<p><span style="color: #000000;"><strong>ភ្នំពេញ៖</strong> តារាសម្ដែងស្រស់សង្ហា លោក ផែ សុផាន់ណា ត្រូវបានគេដឹងថា ជាតារាម្នាក់ក្នុងចំណោម តារាសម្ដែងជាច្រើនទៀត ហ៊ាននិយាយចំៗ ចំពោះការដាក់បញ្ចាំងរឿងភាគថៃ ក្នុងកញ្ចក់ទូរទស្សន៍ក្នុងប្រទេសកម្ពុជា និង បានបញ្ចេញប្រតិកម្មយ៉ាងខ្លាំង រហូតសារព័ត៌មានក្នុងស្រុកនានា បានចុះផ្សាយសម្ដីរបស់លោកព្រោងព្រាត ដើម្បីឲ្យក្រសួង ឬស្ថាប័នពាក់ព័ន្ធ មានវិធានការ។ ថ្មីៗនេះ តារាសម្ដែង ផែ សុផាន់ណា បានបង្ហាញវត្តមានសង្សារដ៏ស្រស់ស្អាតរបស់ខ្លួន ឲ្យមហាជនបានស្គាល់ ខណៈដែលស្រីស្រស់ជាគូស្នេហ៍ ជាមនុស្សម្នាក់ស្ថិតក្នុង ត្រកូលអ្នកមានទ្រព្យមធ្យម ទោះមិនមែនជាអ្នកសិល្បៈក្ដី។</span></p>
<p><span style="color: #000000;">តារាសម្ដែង ផែ សុផាន់ណា តែងតែលេចមុខ ជាហូរហែ ក្នុងការសម្ដែងបទ ចម្រៀងកាយវិកា របស់ផលិតកម្មចម្រៀងនានា ។ ក្នុងនោះគេឃើញលោក សម្ដែងឲ្យផលិតកម្មហង្សមាស ច្រើនបំផុត និងរឿងភាគខ្លះ ។ លោកមិនសូវល្បីល្បាញខ្លាំងរហូតឡើង ជាតារាសម្ដែងកំពូលនោះទេ ។</span></p>
<p><span style="color: #000000;">ថ្មីៗនេះ ទស្សនិកជនស្រីៗ អន់ចិត្តមិនតិចទេ ក្រោយពីលោក ផែ សុផាន់ណា បានបង្អួត គូស្នេហ៍នៅក្នុងបណ្ដាញសង្គម Facebook ថតរូបយ៉ាងកៀកកិត ដែលមិនមែនជារូបភាព បែបរោលរាលទេ ប៉ុន្តែក៏មានដូចជាថើបគ្នា ផងដែរ ធ្វើឲ្យអ្នកគាំទ្រលោក ដឹងថា ពេលនេះមានម្ចាស់បេះដូងហើយ មិនមែនទំនេរដូចមុនទេ។</span></p>
<p><span style="line-height: 1.8; color: #000000;">សង្សាររបស់លោក ផែ សុផាន់ណា ត្រូវបានគេស្គាល់ថា មានឈ្មោះក្នុងបណ្ដាញសង្គម «សាសា» មានអាយុម្ភៃ២៧ឆ្នាំ មានអាជីវកម្មផ្ទាល់ខ្លួន គឺលក់គ្រឿងសំអាងតាមអ៊ិនធើណែត តែមិនមែនជាកូនអ្នកមានស្តុកស្ដមណាម្នាក់ឡើយ ហើយរស់នៅក្នុងជីវភាព យ៉ាងសាមញ្ញបំផុត ។</span></p>
<p><span style="line-height: 1.8; color: #000000;">លោក ផែ សុផាន់ណា ថ្វីដ្បិតតែមិនល្បីល្បាញខ្លាំង តែលោកបានប្រើជីវិតយ៉ាងសាមញ្ញ ស្ទើរមិនគួរឲ្យជឿ ។ រាល់ល្ងាចពេលទំនេរពីការងារ គេឃើញលោក ជិះម៉ូតូអាសង់ ទៅលេងបាល់ ហើយគេចំណាំមុខលោកយ៉ាងច្បាស់ថា ជាតារាសម្ដែងមួយរូប ព្រោះលោកមិនសូវពាក់ម៉ាស ដូចតារាមួយចំនួនទេ ។ ទស្សនិកនៅតែសរសើរភាពក្លាហាន ចំពោះស្នេហ៍ស្មោះ ដែលលោកមានចំពោះគូស្នេហ៍ ដែលផ្ទុយពីតារាខ្លះ លាក់មុខលាក់ក្រោយ មិនហ៊ានបង្ហាញមហាជនឲ្យដឹងទេ ៕</span></p>
<p><span style="line-height: 1.8; color: #000000;"><a class="thickbox" title="" href="/FileManager/Commons/2015/9/22/60-22-09-2015--17-00-03.jpg"><img src="/FileManager/Articles/mce/2015/9/22/60-22-09-2015--17-00-03.jpg" alt="" /></a></span></p>
<p><a class="thickbox" title="" href="/FileManager/Commons/2015/9/22/61-22-09-2015--17-00-12.jpg"><img src="/FileManager/Articles/mce/2015/9/22/61-22-09-2015--17-00-12.jpg" alt="" /></a><span style="line-height: 1.8; color: #000000;"><a class="thickbox" title="" href="/FileManager/Commons/2015/9/22/60-22-09-2015--17-00-03.jpg"></a></span></p>
<p><a class="thickbox" title="" href="/FileManager/Commons/2015/9/22/62-22-09-2015--17-00-19.jpg"><img src="/FileManager/Articles/mce/2015/9/22/62-22-09-2015--17-00-19.jpg" alt="" /></a><span style="line-height: 1.8; color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>