រែក្លាយជាទីក្រុងសេដ្ឋកិច្ច ពាណិជ្ជកម្ម ប្រមូលផ្តុំដោយការវិនិយោគ ជាពិសេសកំណើនប្រជា ពលរដ្ឋ បានកើនឡើងរហូតដល់ជិត ២លាននាក់។ ជាមួយកំណើននេះ ការកសាងប្រព័ន្ធហេដ្ឋារចនាសម្ព័ន្ធ និង សំណង់ អគារផ្សេងៗ បម្រើការដល់ការធ្វើពាណិជ្ជកម្ម ជំនួញ និងការរស់នៅ គឺជាកត្តាដ៏ចំបាច់បំផុតសម្រាប់ បំពេញសេចក្តីត្រូវការរបស់មនុស្ស។</span></p>
<p><span style="color: #000000;">ឆ្លើយតបតម្រូវការដ៏ចាំបាច់ទាំងអស់នេះ រាជរដ្ឋាភិបាលកម្ពុជា បានពួតដៃជាមួយក្រុមហ៊ុនវិនិយោគធ្វើការអភិវ ឌ្ឍន៍ និងសាងសង់សំណង់អគារផ្សេងៗរីកដុះដាល់យ៉ាងច្រើនស្អេកស្កះក្នុងរាជធានីភ្នំពេញ។ ក្រុមហ៊ុនវិនិយោគ ទុនអាណិកជនកម្ពុជា (OCIC) របស់លោកឧកញ៉ា ពង់ ឃាវសែ គឺជាក្រុមហ៊ុនមួយ ដែលត្រូវបានគេមើលឃើញ ថា បានចូលរួមយ៉ាងសកម្មក្នុងការអភិវឌ្ឍជាមួយរាជរដ្ឋាភិបាលកម្ពុជានូវសំណង់អគារ ផ្សារទំនើប មណ្ឌលពា ណិជ្ជកម្ម ដូចជាសួនពាណិជ្ជកម្មកាណាឌីយ៉ា ផ្សារទំនើបសូរិយា សុវណ្ណា និង មណ្ឌលកម្សាន្តកោះពេជ្រជាដើ ម។ល។</span></p>
<p><span style="color: #000000;">ឈរលើស្មារតី នៃការអភិវឌ្ឍលើកសម្រស់រាជធានីភ្នំពេញ នៅថ្ងៃទី១២ ខែកញ្ញា ឆ្នាំ២០១១ ក្រុមហ៊ុនOCIC បានចុះកិច្ចសន្យាជាមួយសាលារាជធានីភ្នំពេញ ជួលតំបន់ជ្រោយចង្វារ ដើម្បីអភិវឌ្ឍជាទីក្រុងរណប ដែលមាន ក្រឡាផ្ទៃ ៣៨៧ហិកតា គិតចាប់ពីអ័ក្សផ្លូវជាតិលេខ ៦A ប្រវែង ១០០ម៉ែត្រ។</span></p>
<p><span style="color: #000000;">អគ្គនាយកក្រុមហ៊ុន OCIC លោកឧកញ៉ា ពង់ ឃាវសែ បានឲ្យដឹងថា រហូតដល់ឆ្នាំ២០១៤ ក្រុមហ៊ុនបានធ្វើការ អភិវឌ្ឍតំបន់ជ្រោយចង្វារ ដោយបានបូមខ្សាច់ចាក់បំពេញបានប្រមាណ ៩០ភាគរយ, ចាក់ផ្លូវបេតុងបានប្រវែង ២០៣០ម៉ែត្រ, សង់ផ្ទះល្វែង ដោះស្រាយផលប៉ះពាល់បាន ១០ blocks = ២០៨ ល្វែង, សង់ផ្សារ២ជាន់, សង់ ផ្សារត្រីទំហំ ៩៦០ ម៉ែត្រការ៉េ ត្រូវនឹង១២៨តូប, សង់ផ្ទះល្វែងខ្នាតធំបាន ២ blocks ស្មើនឹង ៤៦ល្វែង, សង់អ គារស្នាក់នៅរួម ២ប្លុក A ស្មើ B ដោយក្នុងនោះ ប្លុក A កំពស់ ៧ជាន់ ស្មើនឹង ២៣២បន្ទប់, ប្លុក B កម្ពស់៤ជាន់ ស្មើនឹង ៧៦ផ្ទះ និងសាងសង់ផ្ទះវីទ្បា ចំនួន ៣ផ្ទះថែមទៀតផង។</span></p>
