<div class="article-content">
<p><strong>-ស្ថានភាពទឹកជំនន់ នៅក្រុងសៀមរាប កំពុងប្រឈមមុខ យ៉ាងខ្លាំង, អាជ្ញាធរខេត្ត អាច<br />ប្រកាសភាពអាសន្ន<br /></strong></p>
<p><strong>សៀមរាប ៖</strong> ចាប់ពីព្រលប់ថ្ងៃទី០៥ រហូតដល់ម៉ោង ២:០០ យប់រំលងអធ្រាត្រ ចូលថ្ងៃទី០៦ ខែ<br />តុលា ឆ្នាំ២០១៣ លោក ឃឹម ប៊ុនសុង អភិបាលខេត្តសៀមរាប បានបន្ដដឹកនាំកម្លាំង ចុះពិនិត្យ <br />និងបើកផ្លូវទឹក ទ្វារទឹក ដើម្បីរំដោះទឹកកុំឲ្យ ហូរចូលលិចក្រុងសៀមរាបជាពិសេស នៅទំបន់ទ្វារ<br />ទឹកតាកាវ ដែលបានបាក់ទំបន់ ធ្វើឲ្យជន់លិចលំនៅដ្ឋាន ផ្លូវថ្នល់ ផលដំណាំ កាលពីវេលាជាង<br />១០:០០នាទីយប់ថ្ងៃទី៥ ខែតុលា បណ្ដាលឲ្យប្រជាពលរដ្ឋដែលរស់នៅ តំបន់ជិតៗ ខាងប្រាសាទ<br />បាយ័ន ដូចជា នៅតំបន់ភូមិភាគ គោកចក ភូមិអង្គរក្រៅ ជាដើម បាននាំគ្នាដឹកជញ្ជូន ទ្រព្យសម្បត្តិ <br />សត្វពាហន: ជ្រូក មាន់ ទា ចេញមកទុកនៅតាមដងផ្លូវថ្នល់ និងទីទួលមួយចំនួននោះ ។</p>
<p>នៅវាលាម៉ោងប្រមាណជាង១០:០០នាទី យប់ថ្ងៃទី៥ ខែតុលា លោកអភិបានខេត្ត និងមានការចូល<br />រួមពី លោកអភិបាលរង នូ ផល្លា លោក ប៊ុន ថារិទ្ធិ អគ្គនាយកអាជ្ញាធរអប្សារា លោកឧត្តមសេនីយ៍<br />ទោ សត ណាឌី ស្នងការនគរបាល ខេត្តសៀមរាប មន្ត្រីមន្ទីរ អង្គភាពពាក់ព័ន្ធ កងកម្លាំងនគរបាល<br /> បងប្អូនប្រជាពលរដ្ឋ ជាច្រើននាក់បាននាំគ្នា ជួយបើកទ្វារទឹក នៅត្រពាំងខ្យង តាមបណ្ដោយផ្លូវវាង<br />តំបន់អង្គរ ដែលនៅជិតទំនប់̸ទ្វារទឹក តាកាវ នោះ គឺមានទ្វារទឹកសរុបចំនួន ៤ផ្ទាំង ដែលចំណាយ<br />ពេល ជាង ២ម៉ោង ទើបបើករួចរាល់ ដើម្បីបង្ហូរទឹកទៅចូលក្នុងបារាយណ៍ទឹកថ្លា ។</p>
<p>បន្ទាប់មកលោកអភិបាលខេត្ត បានដឹកនាំកម្លាំង ដើម្បីចុះពិនិត្យកម្ពស់ទឹក និងរៀបចំគ្រឿងចក្រ និង<br />កម្លាំង សម្រាប់រំដោះទឹកចេញពី បារាយណ៍ទឹកថ្លា បើក្នុងករណីចាំបាច់ និងក្នុងគ្រាអាសន្ន។ លោក<br />ប្រធានមន្ទីរធនធានទឹក និងឧតុនិយមខេត្តសៀមរាប បានពិនិត្យកម្ពស់ទឹក និងពន្យល់រៀបចំត្រៀម<br />ក្នុង កម្រិតខ្ពស់ សម្រាប់ក្នុងករណីប្រកាសអាសន្ន និងវិធីដោះស្រាយ ក្នុងការជីកបើកផ្លូវទឹក នៅលើ<br />ខ្នងទំនប់ នៃបារាយណ៍ទឹកថ្លា និងទីកន្លែង មួយចំនួនទៀតផងដែរ ។</p>
