<p><span style="color: #000000;"><span>ព្យុងយ៉ាង</span>៖ បើយោងតាមចុះផ្សាយតាមរយៈគេហទំព័រ Channel News Asia នៅរសៀលថ្ងៃព្រហស្បតិ៍ ទី២០ ខែមេសា ឆ្នាំ២០១៧ បានឲ្យដឹងថា <span style="font-size: 12px;">ប្រព័ន្ធផ្សព្វផ្សាយកូរ៉េខាងជើងបានព្រមានទីក្រុងវ៉ាស៊ីនតោនថា "</span>កុំមករញ៉េរញៃជាមួយនឹងពួកយើង" <span style="font-size: 12px;">បើពុំដូច្នោះអ្នកនឹងបានភ្លក់ការវាយប្រហារដ៏ខ្លំាងខ្លាបំផុត ខណៈរដ្ឋមន្រ្តីការបរទេសអាមេរិក លោក រិច ធីល្លឺសុន បាននិយាយថា សហរដ្ឋអាមេរិកកំពុងស្វែងរកវិធីសាស្ត្រ ដាក់សម្ពាធបន្ថែមប្រឆាំងនឹង ទីក្រុងព្យុងយ៉ាងពាក់ព័ន្ធនឹងកម្មវិធីនុយក្លេអ៊ែរ ។</span></span></p>
<p><span style="color: #000000;">ប្រឈមមុខនឹងរបបដឹកនាំ លោក Kim Jong Un ប្រធានាធិបតីអាមេរិក លោក Donald Trump បានព្រមានជាច្រើនដងថា គោលនយោបាយអត់ធ្មត់ជាមួយកូរ៉េខាងជើង បានឈានដល់ទីបញ្ចប់ហើយ ថាសហរដ្ឋអាមេរិក អាចនឹងប្រើប្រាស់កម្លាំងយោធានៅក្នុងករណីចាំបាច់ ។ ប៉ុន្តែកូរ៉េខាងជើងក៏បានព្រមានដែរថា បានត្រៀមខ្លួនរួចជាស្រេច ដើម្បីធ្វើសង្រ្គាមនុយក្លេអ៊ែរ តាមដែលអាមេរិកត្រូវការ ។ ក្រោយៗមកទៀត អាមេរិកបានបន្ធូរបន្ថយពាក្យគំរាមរបស់ខ្លួន ដោយអះអាងថា ចង់បានសន្តិភាពនៅឧបទ្វីប ហើយចិនត្រូវបានអំពាវនាវឲ្យចូលរួមយ៉ាងសកម្មក្នុងរឿងនេះ ។</span></p>
<p><span style="color: #000000;">ជាងនេះទៅទៀតសារព័ត៌មានក្នុងទីក្រុងវ៉ាស៊ីនតោន កាលពីថ្ងៃពុធ កន្លងផុតទៅនេះបានចុះផ្សាយថា រដ្ឋមន្ត្រីការបរទេសអាមេរិក លោក រិច ធីល្លឺសុន បានគូសបញ្ជាក់ថា "យើងកំពុងពិនិត្យឡើងវិញ លើស្ថានភាពទំាងអស់របស់កូរ៉េខាងជើង រួមទំាងការបញ្ចូលទៅក្នុងបញ្ជីខ្មៅនៃរដ្ឋគាំទ្រភេរវករ ក៏ដូចជាការស្វែងរកវិធីសាស្ត្រដាក់សម្ពាធបន្ថែមលើព្យុងយ៉ាង ឱ្យងាកមករកតុចរចាជាមួយយើង ដែលនឹងមិនមែនដូចកិច្ចចរចាមុនៗនោះទេ" ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/4/20/1-20-04-2017--15-20-19.png"><img src="/FileManager/Articles/mce/2017/4/20/1-20-04-2017--15-20-19.png" alt="" /></a></span></p>
<p><br /><a class="thickbox" title="" href="/FileManager/Commons/2017/4/20/2-20-04-2017--15-20-30.png"><img src="/FileManager/Articles/mce/2017/4/20/2-20-04-2017--15-20-30.png" alt="" /></a><span style="color: #000000;"><a class="thickbox" title="" href="/FileManager/Commons/2017/4/20/1-20-04-2017--15-20-19.png"></a><br /></span></p>
<p style="text-align: right;"><span style="color: #000000;">ប្រែសម្រួល ៖ គន្ធា</span></p>
<p style="text-align: right;"><br /><span style="color: #000000;">ប្រភព ៖ Channel News Asia</span></p>