<p><strong>កំពង់ឆ្នាំង៖</strong> បុរសម្នាក់ រវល់ចូលទៅឱបសាសងគ្នា ជាមួយស្រីស្នេហ៍ នៅក្នុងគម្ពោតព្រៃ ក្បែរ<br />ចិញ្ចើមផ្លូវ ចូលទៅ រោងចក្រអ៊ឹមនិងវ៉េ (M&V) ស្ថិតនៅក្នុងភូមិត្រពាំងចឹកសារ សង្កាត់-ក្រុងកំពង់<br />ឆ្នាំង ដោយដាក់ម៉ូតូចោល មិន បានដកសោរទុក ជាឱកាសល្អ ត្រូវលោកចោរជិះយកទៅបាត់<br />ដោយសុវត្ថិភាព ។</p>
<p>ហេតុការណ៍ខាងលើនេះ បានកើតឡើងកាលពីវេលាម៉ោង ៧និង៥០នាទីយប់ ថ្ងៃទី១៣ ខែកក្កដា<br /> ឆ្នាំ២០១៣ ។ ជនរងគ្រោះឈ្មោះ សាន សំ អាយុ៣០ឆ្នាំ មានទីលំនៅ ភូមិបាញ់ឆ្គោល ឃុំជ្រៃបាក់<br /> ស្រុករលាប្អៀរ ខេត្តកំពង់ ឆ្នាំង ។ ម៉ូតូដែលចារយកទៅបាត់ ម៉ាកហុងដា សេ១២៥ ពណ៌ខ្មៅ ស៊េរី<br />ឆ្នាំ២០០៩ ឡើងតែមឆ្នាំ២០១១ ពាក់ស្លាកលេខ កំពង់ឆ្នាំង 1B-6196 ។</p>
<p>ជនរងគ្រោះបានបញ្ជាក់ប្រាប់សមត្ថកិច្ចថា មុនពេលកើតហេតុរូបគាត់រួម និងមិត្តភក្តិ ៣ទៅ៤នាក់<br />ជិះម៉ូតូ២គ្រឿង នាំគ្នាចូលច្រៀងខារ៉ាអូខេ យោះហោ 333 ក្រោយពីច្រៀងចប់ មិត្តភក្តិដែលរួមដំណើរ<br />បាននាំគ្នាជិះម៉តូ ត្រឡប់ មកផ្ទះមុន ដោយឡែករូបគាត់បាននាំនារីម្នាក់ ដែលជាកំណានចិត្តឌុបគ្នា<br />ទៅហូបប្រហិត ខណៈត្រឡប់មកវិញ ក៏ឈប់ចូលទៅឱបសាសងគ្នា ដោយចតម៉ូតូទុកក្បែរចិញ្ចើមផ្លូវ <br />ស្រាប់តែមានចោរ២នាក់ ជិះម៉ូតូមួយគ្រឿងមក ដល់ ប្លន់ម៉ូតូរបស់គេតែម្តង ។</p>
<p>សមត្ថកិច្ចកំពង់តែសង្ស័យថា ករណីខាងលើនេះ ម៉ូតូប្រហែលជាមិត្តិភក្តិរបស់គេជិះទៅបាត់ ឬក៍ជន<br />រងគ្រោះរវល់ តែឱបគ្នាភ្លេចគិត ធ្វើអោយចោរមានឱកាសលួចយកម៉ូតូទៅបាត់ បើករណីភ្ជង់ប្លន់ មូល<br />ហេតុអ្វីបានជាខ្សែក៥ជី ដែលគាត់ពាក់នៅនឹងក ពួកចោរមិនបានប្លន់យកទៅជាមួយ៕</p>
<p style="text-align: center;"><img src="http://image.dap-news.com:81//dap-news/dap-images/2013/July/id-010/chanroth013-july-91.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>