<p><span style="color: #000000;"><strong>(ភ្នំពេញ)៖</strong> លោក ឡុង សុផាត សមាជិកសភាសភាសម្ព័ន្ធសហជីពជាតិកម្ពុជា (NACC) តំណាងលោក សោម អូន ប្រធាន NACC នៅថ្ងៃទី១៦ ខែធ្នូ ឆ្នាំ២០១៦នេះ បានដឹកនាំក្រុមការងារ នាំយកថវិការសប្បុរសធម៌ ដែលជាអំណោយរបស់លោកប្រធាន សោម អូន និងសមាជិកសមាជិការក្រុមប្រឹក្សាភិបាល NACC ឧបត្ថម្ភដល់ក្មេងស្រី ឈ្មោះ លន់ ថាលីកា អាយុ១៤ឆ្នាំ ដែលមានជំងឺមហារីកដុះដុំសាច់លើស្មាស្តាំ។</span></p>
<p><span style="color: #000000;">លោក ឡុង សុផាត បានឲ្យដឹងថា ក្មេងស្រី លន់ ថាលីកា មានម្តាយឈ្មោះ មុត ចន្ធី មានស្រុកកំណើតនៅភូមិស្ពឺ ឃុំស្ពឺ ស្រុកចំការលើ ខេត្តកំពង់ចាម បច្ចុប្បន្នបានប្តូរមករស់នៅភ្នំពេញ។</span></p>
<p><span style="color: #000000;">ក្រុមការងារបានឧបត្ថម្ភថវិកាដល់គាត់ សរុបចំនួន ១,២០០,០០០រៀល តែដោយមើលឃើញពីស្ថានភាពជំងឺ និងស្ថានភាពគ្រួសាររបស់គាត់កំពុងដុនដាប ដោយតែការព្យាបាលជំងឺ។</span></p>
<p><span style="color: #000000;">ជាមួយគ្នានេះ ក្រុមការងារ ក៏ដូចជាម្តាយក្មេងស្រីរងគ្រោះ បានអំពាវនាវជាថ្មីម្តងទៀត ដល់សប្បុរសជន ដែលជាសមាជិកក្រុមប្រឹក្សាភិបាល NACC រួមទាំងសប្បុរសជនជិតឆ្ងាយ មេត្តាបន្តចូលរួមឧបត្ថម្ភបន្ថែមទៀត ដល់ក្មេងស្រីខាងលើ តាមលទ្ធភាពរៀងៗខ្លួន។</span></p>
<p><span style="color: #000000;">កាលពីថ្ងៃម្សិលមិញ ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ ក៏បានឧបត្ថម្ភថវិកា ៥០ដុល្លារ ជូនក្មេងស្រីរងគ្រោះផងដែរ។</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-17-10-13-34-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-17-10-13-38-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>