<p><span style="color: #000000;"><strong>(ភ្នំពេញ)៖</strong> នគរបាលព្រហ្មទណ្ឌក្រសួងមហាផ្ទៃ នៅព្រឹកថ្ងៃទី៦ ខែមេសា ឆ្នាំ២០១៦ បានបញ្ចូនបុរសម្នាក់មកតុលាការ ដើម្បីសាកសួរករណីរំលោភលើទំនុកចិត្ត លួចលក់អចលនវត្ថុអ្នកដទៃ បទក្លែងលិខិតសាធារណៈ និងបទ ប្រើលិខិតសាធារណៈក្លែង ប្រយោជន៍ស៊ីដាច់ដី របស់ម្ដាយក្មេកតម្លៃជិត១លានដុល្លារ។</span></p>
<p><span style="color: #000000;">សមត្ថកិច្ច បានឲ្យដឹងថា បុរសរូបនេះឈ្មោះ ប៉ម សុផា អាយុ៥០ឆ្នាំ មានទីលំនៅផ្ទះលេខ៣៣២ ផ្លូវលេខ៣៧១ ភូមិត្នោតជ្រុំ សង្កាត់បឹងទំពុន ខណ្ឌមានជ័យ ត្រូវបានម្ដាយបង្កើត និងម្ដាយក្មេក ឈ្មោះ អ៊ុត អឿន អាយុ៧៧ឆ្នាំនិងឈ្មោះ សាង ង៉ែត ភេទប្រុស អាយុ៥៧ឆ្នាំ ប្ដឹងចោទពីបទ រំលោភលើទំនុកចិត្ត បទលួចលក់អចលនវត្ថុអ្នកដទៃ បទក្លែងលិខិតសាធារណៈ និងបទ ប្រើលិខិតសាធារណៈក្លែង។</span></p>
<p><span style="color: #000000;">ប្រភពព័ត៌មាន បញ្ជាក់ថា កាលពីឆ្នាំ ១៩៩៤ និងឆ្នាំ២០០២ ដើមបណ្ដឹងបានចូលលុយគ្នាទិញដីទំហំ១១៥ម៉ែត្រគុណនឹង១១០ម៉ែត្រ ស្ថិតក្នុងភូមិខ្វា សង្កាត់ដង្កោ ខណ្ឌដង្កោ ជាអតីតភូមិត្នោតជ្រុំ សង្កាត់ បឹងទំពុន។ ក្រោយមក ក្នុងអំឡុងឆ្នាំ២០១៥ ដើមបណ្ដឹងបានឲ្យកូនប្រសារឈ្មោះ ប៉ម សុផា និងកូនបង្កើតឈ្មោះ សាង សេរី ជួយរកម៉ូយលក់ដីនេះ។</span></p>
<p><span style="color: #000000;">លុះមកដល់ចុងខែធ្នូ២០១៥ ស្រាប់តែកូនប្រសារនិងកូនបង្កើតលួចលក់ដីនោះក្នុងតំលៃជិត១លានដុល្លារយកប្រាក់ ធ្វើជាប្រយោជផ្ទាល់ខ្លួន មិនប្រគល់អោយដើមបណ្ដឹងនោះទេ។</span></p>
<p><span style="color: #000000;">បន្ទាប់ពីដឹងរឿងនេះ ដើមបណ្ដឹង បានស្រាវជ្រាវនៅសាលាសង្កាត់បឹងទំពុន ដោយរកឃើញលិខិតផ្ទេរសិទ្ធិដីនិងផ្ទះលេខ ០២៣/២០០៣ ចុះថ្ងៃទី០៩ កុម្ភៈ ឆ្នាំ ២០០៣ ពីឈ្មោះ អ៊ុត អឿន ទៅឲ្យឈ្មោះ ប៉ម សុផា និងឈ្មោះ សាង សេរី លើដីទំហំ ១៧៣ម៉ែត្រគុណនឹង១២០ម៉ែត្រ ស្ថិតក្នុងភូមិត្នោតជ្រុំ សង្កាត់បឹងទំពុន ដែលបច្ចុប្បន្នភូមិខ្វា សង្កាត់ដង្កោ ខណ្ឌដង្កោ ដែលលិខិតនេះបានក្លែងស្នាមមេដៃស្ដាំរបស់ដើមបណ្ដឹងនិងក្លែងស្នាមមេដៃស្ដាំមេភូមិឈ្មោះ ឃឹម វ៉ាន់ ធ្វើជាសាក្សី។ ប៉ុន្តែមេភូមិបានចេញលិខិតបដិសេធថាស្នាមមេដៃ ហើយថែមទាំងបានបញ្ជាក់ថាយាយ អ៊ុត អឿន មិនបានផ្ទេសិទ្ធិកាន់កាប់ដីនោះទេ។ ប៉ុន្តែឈ្មោះ ប៉ម សុផា និងឈ្មោះ សាង សេរី បានក្លែងឯកសារផ្ទេរសិទ្ធិ។</span></p>
<p><span style="color: #000000;">ដោយសារមានអំពើទុច្ចរិតនេះ ហើយទើបដើមបណ្ដឹងប្ដឹងឲ្យចាប់ខ្លួន កូនប្រសារតែម្ដង។ ទោះបីយ៉ាងណា រហូតដល់ទល់ពេលនេះ តុលាការពុំទាន់សម្រេចយ៉ាងណានៅឡើយទេ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/6/14-06-04-2016--13-34-25.jpg"><img src="/FileManager/Articles/mce/2016/4/6/14-06-04-2016--13-34-25.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>