<p><span style="color: #000000;">សូម្បីតែពេល iPhone បានបិទទៅហើយក៏ដោយ ក៏អ្នកនឹងនៅតែអាចស្វែងរកទូរស័ព្ទឃើញវិញ តាមវិធីដ៏ងាយស្រួលមួយ។</span></p>
<p><span style="color: #000000;">តាំងពីដើមរៀងមក Apple នៅតែធ្វើការបំពាក់នូវ Feature Find My Phone នៅលើបណ្តាឧបករណ៍របស់ខ្លួន ដូចជាវិធានការមួយដើម្បីឲ្យអ្នកប្រើប្រាស់អាចស្វែងរក iPhone របស់ខ្លួនឃើញវិញ នៅ ពេលវង្វេងដៃបាត់ ឬត្រូវចោរលួចឆក់។ ជាក់ស្តែង Feature នេះ អាចនឹងត្រូវពួកចោរលួចឆក់ ធ្វើឲ្យគ្មានន័យខ្លឹមសារអ្វីទៀតទាំងស្រុងបាន តាមរបៀបដ៏ងាយស្រួលមួយ។</span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/11/8/photo-0-1478577320752-08-11-2016--17-21-31.jpg"><img src="http://camnews.com.kh/FileManager/Articles/mce/2016/11/8/photo-0-1478577320752-08-11-2016--17-21-31.jpg" alt="" /></a><br /></span></p>
<p><span style="color: #000000;">ដូច្នេះហើយ Apple បានស្វែងរកវិធីដើម្បីធ្វើឲ្យប្រសើរឡើងនូវ Feature Find My iPhone ដែលជួយឲ្យ អ្នកនៅតែអាចស្វែងរកឃើញទូរស័ព្ទ iPhone របស់ខ្លួនវិញ ពេលដែលមិនបានតភ្ជាប់ Network ឬក៏បិទទូរស័ព្ទចោលហើយក៏ដោយ។ តាមរយះបច្ចេកវិទ្យានេះ Apple នឹងធ្វើឲ្យបណ្តាពួកចោរលួចចោរឆក់ នឹងលែងនឹកឃើញ ចង់បានទូរស័ព្ទ iPhone របស់អ្នកតទៅទៀត។</span></p>
<p><span style="color: #000000;">បច្ចេកវិទ្យាថ្មីនេះត្រូវបាន CNBC រកឃើញតាមរយះប័ណ្ណប៉ាតង់ថ្មីមួយរបស់ Apple។ វាអនុញ្ញាតឲ្យ iPhone មួយគ្រឿង ដែលបានបិទទូរស័ព្ទទៅហើយ ក៏នៅតែអាចផ្ញើទិន្នន័យទីតាំង ដល់ម្ចាស់ទូរស័ព្ទបានដែរ។ រឿងនេះកើតឡើងយ៉ាងស្ងៀមស្ងាត់ និងមិនមានលេចចេញនូវសញ្ញាណណាមួយ ដែលធ្វើឲ្យពួកចោរឆក់លួច អាចនឹងដឹងខ្លួននោះឡើយ។</span></p>
<p><span style="color: #000000;">លក្ខខណ្ឌតែមួយគត់ដែលត្រូវការ គឺបណ្តាញទូរស័ព្ទចល័ត ហើយនិងធ្វើការជ្រើសរើសជាមុន នូវវិធីសាស្រ្តផ្ញើទិន្នន័យ ដោយអ្នកអាចជ្រើសរើសយកវិធីសាស្រ្តផ្ញើតាមរយះ SMS, Email ឬវិធីផ្សេងៗមួយចំនួនទៀត។ វានឹងផ្ញើទិន្នន័យជាច្រើនលើកដល់ម្ចាស់ទូរស័ព្ទ ក្នុងរយះពេល មួយដែលបានកំណត់ទុកជាមុន រហូតដល់ពេលម្ចាស់ ស្វែងរកទូរស័ព្ទ iPhone របស់ខ្លួនឃើញវិញ។</span></p>
<p><span style="color: #000000;">ប័ណ្ណប៉ាតង់ដែល Apple ទើបតែចុះឈ្មោះនេះមានឈ្មោះថា “បច្ចេកវិទ្យា និងវិធីសាស្រ្តដើម្បីកំណត់ទីតាំងឧបករណ៍ចល័តមួយ បន្ទាប់ពីបិទឧបករណ៍”។ ប័ណ្ណប៉ាតង់នេះ Apple បានសុំធ្វើការចុះឈ្មោះ កាលពីថ្ងៃទី៦ខែឧសភា កន្លងទៅ និងត្រូវបានប្រកាសជាផ្លូវការកាលពីថ្ងៃម្សិលមិញនេះ។ ជាក់ស្តែង យើងនៅមិនទាន់ដឹងច្បាស់ថា ពេលណាទើប Apple នាំយកបច្ចេកវិទ្យាថ្មីនេះ ដាក់ចូលបណ្តាឧបករណ៍របស់ខ្លួន នោះទេ៕</span></p>
<p><span style="color: #000000;"><span style="color: #000000;"><span style="color: #000000;"><a href="http://camnews.com.kh/News/Detail/40933/apple-will-add-color-jet-white-for-iphone-7-and-7-plus"><span style="color: #0000ff;"><em>- Apple នឹងមានបន្ថែមពណ៌ សភ្លឺរលោង (Jet White) ដល់ iPhone 7 និង 7 Plus?</em></span></a></span></span><a href="http://camnews.com.kh/News/Detail/12159/huawei-will-launch-smartphone-with-screens-accounted-for-100-of-the-front-on-14-november"><span style="color: #0000ff;"><em><br /></em></span></a><a href="/News/Detail/47282/samsung-buy-us-newspaper-ads-to-apologize-for-galaxy-note-7"><span style="color: #0000ff;"><em>- Samsung បានទិញពាណិជ្ជកម្មនៅលើ សារព័ត៌មានធំៗបំផុត នៅអាមេរិច ដើម្បីធ្វើការសុំទោស ស្តីពី Galaxy Note 7</em></span></a><br /></span></p>
<p><span style="color: #000000;"><br /></span></p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ BGR, Genk</em></p>