<p><span style="color: #000000;">ធម្មតាការអភិវឌ្ឍន៍តែងតែផ្សាភ្ជាប់ និងផលប៉ះពាល់ជាមួយប្រជាពលរដ្ឋ តាំងលំនៅដ្ឋានជុំវិញ និងលើដី ដែល កំពុងអភិវឌ្ឍន៍។ ដោយគោរពតាមគោលនយោបាយរបស់រាជរដ្ឋាភិបាលមិនអនុញ្ញាតឲ្យមានភាពទោម្នាស់ដល់ ប្រជាពលរដ្ឋនោះ ក្រុមហ៊ុន OCIC បានព្យាយាមរិះរកគ្រប់លទ្ធភាព ដោយសហការជាមួយអាជ្ញាធរ អង្គការ សង្គមស៊ីវិលជាដើម រកនូវដំណោះស្រាយជូនប្រជាពលរដ្ឋ ដូចជាផ្តល់សំណងជាប្រាក់ ការផ្តល់ផ្ទះល្វែង និង ផ្សារលើទីតាំងដីកំពុងអភិវឌ្ឍន៍ និងការឆ្កៀលដី ដែលរងផលប៉ះពាល់ចេញពីគម្រោងអភិវឌ្ឍន៍។</span></p>
<p><span style="color: #000000;">ការដោះស្រាយជាមួយប្រជាពលរដ្ឋ ដែលរងផលប៉ះពាល់នេះ ត្រូវបានលោកឧកញ៉ា ពង់ ឃាវសែ បញ្ជាក់ថា ក្រុមហ៊ុន បានដោះស្រាយជាច្រើនរយគ្រួសារ ក្នុងនោះ ពលរដ្ឋ ១៣១គ្រួសារ ឯកភាពទទួលយកថវិកា, ១៣៧ គ្រួសារ បានឯកភាពទទួលយកផ្ទះ និង តូបលក់ក្នុងផ្សារ។ ប្រជាពលរដ្ឋ ១២២គ្រួសារហើយ បានចូលមករស់ នៅក្នុងបុរីរុងរឿង ស្ថិតលើទីតាំងដីកំពុងអភិវឌ្ឍន៍ស្ថិតក្នុងសង្កាត់ព្រែកលៀប ខណ្ឌជ្រោយចង្វារ ដែលក្រុមហ៊ុន បានសាងសង់ឡើងសម្រាប់ដោះដូរជាមួយប្រជាពលរដ្ឋរងផលប៉ះពាល់ ហើយប្រជាពលរដ្ឋជាច្រើនគ្រួសារទៀត នឹងចូលមករស់នៅក្រោយក្រុមហ៊ុនសាងសង់ផ្ទះរួចរាល់។</span></p>
<p><span style="color: #000000;">គោលនយោបាយដោះស្រាយលើផលប៉ះពាល់របស់ក្រុមហ៊ុន OCIC បានធ្វើឲ្យប្រជាពលរដ្ឋជាច្រើនគ្រួសារ បង្ហូរទឹកភ្នែក។ តែដំណក់ទឹកភ្នែកនោះ មិនមែនបង្ហូរព្រោះតែដំណោះស្រាយមិនសមរម្យនោះទេ តែជាដំណក់ ទឹកភ្នែកកើតចេញពីក្តីរំភើបរីករាយ ចំពោះការយកចិត្តទុកដាក់របស់ក្រុមហ៊ុន ផ្តល់ដំណោះស្រាយមួយដ៏សមរម្យ ដោយមានការផ្តល់ជាផ្ទះល្វែង និងតូបលក់ដូរជាដើម ដែលក្នុងមួយជីវិតរបស់ពួកគាត់ធ្លាប់តែរស់នៅក្នុងផ្ទះខ្ទម លើផ្ទៃទឹកបឹង មិនធ្លាប់គិត និងស្រម័យថា មានវាសនារស់នៅលើផ្ទះថ្មនោះឡើយ។</span></p>
<p><span style="color: #000000;">អ្នកស្រី ថូ ទូច ប្រជាពលរដ្ឋសហគមន៍ដីមាស ទើបដោះស្រាយបញ្ចប់បញ្ហាជាមួយក្រុមហ៊ុន ដោយព្រមទៅរស់ នៅលើផ្ទះល្វែងសាងសង់ដោយក្រុមហ៊ុនលើទីតាំងដីអភិវឌ្ឍន៍ បានរៀបរាប់ពីផលលំបាកសម្រាប់ការរស់នៅលើ ទីតាំងផ្ទះចាស់រងការជន់លិចដោយទឹកភ្លៀងថា អ្នកស្រីត្រូវដើរលុយទឹកបឹងជារៀងរាល់ថ្ងៃជញ្ជូនកូនចៅសុំផ្ទះ ពលរដ្ឋដទៃនៅលើគោក ដើម្បីស្នាក់នៅពេលថ្ងៃ និងដាំបាយស្រស់ស្រូប។ លុះល្ងាចឡើងទើបនាំគ្នាដើរលុយ ទឹកត្រឡប់ទៅផ្ទះវិញ។</span></p>
