<div class="article-content">
<div class="article-content">
<p><strong>ភ្នំពេញ ៖</strong> ដោយសារតែការផ្សារដែក នៅលើដំបូលផ្ទះ ពុំមានការប្រុងប្រយ័ត្នធ្វើ ឱ្យកម្ទេចភ្លើងធ្លាក់<br />ចំកម្ទេចក្រណាត់ នៅ សិប្បកម្មធ្វើពូក ធ្វើខ្នើយបង្កឱ្យមានអគ្គិ ភ័យកើតឡើង ហើយឆេះបំផ្លាញចំនួន<br /> ២ ខ្នង រួមមាន ផ្ទះកើតហេតុ ជាផ្ទះជួសជុល និងដំឡើងម៉ូតូលក់ និងផ្ទះសិប្បកម្មធ្វើពូក ខ្នើយនេះតែ<br />ម្ដង ។</p>
<p>គ្រោះអគ្គិភ័យ ខាងលើនេះបានកើត ឡើង កាលពីវេលាម៉ោង ៤រសៀល ថ្ងៃទី ២៤ ខែមេសា ឆ្នាំ <br />២០១៣ ប៉ុន្ដែ រលត់ទៅ វិញ ក្នុងរយៈពេលប្រមាណកន្លះម៉ោង បន្ទាប់ពីកម្លាំងនគរបាល បង្ការ និង<br />ពន្លត់ អគ្គិភ័យ រាជធានីភ្នំពេញ ដឹកនាំដោយលោក វរសេនីយ៍ទោ នេត វន្ថា និងអាជ្ញាធរ សមត្ថកិច្ច<br />មូលដ្ឋាន ព្រមទាំង ប្រជាពលរដ្ឋ នៅក្បែរកន្លែងកើតហេតុ នាំគ្នាជួយពន្លត់ទាន់ពេលវេលា មិនឱ្យ<br />រីករាលដាលទៅកាន់ផ្ទះប្រជាពលរដ្ឋ ផ្សេង ទៀតនោះឡើយ ។</p>
<p>យោងតាមអាជ្ញាធរមូលដ្ឋាន បានឱ្យ ដឹងថា មុនដំបូងឡើយនៅផ្ទះជួសជុល និង ដំឡើងម៉ូតូដែល<br />មានម្ចាស់ផ្ទះឈ្មោះ តាន់ សារ៉ា ភេទប្រុស អាយុ ៣៣ឆ្នាំ ស្ថិតក្នុង ភូមិចំរើនផល សង្កាត់បឹងទំពុន<br /> ខណ្ឌមានជ័យ បានឱ្យជាងផ្សារដែកឡើងផ្សារដំបូល ពេលកំពុងផ្សារនោះ ស្រាប់តែកម្ទេចភ្លើង <br />បានធ្លាក់ទៅប៉ះចំកម្ទេចក្រណាត់ នៅផ្ទះធ្វើ សិប្បកម្មពូកខ្នើយ ដែលស្ថិតនៅជាប់គ្នា របស់ឈ្មោះ<br /> តាយ សុវណ្ណារ៉ា ភេទស្រី អាយុ ៤៥ឆ្នាំ បង្កឱ្យមានអគ្គិភ័យកើតឡើង តែម្ដងទៅ ។ បើទោះបីកម្លាំង<br />សមត្ថកិច្ច បានបញ្ជូនរថយន្ដពន្លត់អគ្គិភ័យ ៤-៥ គ្រឿង ទៅជួយអន្ដរាគមន៍ភ្លាមៗ ប៉ុន្ដែ ដោយសារ<br />តែកម្លាំងភ្លើងខ្លាំងពេក បានឆេះ ផ្ទះសិប្បកម្មធ្វើពូកខ្នើយខ្ទេចតែម្ដង ទំហំ ១០គុណនឹង២០ម៉ែត្រ <br />រីឯផ្ទះជួសជុលនិង ដំឡើងម៉ូតូឆេះប្រមាណ ៨០ភាគរយ ។ យ៉ាងណាក៏ដោយ បុរសដែលផ្សារដែក<br />នៅ លើដំបូលបង្កឱ្យមានអគ្គិភ័យនេះកើត ឡើង ត្រូវបានកម្លាំងសមត្ថកិច្ចឃាត់ខ្លួន ដើម្បីធ្វើការដោះ<br />ស្រាយបន្ដទៀត ។</p>
<p>លោក នេត វន្ថា បានអំពាវនាវសារជា ថ្មី ដល់ប្រជាពលរដ្ឋទូទាំងរាជធានីភ្នំពេញ ត្រូវមានការប្រុង<br />ប្រយ័ត្នគ្រប់ៗគ្នា ការពារ កុំឱ្យមានអគ្គិភ័យកើតឡើង នាំឱ្យអន្ដរាយ ទ្រព្យសម្បត្ដិ និងរងគ្រោះថ្នាក់<br />ដល់អាយុ ជីវិត ៕</p>
<p style="text-align: center;"><object width="500" height="400" data="http://www.youtube.com/v/fmFF4xseFuA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/fmFF4xseFuA&rel=1" /></object></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0573.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0574.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0575.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0576.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/April/id-015/T-0577.jpg" alt="" width="500" /></p>
</div>
<br />
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>