<p><strong>ភ្នំពេញៈ</strong> តារាសម្តែង និងជាពិធីករបុរសរូបសង្ហា លោក អេឡិច ចិត្រា ថ្មីៗនេះ ត្រូវបានអ្នកនិយមលេងបណ្តាញ សង្គម Facebook ជាច្រើន បានបង្ហាញពីភាពមិនពេញចិត្ត និងធ្វើការរិះគន់ ទៅលើទង្វើ របស់តារាប្រុសរូបនេះ នៅលើឆាក និងក្រៅឆាក មានការខុសគ្នា និងជាគំរូអាក្រក់មួយ ដែលយុវវ័យ មិនគួរធ្វើតាមនោះទេ ។</p>
<p>តាមរយៈ Account Facebook មួយដែលមានឈ្មោះថា Justice Hanker បានយករូបរបស់តារាចម្រៀង លោក អេឡិច ចិន្ត្រានៅក្នុងពេល ដែលលោកគ្រងស្បង់ជីពរ និងរូបមួយទៀត ដែលលោកអង្គុយជក់ស៊ីសា (គ្រឿងញៀន) ដែលនេះជាគំរូមិនល្អសម្រាប់យុវវ័យជំនាន់ ក្រោយនោះទេ ដោយនៅក្នុងនោះ គេបានសរសេរសារជាភាសាខ្មែរថា "ពេលធ្វើជាពិធីករ ដាស់តឿនគេថា ជៀសឲ្យឆ្ងាយពីគ្រឿងញៀន។សូមជួយចែករំលែក ឲ្យតារាចម្រៀងម្នាក់នេះផង ព្រោះមើលទៅការនិយាយស្តី ដូចជាមានមោទនភាព ណាស់ពេលជក់ ស៊ីសា។ ចំណែកឯពួកក្រសួង ដែលពាក់ព័ន្ធ សូមមេត្តាចេះ បើកភ្នែកមើលផង" ។</p>
<p>នៅក្នុងនោះ ក៏មានអ្នកនិយមលេង Facebook ជាច្រើនបានបញ្ចេញមតិផ្ទាល់ខ្លួន ធ្វើការរិះគន់ ទៅលើតារារូបនេះ យ៉ាងចាស់ដៃថា ពេលដែលនិយាយណែនាំ គេហាក់ដូចជាខ្លួនឯងល្អណាស់ តែដល់ពេលអនុវត្តខ្លួនឯង បែរជាធ្វើជាគំរូអាក្រក់មុន ពេលដែលតាំងខ្លួនធ្វើជាអ្នកណែនាំគេ ត្រូវធ្វើខ្លួនឲ្យល្អសិនទៅ ។</p>
<p>ទាក់ទងនឹងការបញ្ចេញមតិរិះគន់នេះ LookingTODAY មិនទាន់អាចទាក់ទង ទៅ លោក អេឡិច ចិន្ត្រា បានទេ នៅថ្ងៃទី២១ ខែកុម្ភៈ ឆ្នាំ២០១៤នេះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-0240.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-0241.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-0242.jpg" alt="" width="600" /></p>
<p style="text-align: right;">ផ្តល់សិទ្ធិដោយ ៖ ដើមអម្ពិល</p>