<p><span style="color: #000000;">អ្នកស្រី ថូ ទូច បានបន្តថា អ្នកស្រីបានរស់នៅក្នុងសភាពបែបនេះ អស់រយៈពេល១២ឆ្នាំមកហើយ ពោលនៅរដូវ វស្សាទឹកតែងជន់លិចផ្ទះរបស់អ្នកស្រី។ បើតាមអ្នកស្រី ថូ ទូច ប្រជាពលរដ្ឋក្នុងសហគមន៍ដីមាស បូករួមនិងអ្នក ស្រីផងដែរ ការមកតាំងទីលំនៅលើដីសហគមន៍នេះ គឺសុំពីចៅសង្កាត់ និងមកសង់រស់នៅលើដីចិញ្ចើមទំនប់ទឹក តៗគ្នា មិនមានការទិញដូរនោះទេ។</span></p>
<p><span style="color: #000000;">ស្រ្តីវ័យប្រមាណ៥០ឆ្នាំរូបនេះ បានបញ្ជាក់ថា អ្នកស្រីពិតជាសប្បាយរីករាយនៅពេលទទួលបានដំណឹងពីក្រុម ហ៊ុន OCIC ផ្តល់សំណងផ្ទះល្វែងឲ្យអ្នកស្រី និងគ្រួសារបានទៅរស់នៅលើទីតាំងដីអភិវឌ្ឍន៍។ គាត់រំពឹងថា ការ រស់នៅនឹងបានល្អប្រសើរជាងពេលបច្ចុប្បន្ន ជាពិសេសបានចៀសផុតពីការដើរលុយទឹក និងស្ថានភាពរស់នៅ លើទឹកស្អុយលិចផ្ទះរបស់គាត់ផងដែរ។</span></p>
<p><span style="color: #000000;">អ្នកស្រីបានថ្លែងជាមួយដំណក់ទឹកភ្នែកកើតចេញពីក្តីរំភើបថា «មិនដែលគិតក្នុងចិត្តថា បានទៅនៅផ្ទះថ្មទេ។ មីង ឮ មីងអរខ្លាំង។ រំភើបបានរស់នៅផុតពីទឹក មីងអរគុណខ្លាំងមែនទែន! អរគុណខ្លាំង»។</span></p>
<p><span style="color: #000000;">អ្នករស់នៅក្នុងសហគមន៍ដីមាសម្នាក់ទៀត ដែលផ្ទះអ្នកស្រីសង់ពីឈើជញ្ជាំង និងដំបូលប្រក់សង្កសីនៅលើទឹក ស្អុយដែរនោះ គឺអ្នកស្រី ថោង សុខា ក៏បានសម្តែងភាពសប្បាយរីករាយ និងរំភើបផងដែរ នៅពេលទទួលបាន ការដោះស្រាយពីក្រុមហ៊ុនទៅរស់នៅលើផ្ទះថ្ម ហើយអ្នកស្រីរង់ចាំតែក្រុមហ៊ុនហៅទៅនៅតែប៉ុណ្ណោះ។</span></p>
<p><span style="color: #000000;">អ្នកស្រី ថោង សុខា បានបញ្ជាក់ថា «ទៅនៅលើទីតាំងដីក្រុមហ៊ុនហ្នឹងល្អណាស់ វាបានស្រណុក សប្បាយចិត្ត បានរស់នៅមានទឹកស្អាត ប្រព័ន្ធភ្លើង ផ្លូវល្អ រស់នៅសមរម្យ។ ខ្ញុំបន់ឲ្យតែគេហៅទៅរំភើបណាស់»។</span></p>
<p><span style="color: #000000;">អ្នកស្រី ថោង សុខា បានបង្ហាញអារម្មណ៍ពិតរបស់ខ្លួនទៀតថា ការទៅរស់នៅលើផ្ទះផ្តល់ដោយក្រុមហ៊ុន អាច ជួយឲ្យអ្នកស្រីគេចផុតពីការលិចទឹក ដំណក់ទឹកភ្លៀង ព្រោះតែផ្ទះធ្លុះធ្លាយរបស់អ្នកស្រី។</span></p>