<p>លោកអភិបាលបានបន្ដនាំកម្លាំង ចុះពិនិត្យកម្ពស់ទឹកភ្លៀង ដែលដក់នៅតាមដងផ្លូវ និងកម្ពស់ទឹក<br />នៅស្ទឹងសៀមរាប រហូតដល់ម៉ោងជាង ២:០០ រំលងអធ្រាត្រ ។ ចំពោះកម្ពស់ទឹកស្ទឹងសៀមរាប <br />តាំងពីព្រលប់រហូតដល់ម៉ោងជាង ៣:០០ រំលងអធ្រាត្រ ថ្ងៃនេះ នៅតែហៀរចូលក្រុងជាបណ្ដើរៗ <br />នៅកន្លែងខ្លះ ខណ:ភ្លៀងបានបន្ដបង្អុរ កាលពីព្រលប់ និងប៉ុន្មានថ្ងៃកន្លងទៅនេះ ដែលធ្វើឲ្យទឹកដក់<br /> នៅតាមដងផ្លូវ ថ្នល់ សាលារៀន លំនៅដ្ឋាន និងទីតាំងមួយចំនួន ហើយលូប្រឡាយផ្លូវទឹក មួយ<br />ចំនួនបាន បើកទឹកកុំឲ្យកកស្ទះហើយនោះ។</p>
<p>ប៉ុន្មានថ្ងៃនេះ អាជ្ញាធរខេត្ត បានដឹកនាំមន្ត្រី នៃមន្ទីរ អង្គភាព ស្ថាប័ន អាជ្ញាធរ និងវិស័យឯកជនពាក់<br />ព័ន្ធ ដើម្បីចុះពិនិត្យ និងរៀបចំបើកផ្លូវទឹក ស្ដារលូ ដែលបង្ករការកកស្ទះផ្លូវទឹក តាមបណ្ដោយផ្លូវ និង<br />ទីកន្លែង មួយចំនួន នៅក្នុងទីប្រជុំជនក្រុង ។ ចំណែក នៅឯសាលាបឋមសិក្សា វត្តគងម៉ុច ជិតស្ពាន<br />ក្រវាត់ក្រុង លោកអភិបាលខេត្តបានដឹកនាំឲ្យបើកផ្លូវទឹក ដើម្បីបង្ហូរ និងបន្ធូរទឹកពីស្ទឹងសៀមរាប ផង<br />ដែរ ។</p>
<p>ទោះជាយ៉ាងណាដោយ អំណាចនៃទឹកភ្លៀងដែលបង្អុរជាប់ៗគ្នា នៅប៉ុន្មានថ្ងៃនេះ បានធ្វើឲ្យទឹកស្ទឹង<br />នៅឡើងប៉ប្រាសៗមាត់ស្ទឹង និងនៅតាមបណ្ដោយមាត់ស្ទឹង ចាប់ពីខាងលើតំបន់ផ្សារចាស់ រង្វង់មូល<br />ផ្លូវទៅភ្នំក្រោម ខាងមុខសណ្ឋាគារតាព្រហ្ម និងតាមបណ្ដោយមាត់ស្ទឹង ចាប់ពីខាងក្រោមអាងក្រពើ<br /> រហូតដល់ អារ៉ាញ់ចុងស្រុក សង្កាត់សៀមរាប ក្រុងសៀមរាប (ផ្លូវទៅភ្នំក្រោយ) ដែលមានចម្ងាយប្រ<br />មាណ ៤ ទៅ ៥គីឡូម៉ែត្រ ត្រូវបានទឹកហៀរចូលជាបណ្ដើរៗ រហូតដល់កន្លែងខ្លះមានកម្ពស់ជិតកន្លះ<br />ម៉ែត្រនៅលើផ្លូវ ដែលធ្វើឲ្យទឹកចូលផ្ទះ ភូមិដ្ឋាន និងលិចផលដំណាំមួយចំនួនផងដែរ ។</p>
