<p><span style="color: #000000;"><strong>(ភ្នំពេញ)៖</strong> ដោយមានការអំពាវនាវនិងមើលឃើញពីក្តីអាណិតអាសូរខ្លាំងចំពោះកុមារីម្នាក់ដែលមានជំងឺមហារីកលើស្មាខាងស្តាំងទំងន់៥គីឡូក្រាមអតីតតារាសម្តែងលោក ខៃ ប្រសិទ្ធ ដែលបច្ចុប្បន្នកំពុងរស់នៅក្រៅប្រទេសបានបរិច្ចាកថវិកាផ្ទាល់ខ្លួនចំនួន៥០ម៉ឺនរៀលដើម្បីឧបត្ថម្ភជួយដល់កុមារី លន់ ផាលិកា តាមរយៈមូលនិធិសាវិនដើម្បីកុមារកម្ពុជា</span></p>
<p><span style="color: #000000;">បើតាមការបញ្ជាក់ឲ្យដឹងពីសំណាក់តារាសម្តែងប្រុសល្បីឈ្មោះលោក សាវិន ហ្វីលីព បានលើកឡើងថាតាងនាមលោកជាស្ថាបនិករបស់មូលនិធិសាវិនដើម្បីកុមារកាលពីព្រឹកថ្ងៃទី២១ ខែធ្នូ ឆ្នាំ២០១៦បានប្រគល់ថវិការចំនួន៥០ម៉ឺនរៀលដែលបានមកពីអតីតតារាសម្តែងល្បីឈ្មោះ ខៃ ប្រសិទ្ធ ជូនកុមារី លន់ ផាលិកា អាយុ ១៤ឆ្នាំ ដែលកើតជំងឺមហារីកដុះដុំសាច់លើស្មាស្ដាំមានទំងន់ចំនួន៥គីទ្បូក្រាម…</span></p>
<p><span style="color: #000000;">តារាប្រុសមានប្រជាប្រិយភាពលោក សាវិន ហ្វីលីព បានបន្ថែមថាលោក ខៃ ប្រសិទ្ធ ក៏មានបំនងចង់ជួយសំរាលថ្លៃវះកាត់របស់កុមារីនេះខ្លះប្រសិនបើក្រុមគ្រូពេទ្យអាចជួយយព្យាបាលជំងឺដ៏កាចសាហាវនេះបាន។ លោក ខៃ ប្រសិទ្ធ បានបង្ហាញអារម្មណ៍ខ្លោចផ្សារណាស់នៅពេលបានឃើញរូបភាពរបស់ប្អូនស្រី ផាលិកា ដែលបានបញ្ចូនទៅកាន់លោកតាមរយៈក្រុមការងាររបស់មូលនិធិសប្បុរសសាវិនដើម្បីកុមារ។</span></p>
<p><span style="color: #000000;">ដោយឡែកជាមួយគ្នានេះដែរតារាប្រុសលោក សាវិន ហ្វីលីព ក៏បានបង្ហាញពីក្តីអាណិតអាសូរដែរថា ខ្លួនខ្ញុំផ្ទាល់ពិតជាខ្លោចផ្សារក្នុងចិត្តណាស់ពេលបានឃើញផ្ទាល់ភ្នែកនូវការលំបាក និងភាពឈឺចាប់របស់កុមារីម្នាក់នេះ។ បច្ចុប្បន្នកុមារី ផាលិកា កំពុងសម្រាកព្យាបាលនៅមន្ទីរមិត្តភាពខ្មែសូវៀត អាគារមហារីកបន្ទប់លេខ១០៨ហើយបើមានសប្បុរសជនណាចង់ជួយឧបត្ថម្ភបន្តទៀតនោះគឺអាចទាក់ទងផ្ទាល់ទៅកាន់ម្ដាយកុមារី ផាលិកា តាមរយៈទូរសព្ឌ័លេខ ០៧០ ៧៣៩ ១៩៨។</span></p>
<p><span style="color: #000000;">សូមបញ្ជាក់ថាអតីតតារាភាពយន្តរូបសង្ហាដែលធ្លាប់មានឈ្មោះបោះសំឡេងមួយរូបក្នុងប្រទេសកម្ពុជាកាលពីអំឡុងទសវត្សឆ្នាំ៩០ លោក ខៃ ប្រសិទ្ធ បានចាកចេញពីទឹកដីកំណើតទៅរស់នៅប្រទេសអូស្ត្រាលីអស់រយៈពេលជាង១០ឆ្នាំមកហើយ។ក្នុងការផ្ញើរប្រាណលើទឹកដីស៊ីវីល័យមួយនេះលោកបានបញ្ចប់អាជីពសិល្បៈទាំងស្រុងហើយបច្ចុប្បន្នលោកប្រើការងារនៅក្នុងក្រុមហ៊ុនមួយនៅទីនោះផងដែរ៕</span></p>
<p><span style="color: #000000;"><img class="spotlight" src="https://scontent-kul1-1.xx.fbcdn.net/v/t1.0-9/15665795_1823799657859551_9100594964956535634_n.jpg?oh=92c0bbab64965bbc2a8776835055d53c&oe=58E0C322" alt="Image may contain: 3 people, people sitting and indoor" /></span></p>
<p><span style="color: #000000;"><img class="spotlight" src="https://fb-s-a-a.akamaihd.net/h-ak-xfl1/v/t1.0-9/15578816_1823799664526217_6401483035717952629_n.jpg?oh=86ccf26de66e9ef1b8a1aea571c8873f&oe=58AF6062&__gda__=1492565040_0d466f4685f7eb4aac11c8e8f1f075ef" alt="Image may contain: 3 people" /></span></p>
<p><span style="color: #000000;"><img class="spotlight" src="https://scontent-kul1-1.xx.fbcdn.net/v/t1.0-9/15542380_1823799704526213_3722706339333374272_n.jpg?oh=0a44383dbfb663e5d3f84eb03f085eae&oe=58F2164F" alt="Image may contain: 1 person, text" /></span></p>
<p><span style="color: #000000;"><img class="spotlight" src="https://scontent-kul1-1.xx.fbcdn.net/v/t1.0-9/15589891_1823799661192884_221837682852338847_n.jpg?oh=4f5fa9719192a7f0eef94c3190652008&oe=58DB414F" alt="Image may contain: 1 person, sunglasses and closeup" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>