<p><span style="color: #000000;">លោក សុខ សល្យបញ្ញា ស្ថាបត្យករ និងជាក្រុមដោះស្រាយបញ្ហាដីធ្លី និងផលប៉ះពាល់របស់ក្រុមហ៊ុន OCIC បានឲ្យដឹងថា ក្រុមហ៊ុនបានសាងសង់អគារស្នាក់នៅរួមចំនួន ៧៦ផ្ទះ ស្មើនឹង៤អគារ សម្រាប់ប្រជាពលរដ្ឋសហ គមន៍ដីមាស។ ក្នុងនោះអគារចំនួន២ នឹងបើកឲ្យប្រជាពលរដ្ឋសហគមន៍ដីមាសចូលទៅរស់នៅក្នុងពេលឆាប់ៗ នេះ។</span></p>
<p><span style="color: #000000;">អ្នកស្រី ឈ្នៀង ផាន់ណារី គណៈកម្មការសមាគមន៍ដីមាស បានឲ្យដឹងថា សមាគមន៍ដីមាសមានប្រជាពលរដ្ឋ ប្រមាណ ១៣៧គ្រួសារ បានមកតាំងទីលំនៅក្នុងភូមិដីមាស សង្កាត់ព្រែកលៀបតាំងពីឆ្នាំ១៩៨២។ ប្រជាពល រដ្ឋសហគមន៍ដីមាស សុទ្ធតែសប្បាយរីករាយពេលឮក្រុមហ៊ុនហៅទៅដោះស្រាយបញ្ហា និងបានផ្តល់ផ្ទះល្វែងឲ្យ រស់នៅ ដែលជាគោលនយោបាយដោះស្រាយសំណងមួយដ៏សមរម្យ។</span></p>
<p><span style="color: #000000;">ពីវាលបឹងរហោដ្ឋានគ្មានផ្លូវ គ្មានបណ្តាញទឹក គ្មានប្រព័ន្ធអគ្គិសនី លើផ្ទៃដីទំហំប្រមាណ ១២ហិកតា ដែលជាផ្ទៃ ដីក្រុមហ៊ុនប្រើសម្រាប់សាងសង់សំណង់ និងប្រព័ន្ធហេដ្ឋារចនាសម្ព័ន្ធនានាជូនប្រជាពលរដ្ឋរងផលប៉ះពាល់ ដោយការអភិវឌ្ឍន៍នោះ ក្រុមហ៊ុន OCIC បានសាងសង់នូវអគារផ្ទះល្វែង ផ្ទះវីឡា ផ្សារដោះដូរទំនិញ ផ្សារត្រី រួមនិងអគារដ្ឋបាលសម្រាប់បម្រើការងាររបស់មន្រ្តីអាជ្ញាធរខណ្ឌជ្រោយចង្វារផងដែរ។</span></p>
<p><span style="color: #000000;">ជាមួយប្រព័ន្ធហេដ្ឋារចនាសម្ព័ន្ធ និងអគារផ្ទះលែ្វង វីលា ផ្សារលក់ដូរ... បានកំពុងប្រែក្លាយផ្ទៃដីដែលមានទំហំ ១២ហិកតា ទៅជាកន្លែងរស់នៅមួយប្រកបដោយសោភណភាព និង ផាសុខភាពសម្រាប់ប្រជាពលរដ្ឋ ខណៈ ដែលអគារច្រើនផ្សេងៗទៀត កំពុងដំណើរការសាងសង់។</span></p>
<p><span style="color: #000000;">លោក ម៉ី សារិន ប្រធានការដ្ឋានសាងសង់ក្រុងរណបជ្រោយចង្វារ បានរៀបរាប់ថា មកដល់ពេលបច្ចុប្បន្នលើផ្ទៃ ដីសាងសង់សំណង់ដោះដូរជាមួយប្រជាពលរដ្ឋទំហំ ១២ហិកតានោះ ក្រុមហ៊ុនបានសាងសង់ផ្ទះចំនួន ២០៨ ល្វែង ហើយផ្ទះល្វែង ១៧៦ល្វែងត្រូវបានសាងសង់រួចរាល់ ហើយប្រជាពលរដ្ឋបានចូលមកស្នាក់នៅផងដែរ។ ជាមួយគ្នានេះ ប្រព័ន្ធផ្លូវត្រូវបានក្រុមហ៊ុនសាងសង់ធំទូលាយទៅតាមស្តង់ដារ ដាក់លូបង្ហូរទឹកបានត្រឹមត្រូវ ហើយប្រព័ន្ធទឹកស្អាត និង ភ្លើង បានតចូលរួចរាល់ហើយ។</span></p>
<p><span style="color: #000000;">លោក ម៉ី សារិន បានបន្តថា ប្រជាពលរដ្ឋបានរស់នៅដោយភាពសប្បាយរីករាយ និងមានផាសុខភាព ជាមួយ សំណង់ផ្ទះល្វែងរឹងមាំ និងស្រស់ស្អាត។</span></p>
