<p><span style="color: #000000;"><strong>(ញូវហ្សឺលែន)៖</strong> អ្នកទេសចរម្នាក់នៅប្រទេសញូវហ្សឺលែន ត្រូវបានសមត្ថកិច្ចចាប់ខ្លួនបន្ទាប់ពីគេបានវាយបំផ្លាញស្លាកសញ្ញាចរាចរណ៍ នៅតាមដងផ្លូវព្រមទាំងគប់ដុំថ្មទៅលើអ្នកបើកបរផ្សេងទៀត ព្រោះតែខ្លួនមិនអាចសុំគេជិះដោយសារចេញទៅក្រៅក្រុងបាន។</span></p>
<p><span style="color: #000000;">ជនបង្កហេតុអាយុ២៧ឆ្នាំឈ្មោះ Cedric Claude Rene Rault-Verpre រស់នៅទឹកដីបារាំង ពេលនេះកំពុងប្រឈមនឹងការជាប់គុក៣ខែ ចំពោះទង្វើដែលគេបានបង្កឡើង ហើយរឿងនេះត្រូវបានប៉ូលីសនិយាយថា ដើមហេតុដំបូងគឺ Rault-Verpre បានចំណាយពេលអស់៤ថ្ងៃហើយ ដើម្បីរង់ចាំសុំអ្នកដំណើរបើកបរតាមផ្លូវធ្វើដំណើរទៅកាន់ Punakaiki តែគ្មានអ្នកឲ្យដោយសារទេទើបគេផ្ទុះកំហឹនៅអង្គុយសំកុកលើផ្លូវនោះទាញស្លាកសញ្ញាគ្រវែងចោលនិងរើសដុំថ្មគប់លើអ្នកដំណើរណាដែលមិនព្រមឲ្យខ្លួនសុំជិះដោយសារ។</span></p>
<p><span style="color: #000000;">មួយសន្ទុះក្រោយ ប៉ូលីសមកដល់ ទើបឃាត់ខ្លួនជននេះហើយគេនិយាយថា មិនដែលជួបប្រជាជនណាចិត្តអាក្រក់ ដូចនៅញូវហ្សឺលែននេះទេ ធ្លាប់តែឃើញនៅអាមេរិក៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/28/05a-28-09-2016--15-59-01.jpg"><img src="/FileManager/Articles/mce/2016/9/28/05a-28-09-2016--15-59-01.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>