<p><span style="color: #000000;"><strong>បន្ទាយមានជ័យ ៖</strong> បុរសជាឪពុកបង្កើត ត្រូវបានសមត្ថកិច្ច ឃាត់ខ្លួនភ្លាមៗ បន្ទាប់ពីកូនស្រី របស់ខ្លួនរត់ ទៅប្តឹងមេភូមិ ព្រោះតែទង្វើចាប់រំលោភ សេពសន្ថវៈ បានសម្រេចជាច្រើន ដងរួចមកហើយ។</span></p>
<p><span style="color: #000000;">លោកឱ បូរិន្ទមេបញ្ជាការអ ហ ខេត្តបន្ទាយមានជ័យ បានឲ្យដឹងថា ថ្ងៃទី៨ ខែកក្កដា នេះថា មេភូមិភ្នំលៀបជើង បានទទួលពាក្យបណ្តឹងពីក្មេងស្រីឈ្មោះ ឈ,ស,ន អាយុ១៧ឆ្នាំ បានមកប្តឹងថា ខ្លួនត្រូវឪពុកបង្កើតរបស់ខ្លួនចាប់រំលោភ បានសម្រេចជាច្រើនដង ក្នុងរយៈពេល២ឆ្នាំមកនេះ។ ដោយទ្រាំនិងភាព ឈឺចាប់នេះ ពុំបានទើបមក ប្តឹងអោយអាជ្ញាធរជួយ។</span></p>
<p><span style="color: #000000;">ក្រោយពីទទួលបាន បណ្តឹងផ្ទាល់មាត់ពីក្មេងស្រីរងគ្រោះ អាជ្ញាធរឃុំភ្នំលៀប សហការជាមួយស្នាក់ការអាវុធហត្ថ៦៦៦ ប្រចាំភ្នំលៀប ឃាត់ខ្លួនជនសង្ស័យជាឪពុក ដែលមានឈ្មោះ រឹត ម៉ៅ អាយុ៣៧ឆ្នាំ នៅភូមិភ្នំលៀបជើង ឃុំភ្នំលៀប ស្រុកព្រះនេត្រព្រះ ខេត្តតបន្ទាយមានជ័យ បញ្ជូនបន្តបន្ទាប់ពីអាវុធហត្ថស្រុកព្រះនេត្រព្រះមកអាវុធហត្ថ ខេត្តបន្ទាយមានជ័យ ។</span></p>
<p><span style="color: #000000;">តាមរយៈការឃាត់ខ្លួននេះ ជនសង្ស័យ នៅចំពោះមុខអាជ្ញាធរ សមត្ថកិច្ចបានសារភាពថា ខ្លួនគេពិតជាបានរំលោភកូនស្រី បានចំនួន២ដង ដោយឆ្នាំមុនម្តង និងឆ្នាំនេះម្តង ។ ក្មេងស្រីរងគ្រោះជាក្មេងកំព្រាម្តាយនៅជាមួយឪពុក និងម្តាយចុង ។</span></p>
<p><span style="color: #000000;">បច្ចុប្បន្ននេះសមត្ថកិច្ច ជំនាញកំពុងសាងសំណុំរឿង បញ្ជូនទៅកាន់សាលាដំបូងខេត្ត ដើម្បីចាត់ការតាមច្បាប់។</span></p>
<p><span style="color: #000000;">តាមរយៈទង្វើឪពុករំលោភកូនឯងនេះ ប្រជាពលរដ្ឋក្នុងឃុំភ្នំលៀប បាននិយាយតគ្នាថា អាជ្ញាធរមានសមត្ថកិច្ចគួរតែដាក់ទោស ទៅលើជនសង្ស័យឲ្យបានធ្ងន់ធ្ងរព្រោះថា វាជាទង្វើអាក្រក់វាអន់ជាងសត្វទៅទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/8/7-8-2015-2-19-53-pm-08-07-2015--14-25-26.png"><span style="color: #000000;"><img src="/FileManager/Articles/mce/2015/7/8/7-8-2015-2-19-53-pm-08-07-2015--14-25-26.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>