<p><span style="color: #000000;">ប្រជាពលរដ្ឋ ដែលបានចូលមកស្នាក់នៅលើផ្ទះល្វែងក្នុងបុរីរុងរឿង ដែលជាសំណងគោលនយោបាយរបស់ក្រុម ហ៊ុន OCIC នោះ សុទ្ធតែបានសម្តែងការពេញចិត្តជាមួយគោលនយោបាយរបស់ក្រុមហ៊ុន និងបានថ្លែងកោតស សើរក្រុមហ៊ុនបានយកចិត្តទុកដាក់ខ្ពស់លើប្រជាពលរដ្ឋ ខុសពីបណ្តាក្រុមហ៊ុនមួយចំនួន។</span></p>
<p><span style="color: #000000;">ក្រៅពីការជួយឲ្យពួកគាត់បានរស់នៅចៀសផុតពីការលិចទឹក គ្មានទឹកស្អាត គ្មានផ្លូវ ពេលរស់នៅលើផ្ទះចាស់ ដែលមិនទាន់អភិវឌ្ឍន៍នោះ លំនៅដ្ឋានថ្មីនេះ ក៏បង្កលក្ខណៈ និងបរិយាកាសឲ្យពួកគាត់ប្រកបរបរលក់ដូររក ប្រាក់កម្រៃចិញ្ចឹមជីវិតបានស្រួលផងដែរ។</span></p>
<p><span style="color: #000000;">អ្នកស្រី សុស ម៉ារ៉ានី ប្រជាពលរដ្ឋម្នាក់ ដែលធ្លាប់បានរស់នៅក្នុងសង្កាត់ជ្រោយចង្វារគ្រាមិនទាន់បានអភិវឌ្ឍន៍ ហើយបច្ចុប្បន្នកំពុងរស់នៅលើផ្ទះល្វែងក្នុងបុរីរុងរឿងផ្តល់ដោយក្រុមហ៊ុននោះ បានសម្តែងការសប្បាយចិត្ត ចំពោះសំណងរបស់ក្រុមហ៊ុនដោយគ្មានការបង្ខិតបង្ខំ និងមិនបន្សល់ទឹកភ្នែកដល់ប្រជាពលរដ្ឋ។ លំនៅដ្ឋានថ្មី នេះមានបរិយាកាសល្អប្រសើរច្រើន បើធៀបលំនៅដ្ឋានចាស់នៅលើទឹកបឹងក្លិនស្អុយ។</span></p>
<p><span style="color: #000000;">អ្នកស្រីបានបន្តជាមួយភាពញញឹមញញែមថា «ខ្ញុំសប្បាយចិត្ត! ទីមួយផ្ទះខ្ញុំនៅទីនោះវាលិចទឹក ដីខ្ញុំក៏តូច។ ខ្ញុំ មកនេះផ្ទះវាស្អាត ផ្លូវល្អ ហើយក្រុមហ៊ុនដោះដូរទៅតាមការចង់បានរបស់យើង ដូច្នេះអត់មានការបង្ខិតបង្ខំអី ទេ។ ក្រុមហ៊ុនចូលរួមដោះស្រាយដោយរលូន អត់បង្ខិតបង្ខំចឹងសប្បាយចិត្ត។ ខ្ញុំឃើញថា ការដោះដូររបស់ក្រុម ហ៊ុន OCIC នេះល្អប្រសើរ គ្មានប្រជាជនណាមួយទឹកភ្នែក។ ឃើញថា ការដោះស្រាយរបស់គាត់ល្អមែនទែន ជា គំរូល្អសម្រាប់ប្រជាពលរដ្ឋ ក្រុមហ៊ុនផ្សេងៗកាលណាគេធ្វើការអភិវឌ្ឍន៍ ប្រជាជនតែទឹកភ្នែកគ្រប់ទីកន្លែងតែនេះ ធ្វើឲ្យប្រជាជនសប្បាយចិត្តភាគច្រើន»។</span></p>
