<p><span style="color: #000000;">ព័ត៌មានកីឡា៖ យោងតាមការចុះផ្សាយរបស់គេហទំព័រ gmanetwork បានឲ្យដឹងថា Floyd Mayweather បានចាក់សារជាតិ វីតាមីនជំនួយកម្លាំង ចូលក្នុងសរសៃរឈាម មុនពេលចូលរួមប្រកួតជាមួយ ប៉ាក់គីអៅ ខណៈដែល ទង្វើរបែបនេះ ត្រូវបានក្រុមភ្នាក់ងាររបស់ស្ថាប័ណ្ណ WADA (World Anti-Doping Agency) ហាមប្រាម មិនឲ្យប្រើជាដាច់ខាត សម្រាប់អត្ដពលិក មុនពេលចូលរួមប្រកួត ។ </span></p>
<p><span style="color: #000000;">យោងតាមពាក្យសម្ដីរបស់លោក Bob Bennett ដែលជារដ្ឋលេខាធិការ NSAC (Nevada State Athletic Commission) បានបង្ហាញឲ្យដឹងថា ភ្នាក់ងារ USADA (United States Anti-Doping Agency ) ដែលមានតួនាទី ឃ្លាំមើល ការប្រព្រឹត្ដខុសលក្ខខ័ណ្ឌរបស់កីឡាករ មិនបានផ្ដល់ដំណឹងមកកាន់ WADA នោះទេ ខណៈដែល Floyd បានប្រើប្រាស់និតិវិធីចាក់ថ្នាំ (IV) នាពេលចន្លោះ ៦ម៉ោង មុនពេលនៃការប្រកួតចូលមកដល់ រហូតដល់ភ្នាក់ងារ WADA រកឃើញដោយខ្លួនឯង ក្នុងផ្ទះរបស់កីឡាករផ្ទាល់។ ប៉ុន្ដែ ភ្ញាក់ងារ គ្រូពេទ្យរបស់ Floyd ក៏បានផ្ដល់ដំណឹងមកកាន់ NSAC ថា Floyd ប្រើប្រាស់និតិវិធីបែបនេះ ដើម្បីបញ្ជៀសបញ្ហាផ្សេង គឺ ទាក់ទងទៅនឹងភាពក្សោះទឹក។ </span></p>
<p><span style="color: #000000;">តាមការពន្យល់របស់ក្រុមគ្រូពេទ្យ បានបង្ហាញថា Floyd សម្រេចប្រើប្រាស់វិធីចាក់ថ្នាំនេះ ដោយបូករួមផ្សំនូវ សារធាតុចម្រុះពីរ គឺ ទី១ សារធាតុអំបិល លាយជាមួយ សារធាតុវីតាមីនចម្រុះដែលមានចំនួន ២៥០ មីលីលីត និង ទី២ គឺ សារធាតុអំបិល លាយជាមួយ វីតាមីនស៊ី (C) ដែលមានចំណុះ ៥០០ មីលីលីត សាមាសភាពបំប៉នទាំងពីរផ្នែក បូកបញ្ចូលគ្នាទៅ គឺ ៧៥០ មីលីលីត ស្មើនឹង ២៥.៣៦១ ឱន ។ </span></p>
<p><span style="color: #000000;">សារធាតុជំនួយទាំងអស់នោះគឺ ត្រូវបានហាមប្រាបដោយ WADA ហើយក៏ត្រូវអនុម័តជាលក្ខណៈស្ដង់ដាផងដែរ ដើម្បីឲ្យ USADA ចូលរួមសហប្រតិបត្ដិការណ៍ ប៉ុន្ដែលទ្ធផល ត្រូវរបូតដោយមិនដឹងខ្លួន។ </span></p>
<p><span style="color: #000000;">លក្ខខ័ណ្ឌដែល WADA ត្រូវបានចែងឡើងគឺ អត្ដពលិក មិនត្រូវ ចាក់ថ្នាំ រឺប្រើប្រាស់ថ្នាំអ្វីមួយឡើយ ចន្លោះ ៦ម៉ោង មុនពេលប្រកួត ករណីពិសេសដែលកីឡាករ អាចប្រើប្រាស់បានគឺ ស្ថិតក្នុងលក្ខខ័ណ្ឌ លើកលែង ដោយមានបញ្ជាពី គ្រូពេទ្យ ។ </span></p>
<p><span style="color: #000000;">គូសបញ្ជាក់ផងដែរថា កាលពីមុនពេលប្រកួត ប៉ាក់គីអៅ ក៏មានបញ្ហាទាក់ទាងនឹងរបូស្មាផងដែរ ហើយ ត្រូវលេបថ្នាំ រហូតដល់ថ្ងៃចុងក្រោយ នៃការប្រកួតប៉ុន្ដែ ត្រូវរារាំង ដោយជៀងវាងការប្រើប្រាស់ថ្នាំជំនួយ កម្លាំង មុនពេលប្រកួត ។</span></p>
<p><span style="color: #000000;">ដូច្នេះ ក្នុងនាមជាអ្នកគាំទ្រវិស័យកីឡាប្រដាល់ទាំងអស់ តើនៅមានទំនុកចិត្ដចំពោះ USADA ទៀតដែរទេ ក្រោយ បង្ហាញលទ្ធផល? </span></p>
<p><span style="color: #000000;"><a class="thickbox" title="" href="/FileManager/Commons/2015/9/10/9-10-2015-4-39-52-pm-10-09-2015--16-46-25.png"><span style="color: #000000;"><img src="/FileManager/Articles/mce/2015/9/10/9-10-2015-4-39-52-pm-10-09-2015--16-46-25.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ gmanetwork & sbnation.</span></p>