<p style="text-align: justify;">កុមារកម្ពុជា ដែលបានបញ្ចប់ការសិក្សាត្រឹមថ្នាក់ទី៩ នឹងបានស្គាល់ទីតាំងភូមិសាស្រ្តនេះយ៉ាង<br />ច្បាស់ គឺទឹកជ្រោះល្បាក់ខោន ស្ថិតនៅភាគខាងជើងប្រទេសកម្ពុជា។ ពួកគេដឹងថា នេះគឺជា<br />តំបន់មួយ ដែលទន្លេមេគង្គហូរ ឆ្លងកាត់ចុះមកមានកំពស់ ២៦មចេញពីខ្ពង់រាប ជាប់ព្រំដែន<br />ប្រទេសកម្ពុជា និង សាធារណរដ្ឋឡាវ។ តែទោះបីជាយ៉ាងណា ក៏ដោយ ក៏មនុស្សភាគច្រើន<br />ប្រហែលជាមិនសូវបាន ទៅទស្សនានៅតំបន់នោះទេ។</p>
<p style="text-align: justify;">នៅក្នុងរដូវភ្លៀងនៅពេលដែលទឹកទន្លេចាប់ផ្តើមឡើងពេញប្រៀបមាត់ច្រាំងដោយទំហំទឹកធំ <br />និង ល្បឿនកាន់តែខ្លាំងនោះ បានបង្កើត ឲ្យមានទស្សនីយភាព កាន់តែស្រស់ស្អាត គួរជាទី<br />គយគន់ជា មួយផ្សែងអ័ព្វដែលបានផុសចេញពី ទឹកដែលកំពុងធ្លាក់។ ចំណែកឯ នៅក្នុងរដូវ<br />ប្រាំងវិញ ទឹកក៏ចាប់ ផ្តើមចុះស្រក បាននាំឲ្យទីនេះលេចចេញ នូវទេសភាពល្អត្រកាល ប្រែ</p>
<p style="text-align: justify;">ក្លាយជាវាល ដែលរំលេច ដោយថ្មពណ៌ក្រហម ខ្មៅ និងស។ តែភ្ញៀវទេសចរ ដែលបានទៅ<br />លេងនៅទីនោះ ក៏ត្រូវប្រយ័ត្ន នឹងដុំថ្មស្រួចៗ រដិបរដុប ដែលនៅទីនោះផងដែរ។ ចំណែក<br />លោកកាំ ពួយបាននិយាយថាខាងពីមុនទីនេះពុំសូវមានភ្ញៀវទេសចរមកទស្សនាទេ ពីព្រោះ<br />ការធ្វើដំណើរតាមទូកបានជូបការលំបាក ដោយត្រូវប្រឈមមុខ នឹងគ្រោះថ្នាក់ ដោយសារ<br />បុក នឹងរបាំងថ្មធំៗដែលនៅក្នុងទន្លេ។</p>
<p style="text-align: justify;">ដូចគ្នានេះដែរ អ្នកស្រុករស់នៅតំបន់នេះបាននិយាយថា ភ្ញៀវទេសចរ មិនហ៊ានជិះទូកមកទី<br /> នេះទេ ព្រោះខ្លាចបុកនឹងរបាំងថ្ម និង ខ្លាចទឹក ដែលមានល្បឿនខ្លាំងនៅទីនេះកួចយកទៅ <br />ហើយមានតែអ្នកដែលរស់នៅទីនេះដែលដឹងពីល្បឿនទឹក និងស្ថានភាពផ្លូវទឹកច្បាស់ ដែល<br />អាចធ្វើ ដំណើរមកទីនេះបាន។</p>
<p style="text-align: justify;">នៅពេលថ្មីៗ នេះ ក៏មានក្រុមទេសចរបានចាប់ផ្តើមធ្វើដំណើរមកកំសាន្តនៅរមណីដ្ឋាន ទឹក<br />ធ្លាក់ល្បាក់ខោននេះដែរហើយពួកគេមួយចំនួនជាភ្ញៀវទេសចរ ហើយបានស្លៀកសំលៀក<br />បំពាក់ ការពារសុវត្ថិភាពនៅពេលដែលពួកគេធ្វើដំណើរតាមទូកមកទស្សនានៅទីនោះ។</p>
<p style="text-align: justify;">លោកកាំ ពួយ បាននិយាយបន្តទៀតថា " ទោះបីជាយ៉ាងណាក៏ដោយ ពួកគេហាក់ដូចជា<br />ពេញចិត្តនឹងការធ្វើដំណើរថ្មើជើងនៅជុំវិញបរិវេណទឹកធ្លាក់ជាងការធ្វើដំណើរដោយទូក។<br />ពីព្រោះថា នៅ រដូវប្រាំង ទឹកចាប់ផ្តើមស្រក ហើយកំលាំង ទឹកខ្សោយ។ ចំណែកនៅរដូវ</p>