<p><span style="color: #000000;">លោក សូយ គង់ ដែលពីមិនទាន់អភិវឌ្ឍន៍រស់នៅក្នុងសង្កាត់ព្រែកតាសេកនោះ បានបញ្ជាក់ថា កាលដើមឡើយ លំនៅដ្ឋានរបស់គាត់នៅលើទឹក គ្មានផ្លូវត្រឹមត្រូវ គ្មានប្រព័ន្ធទឹក ធ្វើឲ្យគាត់លំបាករស់នៅ។ ក្រោយការអភិវឌ្ឍន៍ របស់ក្រុមហ៊ុន OCIC ធ្វើឲ្យមានផ្លូវ ទឹក ភ្លើង ត្រឹមត្រូវបានជួយលើកកម្ពស់ជីវភាព និងសោភណភាពជីវិតប្រចាំ ថ្ងៃរបស់បានមួយកម្រិតថែមទៀត។ លោក សូយ គង់ បានសម្តែងការរីករាយចំពោះសំណងរបស់ក្រុមហ៊ុន ដែលមានគោលការណ៍ច្បាស់ខុសពីក្រុមហ៊ុនអភិវឌ្ឍន៍មួយចំនួន។</span></p>
<p><span style="color: #000000;">ជាមួយសម្តីមួយៗ ទឹកមុខរីករាយ លោក សូយ គង់ បានបន្តថា «ភ្លៀងខ្យល់មកមិនខ្លាចដូចផ្ទះ មានជញ្ជាំង មានដំបូលត្រឹមត្រូវ។ ងាយស្រួលព្រោះក្រុមហ៊ុនគេយកចិត្តដាក់ចំពោះយើង។ ខ្ញុំសប្បាយចិត្តដែលក្រុមហ៊ុន បានធ្វើផ្ទះជូនប្រជាពលរដ្ឋ ចំពោះក្រុមហ៊ុនដទៃខ្ញុំអត់ដឹងទេ តែក្រុមហ៊ុននេះល្អរបស់គេ គេមានផ្ទះមានតូបលក់ ជូនប្រជាពលរដ្ឋ សមហេតុសមផល»។</span></p>
<p><span style="color: #000000;">លើសពីការផ្តល់នូវសំណង់ផ្ទះល្វែង និងតូបលក់ដូរនៅក្នុងផ្សារ ដែលជាសំណងគោលនយោបាយ ដ៏សមរម្យជា មួយប្រជាពលរដ្ឋហើយនោះ ក្រុមហ៊ុន OCIC នៅបានគិតគូរដល់ការរស់នៅរបស់ប្រជាពលរដ្ឋក្នុងបុរីរុងរឿង ថែមទៀត។ ក្រុមហ៊ុន បានចងក្រងជាសហគមន៍បុរីរុងរឿង ដោយប្រជាពលរដ្ឋ ដែលបានចូលជាសមាជិកសហ គមន៍ នឹងទទួលបានការឧបត្ថម្ភផ្សេងៗពីក្រុមហ៊ុនរាល់ពេលមានពិធីបុណ្យជាតិធំៗ ដូចបុណ្យចូលឆ្នាំ បុណ្យភ្ជុំ បិណ្ឌ ឬបុណ្យចូលឆ្នាំចិនជាដើម ហើយក្រុមហ៊ុននៅមានផ្តល់អាហារូបករណ៍ដល់កូនចៅប្រជាពលរដ្ឋសម្រាប់ សិក្សានៅមហាវិទ្យាល័យថែមទៀត សម្រាប់គ្រួសារខ្វះខាតក្នុងជីវភាព ។</span></p>
<p><span style="color: #000000;">លោក ម៉ាន់ ឈឿន ប្រធានគណៈកម្មាធិការបុរីរុងរឿងស្តីទី បានហៅការបង្កើតសហគមន៍បុរីរុងរឿងនេះថា ជាការ បង្កើតទំនាក់ទំនង និងសាមគ្គីភាពរវាងអ្នកវិនិយោគ ជាមួយប្រជាពលរដ្ឋ។ លោកក៏បានបញ្ជាក់ផងដែរថា ក្រុម ហ៊ុន ក៏នឹងគ្រៀងបង្កើតឥណទានមុខរបរខ្នាតតូចសម្រាប់ប្រជាពលរដ្ឋក្នុងសហគមន៍បុរីរុងរឿងទៅពង្រីកមុខរបរ រកស៊ីចិញ្ចឹមជីវិតផងដែរ។</span></p>
<p><span style="color: #000000;">ប្រជាពលរដ្ឋ ដែលបានផ្លាស់ប្តូរទៅរស់នៅក្នុងបុរីរឿងសុទ្ធតែបានបង្ហាញការសប្បាយចិត្ត និងមើលឃើញថា ការ ប្រែក្លាយតំបន់បឹងល្វឹងល្វើយ ទៅជាកន្លែងរស់នៅដ៏ស្រស់បំព្រងនេះថា ជាការអភិវឌ្ឍន៍មួយដ៏ត្រឹមត្រូវរបស់រាជ រដ្ឋាភិបាល និងក្រុមហ៊ុន OCIC របស់ឧកញ៉ា ពង់ ឃាវសែ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/27/11-27-2014-2-49-03-pm-27-11-2014--15-00-57.png"><img src="/FileManager/Articles/mce/2014/11/27/11-27-2014-2-49-03-pm-27-11-2014--15-00-57.png" alt="" /></a></span></p>
