<div class="article-content">
<p class="msg Nth"><strong>ភ្នំពេញ៖</strong>មន្រ្តីអង្គភាពប្រឆាំង អំពើពុករលួយ នៅរសៀលថ្ងៃចន្ទ ទី៣ ខែមិថុនា នេះ បានធ្វើសន្និ<br />សីទសារ ព័ត៌មាន ទាក់ទងនឹងករណីឆបោក ដែលប្រព្រឹត្តឡើងដោយមន្រ្តី សាធារណៈចំនួន២រូប<br /> ដែល បំរើការ នៅក្នុង ក្រសួង មហាផ្ទៃ និងក្រសួងយុត្តិធម៌ នៅអង្គភាព ប្រឆាំងអំពើពុករលួយ។</p>
<p>លោក នួន សុធិមន្ត ប្រធាននាយកដ្ឋានកិច្ចការ គតិយុត្ត ពាក្យបណ្តឹង និងអន្តរជាតិ នៃអង្គភាព<br />ប្រឆាំង អំពើពុក រលួយ បានឲ្យដឹងថា អង្គភាពប្រឆាំង អំពើពុករលួយ នៅថ្ងៃសៅរ៍ ទី១ ខែមិថុនា<br /> ឆ្នាំ២០១៣នេះ បានចាប់បញ្ជូន ជនសង្ស័យចំនួន២នាក់ ឈ្មោះ នួន សារ៉ាត មន្រ្តីនៃនាយកដ្ឋាន<br />រដ្ឋប្បវេណី ក្រសួងយុត្តិធម៌ និងឈ្មោះ កែវ សុផល ជាមន្រ្តីនគរបាល នាយកដ្ឋានបេតិកភ័ណ្ឌ <br />ក្រសួងមហាផ្ទៃ ទៅសាលាដំបូង រាជធានីភ្នំពេញ ពាក់ព័ន្ធ នឹងករណីឆបោក ប្រាក់ចំនួន ២.៥០០<br />ដុល្លារអាមេរិក ដោយប្រើប្រាស់ឈ្មោះ អង្គភាពប្រឆាំង អំពើពុករលួយ។</p>
<p>លោក នួន សុធិមន្ត បានបន្តថា"នៅថ្ងៃទី៦ ខែមិថុនា ឆ្នាំ២០១២ អង្គភាពប្រឆាំងអំពើពុក រលួយ <br />បាន ទទួលនូវ បណ្តឹងរបស់ឈ្មោះ សាន យេន ភេទស្រី អាយុ៣៥ឆ្នាំ មានមុខរបរជាកសិករ ហើយ<br />សព្វថ្ងៃរស់ នៅក្នុងភូមិតេជោ ជ្រៃបាក់ ឃុំតេជោអភិវឌ្ឍ ស្រុកឈូក ខេត្តកំពត ដែលបានប្តឹងឈ្មោះ <br />នួន សារ៉ាត និងឈ្មោះ កែវ សុផល ថា បានឆបោកប្រាក់របស់ គាត់ចំនួន២.៥០០ ដុល្លារ សហរដ្ឋ<br />អាមេរិក ដើម្បីរត់ការដោះលែង ឲ្យនៅក្រៅឃុំនូវបង ប្អូនរបស់គាត់ឈ្មោះ ឃ្លោក វ៉ៃ ភេទស្រី ពីមន្ទីរ<br />អប់រំកែប្រែព្រៃស"។</p>
<p>លោក នួន សុធិមន្ត បានបន្តទៀតថា អង្គភាពប្រឆាំង អំពើពុករលួយ បានទទួលពាក្យបណ្តឹង ចំនួន<br /> ៣ ពាក់ព័ន្ធ នឹងជនសង្ស័យខាងលើ។ ក្រោយពីទទួលបាន ការអនុញ្ញាតឲ្យបើកការស៊ើបអង្កេតបឋម<br /> ពីតំណាងអយ្យការ អមសាលាដំបូង រាជធានីភ្នំពេញរួចមក អង្គភាពប្រឆាំង អំពើពុករលួយ បានធ្វើ<br />ការស្តាប់ចម្លើយសាក្សី ដើមបណ្តឹង និងជនសង្ស័យ ទាំងពីរនាក់ខាងលើ ជាលទ្ធផលអង្គភាពប្រឆាំង<br />អំពើពុករលួយបានរកឃើញថា ជនសង្ស័យទាំងពីរនាក់ខាងលើ ជាប់ពាក់ព័ន្ធនឹងការប្រើប្រាស់ឈ្មោះ<br /> អង្គភាពប្រឆាំងអំពើពុករលួយ ដើម្បីឆបោក ប្រាក់ពីប្រជាពលរដ្ឋ រស់នៅភូមិតេជោជ្រៃបាក់ ឃុំតេជោ<br />អភិវឌ្ឍ ស្រុកឈូក ខេត្តកំពត ក្នុងការរត់ការដោះលែងជនជាប់ចោទ ឈ្មោះ ឃ្លោក វ៉ែ ភេទស្រី ដែល<br />ត្រូវសាលាដំបូងរាជធានីភ្នំពេញ ឃុំខ្លួនបណ្តោះអាសន្ន នៅ ពន្ធនាគារព្រៃស។</p>
<p>លោក នួន សុធិមន្ត បានបញ្ជាក់ថា យើងអាចកំណត់ធាតុផ្សំ នៃបទល្មើសឆបោកតាមមាត្រា ៣៧៧, <br />មាត្រា ៣៧៨ ,មាត្រា៣៨០ និងមាត្រា២៦ នៃក្រមព្រហ្មទណ្ឌ។</p>
<p>បើតាម លោក នួន សុធិមន្ត ជនសង្ស័យទាំងពីរ កំពុងដាក់ឲ្យឋិតនៅក្រោមការត្រួតពិនិត្យពីបទល្មើស<br />ឆបោក មានស្ថានទម្ងន់ ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០១២ ដែលបទល្មើសនេះដែល<br />មានបញ្ញត្តិ ឲ្យ ផ្តន្ទាទោសតាមមាត្រា៣៧៧, មាត្រា ៣៨០ នៃក្រមព្រហ្មទណ្ឌ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-078/Lay-023.jpg" alt="Photo by DAP-News" width="400" /></p>
<p style="text-align: center;"><strong>ឈ្មោះ នួន សារ៉ាត</strong></p>
<p style="text-align: center;"><img src="http://image.dap-news.com:81/dap-news/dap-images/2013/June/id-078/Lay-024.jpg" alt="Photo by DAP-News" width="400" /></p>
<p style="text-align: center;"><strong>ឈ្មោះ កែវ សុផល</strong></p>
<p style="text-align: right;">ផ្តល់សិទ្ធិដោយ៖ ដើមអំពិល<strong><br /></strong></p>
</div>