<p><span style="color: #000000;"><strong>(ភ្នំពេញ)៖ </strong>ដោយមិនសុខចិត្តនឹងការផ្ដល់ពិន្ទុឲ្យចាញ់កីឡាករថៃ Keng Kat ក្នុងជំនួបដណ្ដើមខ្សែក្រវាត់លើសង្វៀនអាស៊ីអាគ្នេយ៍ (Sea-TV) កាលពីល្ងាចថ្ងៃទី១៧ ខែធ្នូ ឆ្នាំ២០១៦ អ្នកលេងកណ្ដាប់ដៃ រឿង សោភ័ណ្ឌ បានកើតទុក្ខមិនសុខចិត្តចំពោះលទ្ធផលនេះឡើយ ហើយថែមទាំងបង្ហោះវីដេអូលើ Facebook ផ្ទាល់ខ្លួនក្រោយចប់ការប្រកួត ដោយព្រមានលាឈប់ពីអាជីពជាអ្នកប្រដាល់ ប្រសិនបើសហព័ន្ធកីឡាប្រដាល់កម្ពុជា មិនដោះស្រាយរឿងអយុត្ដិធម៌ខាងលើដល់ខ្លួនទៀតផង។</span></p>
<p><span style="color: #000000;">គួរបញ្ជាក់ថា កាលពីពេលថ្មីៗកន្លងទៅនេះ រឿង សោភ័ណ្ឌ សិស្សគុនមកពីក្លឹបម្ដុដរាជសីហ៍ បានប្រកួតជាមួយកីឡាករថៃ Keng Kat ដើម្បីសន្សំពិន្ទុឆ្ពោះទៅដណ្ដើមខ្សែក្រវាត់១ លើសង្វៀន Sea-TV ជាមួយនឹងការទទួលបានការគាំទ្រយ៉ាងច្រើនពីអ្នកទស្សនាទៀតផង។ ការប្រកួតនេះគេឃើញ សោភ័ណ្ឌ បានព្យាយាមដើរចូល និងប្រើកណ្ដាប់ដៃច្រើន ដោយសារគូប្រកួតមានកម្ពស់ខ្ពស់ជាង ខណៈ Keng Kat ក៏មានឱកាសប្រើជង្គង់របស់គេដែរ។</span></p>
<p><span style="color: #000000;">ប៉ុន្ដែលទ្ធផលក្រោយបញ្ចប់ការប្រកួត ៥ទឹកពេញ ចៅក្រមបានផ្ដល់ពិន្ទុឲ្យកីឡាករ Keng Kat ឈ្នះកីឡាករ រឿង សោភ័ណ្ឌ ដោយពិន្ទុ។ ការផ្ដល់ពិន្ទុនេះត្រូវបាន រឿង សោភ័ណ្ឌ ចាត់ទុកជារឿងអយុត្ដិធម៌បំផុតសម្រាប់ខ្លួន និងស្នើឲ្យសហព័ន្ធជួយរកការពិតជូនខ្លួន បើមិនដូច្នោះទេ គេនឹងលាឈប់ពីប្រដាល់ទៅធ្វើស្រែក៏ព្រមដែរ។ នេះជាការលើកឡើងតាមវីដេអូបង្ហោះលើ Facebook ផ្ទាល់របស់សោភ័ណ្ឌ ដែលអមដោយអ្នកគាំទ្រជាច្រើននាក់ផងដែរនោះ។</span></p>
<p><span style="color: #000000;">ទន្ទឹមជាមួយការសម្ដែងការមិនពេញចិត្ត ពីសំណាក់អ្នកប្រដាល់ជើងខ្លាំងកម្ពុជារូបនេះ គេមិនទាន់ឃើញប្រធានគណៈកម្មការរៀបចំការប្រកួត ឬចៅក្រមកាត់សេចក្ដី ក៏ដូចជាមន្ដ្រីសហព័ន្ធ ចេញមុខមកដោះស្រាយនៅឡើយទេ។ ប៉ុន្ដែបើតាម Comment របស់អ្នកគាំទ្រភាគច្រើន ដែលបានទស្សនាការប្រកួតនេះ ក៏ចាត់ទុកជារឿងអយុត្ដិធម៌ សម្រាប់អ្នកប្រដាល់កម្ពស់ទាបចិត្តធំ រឿង សោភ័ណ្ឌ ផងដែរ។ ជាងនេះទៅទៀត មានអ្នកខ្លះបានជំរុញឲ្យ សោភ័ណ្ឌ ឈប់ប្រដាល់នៅសង្វៀន Sea-TV ទៀតផង ព្រោះពួកគេយល់ថា ការផ្ដល់ពិន្ទុមិនយុត្តិធម៌ឡើយ៕</span></p>
<p><span style="color: #000000;"><strong>សូមស្ដាប់សំដី រឿង សោភ័ណ្ឌ និងទស្សនាការប្រកួតឡើងវិញ ដូចខាងក្រោម៖</strong></span></p>
<p><a class="thickbox" title="" href="/FileManager/Commons/2016/12/21/06a-21-12-2016--10-01-29.jpg"><img src="/FileManager/Articles/mce/2016/12/21/06a-21-12-2016--10-01-29.jpg" alt="" /></a></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-10-09-19-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-10-09-19-1.jpg" alt="" width="730" /></span></p>
<div class="fluid-width-video-wrapper"><span style="color: #000000;"><iframe id="fitvid853047" src="https://www.youtube.com/embed/cSMu9qTtniM" frameborder="0" width="480" height="380"></iframe></span></div>
<div class="fluid-width-video-wrapper" style="text-align: right;"><br /><span style="color: #000000;">ប្រភព ៖ ខ្មែរថកឃីង</span></div>
<p> </p>