<p><a class="thickbox" title="" href="/FileManager/Commons/2014/11/27/11-27-2014-2-49-17-pm-27-11-2014--15-01-11.png"><img src="/FileManager/Articles/mce/2014/11/27/11-27-2014-2-49-17-pm-27-11-2014--15-01-11.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-49-28-pm-27-11-2014--15-01-26.png"><img src="/FileManager/Articles/mce/2014/11/27/11-27-2014-2-49-28-pm-27-11-2014--15-01-26.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-50-03-pm-27-11-2014--15-01-36.png"><img src="/FileManager/Articles/mce/2014/11/27/11-27-2014-2-50-03-pm-27-11-2014--15-01-36.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-50-16-pm-27-11-2014--15-01-49.png"><img src="/FileManager/Articles/mce/2014/11/27/11-27-2014-2-50-16-pm-27-11-2014--15-01-49.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-50-30-pm-27-11-2014--15-02-01.png"><img src="/FileManager/Articles/mce/2014/11/27/11-27-2014-2-50-30-pm-27-11-2014--15-02-01.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-50-45-pm-27-11-2014--15-02-12.png"><img src="/FileManager/Articles/mce/2014/11/27/11-27-2014-2-50-45-pm-27-11-2014--15-02-12.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-50-59-pm-27-11-2014--15-02-27.png"><img src="/FileManager/Articles/mce/2014/11/27/11-27-2014-2-50-59-pm-27-11-2014--15-02-27.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-51-15-pm-27-11-2014--15-02-38.png"><img src="/FileManager/Articles/mce/2014/11/27/11-27-2014-2-51-15-pm-27-11-2014--15-02-38.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-51-28-pm-27-11-2014--15-02-49.png"><img src="/FileManager/Articles/mce/2014/11/27/11-27-2014-2-51-28-pm-27-11-2014--15-02-49.