<p>ចំណែកឯនៅតាមបណ្ដោយ ផ្លូវជាតិលេខ៦ ចាប់ពីម្ដុំភូមិគ្រួស ភូមិវប្បធម៌ រហូតដល់រង្វង់មូលជ័យវរ្ម័ន<br />ទី៧ គឺរង្វង់មូលនៃផ្លូវបំបែក ទៅព្រលានយន្តហោះ អន្តរជាតិសៀមរាប នៅយប់ថ្ងៃទី០៥ ខែតុលា ទឹក<br />នៅដក់តាមផ្លូវ ហើយម្ដុំជិតទៅដល់ផ្សារពួក ស្រុកពួក គឺជិតទៅដល់ អនុវិទ្យាល័យ ទៀ បាញ់ ស្រុក<br />ពួក ត្រូវបានទឹកហូរឆ្លងកាត់ផ្លូវផងដែរ ។ ទឹកដែលហូរ និងទឹកដក់នៅលើដងផ្លូវទាំងនោះ វាបណ្ដាល<br />ឲ្យប៉ះពាល់ក្នុងការពិបាក ធ្វើដំណើរផង និងផ្លូវ ក៏ដូចជាចិញ្ចើមផ្លូវ មួយចំនួន ត្រូវបានហូរច្រោះ និង<br />ខូចផ្លូវផង ។</p>
<p>ចំណែក កាលពីព្រលប់ថ្ងៃទី០៥ ខែតុលា ភ្លៀងបានបង្អុរមួយមេធំផងដែរ តែលុះដល់ម៉ោងជាង ៧:០០<br /> ទើបរាំងរហូត ដល់ម៉ោងជាង ៣:០០រំលងអធ្រាត្រនេះ នៅក្រុងសៀមរាប។ តែស្ថានភាពទឹកស្ទឹងហាក់<br />នៅបន្ដហូរចូលតាមដងផ្លូវថ្នល់មួយចំនួន ដែលនៅតាមបណ្ដោយ ដងស្ទឹងដដែល ។ ចំពោះនៅតំបន់<br />ដែលជន់លិចនៅជិតតំបន់ប្រាសាទបាយ័ន នោះ ប្រជាពលរដ្ឋបានឲ្យដឹងថា នៅវេលា ម៉ោង ៣:០០<br />រំលងអធ្រាត្រនេះ បានស្រកទៅវិញជាបណ្ដើរៗហើយ បន្ទាប់ពីបានបើកទ្វារទឹក នៅត្រពាំងខ្យងនោះ<br />រូចមក ។</p>
<p>ជាមួយគ្នានេះ ស្ថានភាពចុងក្រោយ អំពីទឹកជំនន់ នៅក្រុងសៀមរាប កំពុងប្រឈមមុខយ៉ាងខ្លាំង <br />ដោយសារតែទឹកដែលត្រូវបង្ហូរចូលបារាយណ៍ ត្រូវចាល់ ហើយកំពុងហូរចេញមកវិញចូលក្រុង<br />សៀមរាបវិញ។ អាជ្ញាធរខេត្តអាចនឹងប្រកាសភាពអាសន្ន ដល់ប្រជាពលរដ្ឋ ចំពោះស្ថានភាពបែប<br />នេះ៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0154.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0155.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0156.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0157.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0158.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0159.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0160.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0161.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0162.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0163.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>