<p style="text-align: justify;">វស្សាវិញ ទឹកមានទំហំធំ ទឹកកូចមានល្បឿនខ្លាំង និងហូរលឿន ដែលនាំឲទូកពិបាកឆ្លង<br />កាត់។ ហើយគាត់បន្តទៀតថា នៅរដូវណាក៏ដោយ ក៏ធ្លាក់នៅទីនេះប្រកបដោយសភាព<br />គ្រោះថ្នាក់ជានិច្ច" ។ អ៊ុំកាំ ពួយបានរស់នៅក្នុងភូមិ អន្លុងស្វាយ ឃុំ ព្រះរុំកិល ស្រុកថាឡា<br />បូរិវ៉ាត់ ខេត្តស្ទឹងត្រែង ។ គាត់ បាននិយាយថា ទីនេះសម្បូរត្រីខ្លាំងណាស់ នៅពេលទឹក<br />ធ្លាក់។ ទឹកធ្លាក់ល្បាក់ខោន ឬទឹកធ្លាក់សុភមិត្រ គឺជាតំបន់មួយដែលទឹកទន្លេមេគង្គហូរឆ្លង<br />កាត់ ហើយស្ថិត នៅក្នុងឃុំ ព្រះរំកិល ស្រុកថាឡាបូរិវ៉ាត់ ខេត្តស្ទឹងត្រែង និងស្ថិតក្នុងភូមិ<br /> កំពង់ស្រឡៅ ស្រុកឆែប ខេត្តព្រះវិហារ នៃព្រះរាជាណាចក្រកម្ពុជា៕</p>
<p style="text-align: justify;"><strong>សូមទស្សនា រូបភាព ខាងក្រោម</strong></p>
<p style="text-align: justify;"><strong><a class="thickbox" title="" href="/FileManager/Commons/2013/11/25/09-1-25-11-2013--12-43-19.jpg"><img src="/FileManager/Articles/mce/2013/11/25/09-1-25-11-2013--12-43-19.jpg" alt="" width="500" height="369" /></a></strong></p>
<p style="text-align: justify;"><a class="thickbox" title="" href="/FileManager/Commons/2013/11/25/lbak-khoan-mekong071s-25-11-2013--12-43-46.jpg"><img src="/FileManager/Articles/mce/2013/11/25/lbak-khoan-mekong071s-25-11-2013--12-43-46.jpg" alt="" width="500" height="293" /></a><strong><a class="thickbox" title="" href="/FileManager/Commons/2013/11/25/09-1-25-11-2013--12-43-19.jpg"></a></strong></p>
<p style="text-align: justify;"><a class="thickbox" title="" href="/FileManager/Commons/2013/11/25/lbak-khaon-moeurn-nhean-0-25-11-2013--12-44-08.jpg"><img src="/FileManager/Articles/mce/2013/11/25/lbak-khaon-moeurn-nhean-0-25-11-2013--12-44-08.jpg" alt="" width="500" height="368" /></a><strong><br /></strong></p>
<p style="text-align: justify;"> </p>
<p style="text-align: right;">ដោយ៖ វណ្ណៈ<br />ប្រភព៖ tourismcambodia</p>