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-51-52-pm-27-11-2014--15-03-00.png"><img src="/FileManager/Articles/mce/2014/11/27/11-27-2014-2-51-52-pm-27-11-2014--15-03-00.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-52-22-pm-27-11-2014--15-03-18.png"><img src="/FileManager/Articles/mce/2014/11/27/11-27-2014-2-52-22-pm-27-11-2014--15-03-18.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-52-37-pm-27-11-2014--15-03-35.png"><img src="/FileManager/Articles/mce/2014/11/27/11-27-2014-2-52-37-pm-27-11-2014--15-03-35.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-52-56-pm-27-11-2014--15-03-47.png"><img src="/FileManager/Articles/mce/2014/11/27/11-27-2014-2-52-56-pm-27-11-2014--15-03-47.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-53-12-pm-27-11-2014--15-04-03.png"><img src="/FileManager/Articles/mce/2014/11/27/11-27-2014-2-53-12-pm-27-11-2014--15-04-03.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-53-44-pm-27-11-2014--15-04-14.png"><img src="/FileManager/Articles/mce/2014/11/27/11-27-2014-2-53-44-pm-27-11-2014--15-04-14.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-54-02-pm-27-11-2014--15-04-30.png"><img src="/FileManager/Articles/mce/2014/11/27/11-27-2014-2-54-02-pm-27-11-2014--15-04-30.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-54-19-pm-27-11-2014--15-04-41.png"><img src="/FileManager/Articles/mce/2014/11/27/11-27-2014-2-54-19-pm-27-11-2014--15-04-41.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-2-54-45-pm-27-11-2014--15-04-53.png"><img src="/FileManager/Articles/mce/2014/11/27/11-27-2014-2-54-45-pm-27-11-2014--15-04-53.png" alt="" /></a></p>
<p style="text-align: right;"><span style="color: #000000;"><span>ផ្ដល់សិទ្ធិដោយ៖ ដើមអម្ពិល</span><br /></span></p>