<p><strong>(កណ្តាល)៖</strong> មន្រ្តីនគរបាល ស្រុកកៀនស្វាយ ខេត្តកណ្តាល បានប្រាប់ភ្នាក់ងារ Fresh News ថា ជំនួយការរបស់លោកឧត្តមសេនីយ៍យោធាផ្កាយ៣ ឯក វិសុទ្ធ សំបូរ និងបក្ខពួកម្នាក់ទៀត បានលួចរថយន្តរបស់ប្រជាពលរដ្ឋ ហើយត្រូវបានកម្លាំងសមត្ថកិច្ចជាច្រើននាក់ ដេញបង្ក្រាបទៅដល់ស្រុកកៀនស្វាយ ទើបចាប់បានម្នាក់ នៅព្រឹកថ្ងៃទី១៧ ខែកុម្ភៈ ឆ្នាំ២០១៦នេះ។</p>
<p>មន្រ្តីនគរបាលស្រុកកៀនស្វាយ បានបញ្ជាក់ថា <strong>«ជនសង្ស័យទី១ឈ្មោះ ហេង សុជាតិ ហៅម៉ៅ អាយុ៣៤ឆ្នាំ រស់នៅភូមិថ្មី ឃុំខ្សាម ស្រុករលាប្អៀរ ខេត្តកំពង់ឆ្នាំង មុខរបរមិនពិតប្រាកដ ត្រូវបានសមត្ថកិច្ចចាប់ខ្លួនបាន និងទី២ឈ្មោះ ចក់ រត់គេចខ្លួនបាត់ (តាមការឆែកឆេរថយន្តជនល្មើស រកឃើញអាវប៉ារ៉ា១ ផ្លាកបញ្ជាការដ្ឋានអង្គរក្សមាន ឈ្មោះ ជុំ តារា មុខងារជំនួយការផ្ទាល់ ឧត្តមសេនីយ៍ឯក វិសុទ្ធ សំបូរ និងលិខិតបញ្ជារបេសកកម្ម១សន្លឹក»</strong>។</p>
<p>ដោយឡែក ជនរងគ្រោះមានឈ្មោះ សួង រ៉ន អាយុ៣២ឆ្នាំ ស្រុកកំណើតនៅភូមិត្រពាំងសាប ឃុំត្រពាំងសាប ស្រុកបាទី ខេត្តតាកែវ បច្ចុប្បន្នស្នាក់នៅផ្ទះលេខ៦៧០BC ផ្លូវ២៧១ សង្កាត់ផ្សារដើមថ្កូវ ខណ្ឌមានជ័យ។</p>
<p>ភ្នាក់ងារ Fresh News បានរាយការណ៍ថា មុនពេលកើតហេតុ ជនរងគ្រោះបានទុករថយន្តរបស់ខ្លួនម៉ាក ហ៊ីយ៉ាន់ដាយផតធឺ ពណ៌ស ស្ថិតនៅចំណុច បណ្ណាគារសេនសឺ ផ្ទះ៦៧០BC ផ្លូវ២៧១ សង្កាត់ផ្សារដើមថ្កូវ ខណ្ឌចំការមន ស្រាប់តែជនល្មើសទាំង២នាក់ ជិះរថយន្តមួយគ្រឿងម៉ាក Camry Hybrid ពណ៌ស្ករ ពាក់ស្លាកលេខភ្នំពេញ2V-0220 មកធ្វើសកម្មភាពលួចរថយន្ត ប៉ុន្តែជនរងគ្រោះចាប់តាម Camera ក៏ដឹងថា ក្រុមជនល្មើសទាំង២នាក់ បើកសំដៅទៅកៀនស្វាយ ក៏ប្តឹងទៅសមត្ថកិច្ចតាមចាប់តែម្តង។</p>
<p>បច្ចុប្បន្នជនសង្ស័យរូបនេះ ស្ថិតក្រោមការសួរនាំ នៅអធិការដ្ឋាននគរបាលស្រុកកៀនស្វាយ ដើម្បីបន្តកសាងសំណុំរឿងបញ្ជូន ទៅកាន់តុលាការចាត់ការតាមច្បាប់ ខណៈជនល្មើសដែលជំនួយការ លោកឧត្តមសេនីយ៍យោធាផ្កាយ៣នោះ បាននិងកំពុងរត់គេចខ្លួន៕</p>
<p style="text-align: center;"><img src="https://scontent-kul1-1.xx.fbcdn.net/hphotos-xft1/v/t1.0-9/10276996_1559275114386854_9196045187781503393_n.jpg?oh=4dac7af53693ed963301421666da5268&oe=575D542D" alt="" width="730" /></p>
<p style="text-align: center;"><img src="https://scontent-kul1-1.xx.fbcdn.net/hphotos-xtl1/v/t1.0-9/12717753_1559275117720187_660663685703338216_n.jpg?oh=0b08f72ede417c816088348a9acf9b96&oe=57246A72" alt="" width="730" /></p>
<p style="text-align: center;"><img src="https://fbcdn-sphotos-b-a.akamaihd.net/hphotos-ak-xpf1/v/t1.0-9/12733562_1559275154386850_5461305027601330277_n.jpg?oh=04bf9d9f2ffa7a1d4b46b6c48ffdc2b9&oe=576554B1&__gda__=1462241934_5881a4baba8b46fa2f72d1c2b3610e21" alt="" width="730" /></p>
<p style="text-align: center;"><img src="https://fbcdn-sphotos-h-a.akamaihd.net/hphotos-ak-xlp1/v/t1.0-9/12744557_1559275157720183_6309684164254951583_n.jpg?oh=9a65d0ace43e9945d3ac6ec890399e28&oe=5762A27B&__gda__=1465586286_f85a53f9ff70493a77ee97e2c9fd89c4" alt="" width="730" /></p>
<p style="text-align: center;"><img src="https://scontent-kul1-1.xx.fbcdn.net/hphotos-xtf1/v/t1.0-9/12705561_1559275121053520_184715729767651935_n.jpg?oh=306940e0632287d63e4bee874212c9c7&oe=5766EC6A" alt="" width="730" /></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>