<p style="text-align: left;"><span style="color: #000000;"><strong>ភ្នំពេញ៖</strong> កាលពីថ្ងៃទី១៣ ខែកញ្ញា កន្លងទៅថ្មីៗនេះ គឺជាថ្ងៃខួបកំណើត របស់កំពូល តារាចម្រៀងល្បីឈ្មោះ ប្រចាំផលិតកម្មហង្សមាស កញ្ញា ឱក សុគន្ធកញ្ញា ដែលគេសង្កេតឃើញថា នាងត្រូវបានអ្នកគាំទ្រជាច្រើន បានរៀបចំកម្មវិធីជប់លៀង ឲ្យនាងយ៉ាងសប្បាយរីករាយ។ នៅក្នុងនោះឃើញវត្តមាន អ្នកគាំទ្រនាងម្នាក់ បានចំណាយថវិកាផ្ទាល់ខ្លួន កសាងអណ្តូងទឹក ឲ្យប្រជាពលរដ្ឋ ជួបប្រទះការខ្វះខាតទឹកប្រើប្រាស់ ដោយបានដាក់ឈ្មោះតារាស្រីរូបនេះ ទុកជាកាដូសម្រាប់ ថ្ងៃកំណើតនាងថែមទៀតផង។</span></p>
<p style="text-align: left;"><span style="color: #000000;">ជាទូទៅឲ្យតែដល់ ថ្ងៃខួបកំណើត របស់អ្នកសិល្បៈម្តងៗ គេសង្កេតឃើញថា អ្នកគាំទ្ររបស់ពួកគេ តែងតែរិះរក និងធ្វើអ្វីដែលថ្មីប្លែក សម្រាប់តារាក្នុងដួងចិត្តពួកគេ ជាប្រចាំមិនដែលដាច់ទេ ។ តួយ៉ាងដូចពេលថ្មីៗនេះ តារាចម្រៀងរូបស្រស់សោភា កញ្ញា ឱក សុគន្ធកញ្ញា ត្រូវបានអ្នកគាំទ្រនាងរៀបចំ កម្មវិធីជប់លៀងខួបកំណើត ក្រោយពីនាងបានបញ្ចប់ ការផ្សាយកម្មវិធី Cambodia idol កាលពីថ្ងៃអាទិត្យ កន្លងទៅថ្មីៗនេះ ។ នៅក្នុងនោះ នាងក៏ត្រូវបានអ្នកគាំទ្រឈ្មោះ “September” រៀបចំកាដូពិសេស បែបមនុស្សធម៌ ឲ្យនាងសម្រាប់ខួបកំណើត វ័យ២៨ឆ្នាំ ថែមទៀតផង ។</span></p>
<p style="text-align: left;"><span style="color: #000000;">តាមរយៈបណ្តាញទំនាក់ទំនងសង្គម Facebook របស់តារាចម្រៀងល្បីឈ្មោះ កញ្ញា ឱក សុគន្ធកញ្ញា បានសរសេរបង្ហោះថា «ក្រុមអ្នកគាំទ្ររបស់ ឱក សុគន្ធកញ្ញា ដែលមានឈ្មោះថា "September" បានចូលរួមវិភាគទាន កសាងអណ្តូងមួយ មានឈ្មោះថា"Kanha's Water" ក្នុងនាម ឱក សុគន្ធកញ្ញា នាឱកាសនៃពិធីខួបកំណើត ជូនទៅដល់ប្រជាជនខ្វះខាត នៅសហគមន៍ នៃខេត្តសៀមរាប ក្នុងប្រទេសកម្ពុជា ។ យើងខ្ញុំ សូមឲ្យប្រជាជនទាំងនោះ រស់នៅក្នុងបរិស្ថានស្អាត ដែលពួកគាត់អាចប្រើប្រាស់ នូវទឹកស្អាតជាមួយនឹងក្តីសង្ឃឹម ស្របជាមួយនឹងភាពសប្បាយរីករាយ» ។</span></p>
<p style="text-align: left;"><span style="color: #000000;">សម្រាប់កាដូពិសេស បែបមនុស្សធម៌ ដែលអ្នកគាំទ្រធ្វើឲ្យ កញ្ញា ឱក សុគន្ធកញ្ញា គឺជាកាដូលើកទី១ ហើយដែលនាងមានអ្នកគាំទ្រ បានចូលរួមសាងអំពើល្អហើយ ដាក់ឈ្មោះរបស់នាង ដែលជាតារាក្នុងដួងចិត្ត របស់ពួកគេជាតំណាង ៕</span></p>
<p style="text-align: left;"><span style="color: #000000;"><a class="thickbox" title="" href="/FileManager/Commons/2015/9/15/65-15-09-2015--15-04-56.jpg"><img src="/FileManager/Articles/mce/2015/9/15/65-15-09-2015--15-04-56.jpg" alt="" /></a></span></p>
<p style="text-align: left;"><a class="thickbox" title="" href="/FileManager/Commons/2015/9/15/66-15-09-2015--15-05-22.jpg"><img src="/FileManager/Articles/mce/2015/9/15/66-15-09-2015--15-05-22.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/9/15/65-15-09-2015--15-04-56.jpg"></a></span></p>
<p style="text-align: left;"><a class="thickbox" title="" href="/FileManager/Commons/2015/9/15/67-15-09-2015--15-05-32.jpg"><img src="/FileManager/Articles/mce/2015/9/15/67-15-09-2015--15-05-32.jpg" alt="" /></a></p>
<p style="text-align: left;"><a class="thickbox" title="" href="/FileManager/Commons/2015/9/15/68-15-09-2015--15-05-40.jpg"><img src="/FileManager/Articles/mce/2015/9/15/68-15-09-2015--15-05-40.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>