<dl class="article-info muted"><dd class="published"><span style="color: #000000;">Published: 05/07/2016 10:55</span></dd></dl>
<div>
<p><span style="color: #000000;"><strong>(ញូវយ៉ក)៖</strong> ស្ត្រីម្នាក់ត្រូវប៉ូលិសចាប់ខ្លួន ដោយចោទប្រកាន់ពីបទឃាតកម្ម បន្ទាប់ពីនាងបានសម្លាប់ប្តី រួចកប់សាកសពនៅក្រោមពំនូកលាមក នៅឯកសិដ្ឋានមួយ ព្រោះតែមានកំហឹងនឹងប្តី ដែលចង់លែងលះរូបនាង។</span></p>
<p><span style="color: #000000;">ហេតុការណ៍នេះ កើតឡើងនៅក្រុងញូវយ៉ក សហរដ្ឋអាមេរិក ស្ត្រីដៃដល់អាយុ៤៩ឆ្នាំ ឈ្មោះ Charlene Mess ត្រូវបានតុលាការកាត់ទោស ឲ្យជាប់ពន្ធនាគាររយៈពេល២៥ឆ្នាំ បន្ទាប់ពីរកឃើញពិរុទ្ធភាពថា ពិតជាបានចាក់សម្លាប់ប្តី អាយុ៥២ឆ្នាំឈ្មោះ Doug Mess ថែមទាំងទាញកាំភ្លើង បាញ់ចំក្បាលជនរងគ្រោះទៀតផង។ ក្រោយពីសម្លាប់ប្តីរួច Charlene ក៏បានអូសសពប្តី ដោយចងដៃជើង ហើយយកទៅកសិដ្ឋានរបស់គ្រួសារ រួចកប់សាក សពនៅទីនោះ ដែលជាកន្លែងពោរពេញ ទៅដោយលាមកឆ្អេះឆ្អាប។</span></p>
<p><span style="color: #000000;">នៅអង្គសវនាការ Charlene ប្រាប់តុលាការថា នាងត្រូវប្តីវាយបីដៃ ចំដើមទ្រូងទើបនាងតបតវិញ ជាការការពារខ្លួនហើយម្យ៉ាងទៀត នាងខឹងណាស់ដែលបុរសជាប្តី ប្រើពាក្យសុំលែង លះគ្នា ទើបសម្រេចបញ្ចប់ជីវិតគេចោល។ គួរបញ្ជាក់ថា ប្តីប្រពន្ធទាំងពីររៀបការ ជាមួយគ្នារយៈពេល៣០ឆ្នាំមកហើយ ថែមទាំងមានកូនបីនាក់ទៀតផង ប៉ុន្តែពេលនេះម្តាយ ត្រូវជាប់គុក រីឯឪពុកត្រូវស្លាប់ធ្វើឲ្យកូនៗគ្មានទីពឹងឡើយ ទើបសមត្ថកិច្ចនាំយកពួកគេ ទៅមណ្ឌលមើលថែកកុមារ៕</span></p>
<p><span style="color: #000000;"><img src="http://i.imgur.com/vUtEP80.jpgpolicephoto" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>
</div>