<p><span style="color: #000000;"><strong>(ព្រះសីហនុ)៖</strong> ដូចការជូនដំណឹងកាលពីម្សិលមិញ នៅព្រឹកថ្ងៃទី១៩ ខែឧសភា ឆ្នាំ២០១៦នេះ អាជ្ញាធរមកពីស្ថាប័នពាក់ព័ន្ធក្នុងខេត្តព្រះសីហនុ បានយកថវិកាទទួលបានពីការលក់ឡៃឡុងទ្រព្យសម្បត្តិក្នុងរោងចក្រ GALEY GLOBAL CAMBODIA CO., LTD (GGC) ជាង ៦ម៉ឺនដុល្លារ យកទៅបើកប្រាក់ឈ្នួលជូនកម្មករចំនួន ៨៦៧នាក់ បន្ទាប់ពីថៅកែរបស់ពួកគេជាជនជាតិអាមេរិក បានរត់គេចខ្លួនបាត់។</span></p>
<p><span style="color: #000000;">សមាសភាពអ្នកចូលរួមបើកប្រាក់ឈ្នួលជូនកម្មករ និយោជិត ដែលត្រូវថៅកែរត់ចោលនេះរួមមាន៖ តំណាងក្រសួងការងារ និង បណ្តុះបណ្តាលវិជ្ជាជីវៈ តំណាងសាលាខេត្តព្រះសីហនុ តំណាងរដ្ឋបាលតំបន់ CDC តំណាងក្រសួងពាណិជ្ជកម្ម តំណាងការិយាល័យគយ និង រដ្ឋាករប្រចាំរដ្ឋបាលតំបន់ តំណាងការិយាល័យកាំកុងត្រូលប្រចាំរដ្ឋបាលតំបន់ គណនេយ្យរោងចក្រ GGC រដ្ឋបាលរោចក្រ GGC និង តំណាង SSEZ។</span></p>
<p><span style="color: #000000;">លោក យ៉ូវ ខេមរា ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តព្រះសីហនុ បានឲ្យដឹងថា កម្មករ និយោជិត ដែលបើកប្រាក់ឈ្នួលនា ព្រឹកនេះ មានចំនួន ៨៦៧នាក់ ហើយក្នុងម្នាក់ៗទទួលបានប្រាក់ ៧១ដុល្លារស្មើៗគ្នា។ ដោយឡែកប្រាក់ឈ្នួល ដែលនៅខ្វះ រួមទាំងប្រាក់អត្ថប្រយោជន៍ផ្សេងៗទៀត របស់កម្មករនិយោជិត មន្ទីរ និងគណៈកម្មការចំម្រុះ នឹងបន្តខិតខំដោះស្រាយតាមនីតិវិធីជាធរមានជាមួយរោងចក្រ GGC ដែលមានថៅកែជាជនជាតិអាមេរិក។</span></p>
<p><span style="color: #000000;">សូមបញ្ជាក់ថា អាជ្ញាធរខេត្តព្រះសីហនុ បានសម្រេចលក់ឡៃឡុងអចលនទ្រព្យនៅក្នុងរោងចក្រ GGC ដើម្បីបើកប្រាក់ឈ្នួលជូនកម្មករ និយោជិត ដោះស្រាយផលលំបាកក្នុងជីវភាពរបស់កម្មករ និយោជិត។ ប្រាក់ទទួលបានពីការលក់ឡៃឡុងអចលនទ្រព្យក្នុងរោងចក្រនេះ មានចំនួន ៦១,០០០ដុល្លារអាមេរិក៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-19-11-29-00-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-19-11-29-00-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-19-11-29-00-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-19-11-29-00-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>