<p>ក្រុមហ៊ុន Accidental Wine ធ្វើជំនួញដោយការជួយដល់ក្រុមហ៊ុននានា លក់ទំនិញដែលមាន បញ្ហាបច្ចេកទេស ក្នុងតម្លៃទាប ចំណែក IP Factory ស្វែងរកបុគ្គលិកអភិវឌ្ឍ និងធ្វើពាណិជ្ជភាវូប<br />នីយកម្ម នូវគំនិតជំនួញដែលត្រូវគេបោះបង់ ពួកគេបានប្រែក្លាយគំនិតរកស៊ីដែលត្រូវគេបោះបង់<br />ចោល ឬផលិតផលមានកំហុស ឱ្យទៅជាមុខជំនួញថ្មី ឬផលិតផលដែលត្រូវបានគេទទួលស្គាល់។<br /><br /><strong>១/ ប្រអប់កាតុងចាស់</strong></p>
<p style="text-align: center;"><strong><a class="thickbox" title="" href="/FileManager/Commons/2014/1/18/18a-18-01-2014--10-26-51.jpg"><img src="/FileManager/Articles/mce/2014/1/18/18a-18-01-2014--10-26-51.jpg" alt="" width="464" height="348" /></a><br /></strong></p>
<p><br />ប្រអប់កាតុងដែលត្រូវបានគេប្រើប្រាស់រួចហើយ តែងត្រូវបានក្រុមហ៊ុនទាំងឡាយច្នៃប្រើឡើងវិញ ឬក៏បោះចោល។ ប៉ុន្ដែ សម្រាប់ក្រុមហ៊ុន Used Cardboard Boxes ប្រអប់ទាំងនេះ មានតម្លៃខ្លាំង<br />ណាស់។ បណ្ដាសាខាចែកចាយរបស់ពួកគេ នៅតាមតំបន់នឹងប្រមូលទិញ បែងចែកតាមប្រភេទ ហើយលក់ទៅវិញ ក្នុងតម្លៃទាបជាងធម្មតា។ វិធីរកស៊ីរបស់ Used Cardboard Boxes ត្រូវបាន<br />ឃោសនាថា ជារបៀបជំនួញដែលមានលក្ខណៈល្អប្រសើរជាង សម្រាប់បរិស្ថាន ធៀបនឹងការបោះ<br />ចោល ឬកែច្នៃឡើងវិញ។<br /><br />នេះគឺជាគំនិតរកស៊ីតាំងតែពីអាយុ ១១ឆ្នាំ របស់ Marty Metro ដែលបច្ចុប្បន្នជាអគ្គនាយកប្រតិបត្តិ របស់ក្រុមហ៊ុន Used Cardboard Boxes ។ កាលពីនៅក្មេង Marty Metro បានចាប់ផ្ដើមប្រមូល<br />ទិញប្រអប់ កាតុងដែលគេប្រើរួច មកលក់ឱ្យអតិថិជនដែលនៅក្នុងតំបន់ដែលគ្រួសារលោក រស់<br />នៅ។<br /><br /><strong>២/ ផលិតផលច្រកដប ដែលមានកំហុសឆ្គង</strong></p>
<p style="text-align: center;"><strong><a class="thickbox" title="" href="/FileManager/Commons/2014/1/18/18b-18-01-2014--10-27-33.jpg"><img src="/FileManager/Articles/mce/2014/1/18/18b-18-01-2014--10-27-33.jpg" alt="" width="458" height="303" /></a><br /></strong></p>
<p><br />បីនាក់ពុក និងកូន David, Micah និង Kelly Forbes បានស្គាល់អ្នកលក់ម្នាក់ ដែលជួនកាលត្រូវ លក់ទំនិញរបស់ខ្លួន ដោយបញ្ចុះតម្លៃ ៥០% ព្រោះតែដបមានស្នាមឆូត កំហុសនៃការវាយស្លាក<br /> ឬប្រលាក់។ល។ នៅពេលអ្នកជិតខាងលែងធ្វើជំនួញបន្ដ គ្រួសារ Forbes ក៏បានស្នើបុរសម្នាក់<br />នោះ ចូលរួមបង្កើតក្រុមហ៊ុន Accidental Wine Company ក្នុងឆ្នាំ ២០០៧។ ក្រុមហ៊ុននេះ ជាភ្នាក់<br />ងារ ជួយដល់រោងចក្រ និងក្រុមហ៊ុនចែកចាយផលិតផល បញ្ចេញលក់ទំនិញដែលមានកំហុស មុនពេលផលិតផលថ្មី ត្រូវបានដាក់លក់លើទីផ្សារ។<br /><br /><strong>៣/ គំនិតរកស៊ីត្រូវគេបោះបង់</strong></p>
<p style="text-align: center;"><strong><a class="thickbox" title="" href="/FileManager/Commons/2014/1/18/18c-18-01-2014--10-28-08.jpg"><img src="/FileManager/Articles/mce/2014/1/18/18c-18-01-2014--10-28-08.jpg" alt="" width="473" height="316" /></a><br /></strong></p>
