<p><span style="color: #000000;"><strong>(ភ្នំពេញ)៖</strong> អតីតកីឡាករប្រដាល់ល្បីដែលមានរហស្សនាមថា <strong>«កែងឆេះ»</strong> លោក អេ ភូថង ទទួលបានកាដូជាផ្ទះមួយល្វែងពីលោកស្រី ហ៊ុន ម៉ាណា អគ្គនាយកទូរទស្សន៍បាយ័ននាពេលថ្មីៗនេះ ក្រោយពេលចូលប្រឡូកក្នុងវិស័យឈឺសាច់ជាង២០ឆ្នាំមកនេះ ពុំទាន់មានផ្ទះរស់នៅសមរម្យនឹងគេ ។</span></p>
<p><span style="color: #000000;">នៅចាំបានថា អ្នកស្រី សុម៉ាលី ភរិយាលោក អេ ភូថង ធ្លាប់បានប្រាប់គេហទំព័រ Khmertalking កាលពីដើមឆ្នាំ២០១៦ នេះទាក់ទងនឹងការរើចេញពីស្តាតចាស់ ដែលជាទីកន្លែងក្រុមគ្រួសារស្នាក់អាស្រ័យ បូករួមទាំងជីវភាពខ្វះខាតពេកនោះ ពុំបានធ្វើឲ្យពួកគាត់មានលទ្ធភាពទិញផ្ទះបានឡើយ និងបន្តស្នាក់នៅផ្ទះជួលជាបន្តទៀត ។</span></p>
<p><span style="color: #000000;">តែយ៉ាងណាក៏ដោយ ដំណឹងនេះក៏បានជ្រួតជ្រាបលេចឮទៅដល់លោកស្រី ហ៊ុន ម៉ាណា ដែលជាអគ្គនាយកប៉ុស្តិ៍ ទូរទស្សន៍បាយ័ន លោកស្រី ក៏សម្រេចផ្តល់ផ្ទះមួយល្វែងនៅម្តុំរង្វង់មូលចោមចៅ ស្ថិតនៅក្នុងបុរីសន្តិភាព២ តាមរយៈ ឧកញ៉ា ប៉ែន កាក់ ប្រគល់ជូនក្រុមគ្រួសារលោក អេ ភូថង នាថ្ងៃទី២៣ ខែឧសភា ឆ្នាំ២០១៦ ។</span></p>
<p><span style="color: #000000;">ថ្វីត្បិតតែបច្ចុប្បន្នលោក អេ ភូថង បានចូលនិវត្តន៍ពីអាជីពជាកីឡាករប្រដាល់ក៏ពិតមែន ប៉ុន្តែរូបលោកនៅតែធ្វើជាអាជ្ញាកណ្តាល និងចៅក្រមដាក់ពិន្ទុដដែល ដើម្បីបានប្រាក់ផ្គត់ផ្គង់ជីវភាពគ្រួសារ និងបង្វឹកកូនសិស្សមួយចំនួនផងដែរ ៕</span></p>
<p><span style="color: #000000;"><img src="http://static.postnews.media/wp-content/uploads/2016/05/photo_2016-05-24_12-08-07.jpg" alt="" width="730" /></span></p>
<p><span style="color: #000000;"><img src="http://static.postnews.media/wp-content/uploads/2016/05/photo_2016-05-24_12-08-13.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>