<p><span style="color: #000000;"><strong>(ម៉ានីល)៖</strong> ក្រុមបាល់ទាត់ជម្រើសជាតិថៃ នឹងត្រូវប្រកួតបើកឆាកទល់នឹងក្រុមឥណ្ឌូនេស៊ី នាម៉ោង ១៥៖៣០នាទីបើកឆាកមុនគេ ក្នុងព្រឹត្តិការណ៍ពានរង្វាន់អាស៊ាន AFF Suzuki Cup 2016 លើកទី១១ ដែលមានប្រទេសហ្វីលីពីនធ្វើម្ចាស់ផ្ទះ សម្រាប់សន្សំពិន្ទុប្រចាំពូល A។</span></p>
<p><span style="color: #000000;">ថៃជាក្រុមលេខ១ ប្រចាំអាស៊ីអាគ្នេយ៍ ហើយក៏ជាក្រុមការពារតំណែងជើងឯកផងដែរ ដែលជាក្រុមខ្លាំងទាំងឈុតយុវជន និងឈុតធំដែលមានរហស្សនាមថា <strong>«ក្រុមដំរី»</strong> ត្រូវតតាំងស្វែងរក៣ពិន្ទុទល់នឹងក្រុមដែលទើបតែរួចផុតពីបម្រាម របស់សហព័ន្ធបាល់ទាត់ពិភពលោក FIFA។</span></p>
<p><span style="color: #000000;">ការប្រកួតដែលនឹងធ្វើឡើងនៅពហុកីឡដ្ឋាន Philippine Sports Stadium ស្ថិតក្នុងទីក្រុង Bocaue នៃប្រទេសហ្វីលីពីននាម៉ោង ១៦៖៣០នាទីល្ងាច ស្មើនឹងម៉ោង ១៥៖៣០នាទីរសៀល ម៉ោងនៅកម្ពុជាថ្ងៃសៅរ៍ ទី១៩ ខែវិច្ឆិកាស្អែកនេះ ក្នុងការប្រជែង យក៣ពិន្ទុនៅថ្ងៃបើកឆាក ដោយមានទូរទស្សន៍ក្នុងស្រុក BTV-News ផ្សាយបន្តផ្ទាល់ទាំង២ពូលតែម្តងគឺពូល A ប្រកួតនៅប្រទេសហ្វីលីពីន និងពូល B ប្រកួតនៅប្រទេសមីយ៉ាន់ម៉ា។</span></p>
<p><span style="color: #000000;">សម្រាប់ក្រុមគោព្រៃកម្ពុជា នឹងចាប់ផ្តើមប្រកួតនៅរសៀលម៉ោង ១៥៖៣០នាទី (ម៉ោងនៅកម្ពុជា) ត្រូវជួបក្រុមម៉ាឡេស៊ី វគ្គសន្សំពិន្ទុក្នុងពូល B ដែលធ្វើឡើងនៅប្រទេសមីយ៉ាន់ម៉ា ក្នុងនាមជាក្រុមដែលវគ្គជម្រុះ ក្នុងចំណោម៤ក្រុម មានជម្រើសជាតិឡាវ ប្រ៊ុយណេ ទីម័រខាងកើត និងម្ចាស់ផ្ទះកម្ពុជា យកតែ១ក្រុមទៅបង្រ្គប់ពូល B ដែលមាន៣ក្រុម កំពុងរង់ចាំស្រាប់នោះ៕</span></p>
<p><span style="color: #000000;"><img src="http://www.seagames2015.com/~/media/sea%20games/images/gallery/photo%20highlights%2013%20june/football_4.jpg?la=en" alt="" width="730" /></span></p>
<p><span style="color: #000000;">ក្រុមថៃ (ឯកសណ្ឋានពណ៌ខៀវ)</span></p>
<p><span style="color: #000000;"><img src="http://cdn0-a.production.liputan6.static6.com/medias/900346/big/093050400_1434203946-thaiina1.jpg" alt="" width="730" /></span></p>
<p><span style="color: #000000;">រូបភាពកាលជួបគ្នានាពេលកន្លងមក</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15094374_1806929839546533_7854380940277408747_n.png?oh=59cd6e0854bd30f9915d579ab0334ad8&oe=588B08A7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14980761_1806929856213198_4623584800671585806_n.png?oh=c3e6d712029e1a614f7cc7555ca2bc14&oe=588872CD" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpf1/v/t1.0-9/15056288_1806929799546537_5329120840537156551_n.jpg?oh=cdb4c1bd56b4af12b6b6aa45e80f1b2d&oe=58C88CED&__gda__=1490367698_ad67e045070202c9d528114d3139e36c" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>