<p><br />ដោះស្រាយបញ្ហាទំនិញចាស់ គឺជារឿងលំបាក ប៉ុន្ដែមកទទួលគ្រប់គ្រងសេវាកម្មចាស់បន្ដ កាន់ តែស្មុគស្មាញទៅទៀត។ នេះគឺជាមូលហេតុដែល Carlson បានបើកមជ្ឈមណ្ឌលប្រឹក្សាឈ្មោះ IP<br /> Factory ។ ក្រុមហ៊ុនរបស់គាត់នឹងធ្វើកិច្ចសហការណ៍ជាមួយក្រុមហ៊ុនដែលមានគម្រោង ឬកម្ម<br />សិទ្ធិបញ្ញាដែលត្រូវបានបោះបង់។ ក្រោយមក Carlson នឹងស្វែងរកអ្នកជំនាញការ និស្សិតទើបចេញពីសាលា និងអ្នកចង់បង្កើតជំនួញថ្មី ដើម្បីអភិវឌ្ឍ និងធ្វើឱ្យគំនិតទាំងនោះ ក្លាយជាមុខជំនួញពិតប្រាកដ។ <br /><br /><strong>៤/ ស្ករគ្រាប់មានកំហុសឆ្គង</strong></p>
<p style="text-align: center;"><strong><a class="thickbox" title="" href="/FileManager/Commons/2014/1/18/18d-18-01-2014--10-28-40.jpg"><img src="/FileManager/Articles/mce/2014/1/18/18d-18-01-2014--10-28-40.jpg" alt="" width="476" height="318" /></a><br /></strong></p>
<p><br />ស្ករគ្រាប់របស់រោងចក្រមួយដែលបានផលិតចេញ គឺមិនមែនល្អឥតខ្ចោះនោះទេ ដោយមួយចំនួនមានរូបរាងជ្រុងខុសពីទម្រង់ដែលបានកំណត់ ខ្លះទៀតបាត់បង់ឡូហ្គូ ឬមានក្លិនដូចគ្នា។ ដូច្នេះ<br /> ចាប់តាំងពីទសវត្សទី ៩០ ក្រុមហ៊ុនផលិតស្ករគ្រាប់ទន់ Jelly Belly បានចាប់ផ្ដើមចម្រាញ់យកស្ករគ្រាប់ដែលមានកំហុស និងលក់បញ្ចុះតម្លៃ ៥០% ហើយថ្មីៗនេះ ពួកគេក៏បានលក់តាមអ៊ីនធើរ<br />ណិតផងដែរ។<br /><br />Tomi Holt អ្នកនាំពាក្យរបស់ Jelly Belly ឱ្យដឹងថា ៖ “បរិយាកាសលក់រាយបានផ្លាស់ប្ដូរច្រើន<br /> ក្នុងរយៈពេល ២០ឆ្នាំមកនេះ។ ក្រុមអ្នកលក់រាយនាពេលបច្ចុប្បន្ន បានចាប់យកឱកាសដើម្បីរក<br />ចំណេញ”។ ក្រុមអ្នកលក់រាយ បាននាំគ្នាទិញយកស្ករគ្រាប់ ដែលមានរូបរាងខុសពីកំណត់របស់<br />ក្រុមហ៊ុន ដើម្បីមកលក់បន្ដក្នុងតម្លៃប្រហាក់ប្រហែលដើម្បីធម្មតា។ នេះគឺជាចន្លោះប្រហោងមួយសម្រាប់អ្នកលក់រាយ អាចរកប្រាក់ចំណេញបានយ៉ាងច្រើន៕</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/89751/north-korea--regimes-luxury-ski-resort-opens-for-business"><span style="color: #3366ff;">កូរ៉េខាងជើង ៖ តំបន់ជិះស្គីទឹកកក ប្រណិតបំផុត បើកធ្វើអាជីវកម្ម តែមិនទាន់ស្វាគមន៍ ជនបរទេស</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/35061/the-london-anti-cafe-where-everything-is-free-but-you-pay-5-cents-a-minute-just-to-be-there"><span style="color: #3366ff;">ហាងកាហ្វេមិនគិតថ្លៃអ្វីទាំងអស់ លើកលែងតែ កន្លែងអង្គុយ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/91356/starbucks-ceo--building-dreams-from-the-slum"><span style="color: #3366ff;">សេដ្ឋីរបស់ Starbucks ៖ បង្កើតក្ដីស្រមៃ ពីតំបន់សំបុកកណ្ដុរ</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ VE<br /><br /></p>