<p><span style="color: #000000;"><strong>ឥណ្ឌា៖</strong> គ្រូពេទ្យម្នាក់មានការតក់ស្លុតជាខ្លាំង នៅពេលដែលគាត់បានឃើញកូនពស់ដ៏តូចមួយនៅក្នុងដបទឹក សុទ្ធរបស់ គាត់ដែលរៀបនឹងលើកផឹកទៅហើយ ខណៈដែលអ្នកគ្រូពេទ្យចូលរួមនៅក្នុងពិធីជប់លៀងមួយ ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/23/15-23-09-2015--10-46-33.jpg"><img src="/FileManager/Articles/mce/2015/9/23/15-23-09-2015--10-46-33.jpg" alt="" /></a><br /></span></p>
<p><span style="color: #000000;">ហេតុការណ៍នេះបានកើតឡើងនៅក្នុងពិធីជប់លៀង Bharatiya Janata ដែលរៀបចំឡើងដោយមន្ត្រីរបស់រដ្ឋាភិបាល នៅតំបន់ Chhattisgarh ប្រទេសឥណ្ឌា ។ អ្នកគ្រូពេទ្យដែលបានជួបរឿងដ៏រន្ធត់ចិត្តនេះស្ទើរតែមិនជឿទេថា ក្នុងដបទឹក សុទ្ធបែរជាមានកូនពស់នៅរស់កំពុងហែលរវើកធ្វើឲ្យនាងសឹងតែគាំងស្មារតីនិយាយលែងរួច ព្រោះវិះតែនឹងផឹកទឹកលេប ពស់នោះចូលក្នុងពោះទៅហើយ ។</span></p>
<p><span style="color: #000000;">ភ្ញៀវនៅក្នុងពិធីបាននាំគ្នាថតរូបពស់ដែលកំពុងហែលក្នុងដបទឹកមុនពេលដែលសន្តិសុខយកវាចេញឆ្ងាយហើយក្រុមហ៊ុនផលិតទឹកសុទ្ធដែលមានបញ្ហានេះត្រូវបានគេទាក់ទងឲ្យបំភ្លឺរឿងនេះផងដែរ ដោយខាងក្រុមហ៊ុនលើកឡើងថា ប្រហែលជាដបទឹកធ្លាយទើបកូនពស់ដ៏តូចនេះអាចលូនចូលរួច ហើយពួកគេក៏សុំអភ័យទោសចំពោះរឿងនេះដែរ ។</span></p>
<p><span style="color: #000000;">បន្ទាប់ពីកើតហេតុការណ៍នេះទឹកសុទ្ធនៅសល់ជាច្រើនដបទៀតត្រូវបានគេយកទៅបោះចោល ហើយរដ្ឋាភិបាលបាន បញ្ជាទៅក្រុមហ៊ុនផលិតទឹកសុទ្ធទាំងអស់ត្រូវធ្វើការត្រួតពិនិត្យគ្រប់ដបទឹករបស់ខ្លួនឲ្យបានត្រឹមត្រូវឡើងវិញ ចៀសវាងជួបហេតុការណ៍បែបនេះទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/23/16-23-09-2015--10-46-43.jpg"><img src="/FileManager/Articles/mce/2015/9/23/16-23-09-2015--10-46-43.jpg" alt="" /></a><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>