<p><span style="color: #000000;">ខាងក្រោមនេះ គឺជាដំណោះស្រាយដ៏មានប្រសិទ្ធភាព ដែលអាចជួយឱ្យស្រីៗគ្នាយើង បំបាត់ភាពយារធ្លាក់ដើមទ្រូង និងធ្វើឱ្យដើមទ្រូងតឹងណែនល្អឡើងវិញ សមតាមបំណង ។ ធ្វើលំហាត់ប្រាណ ការម៉ាស្សា គឺជាវិធីសាស្រ្ដដ៏ល្អបំផុត ដើម្បីរក្សាឱ្យដើមទ្រូងរបស់អ្នកតឹងណែនល្អ និងមិនយារធ្លាក់៖ </span></p>
<p><span style="color: #000000;"><br /><a class="thickbox" title="" href="/FileManager/Commons/2019/7/25/gettyimages-167577891-1024x1024-25-07-2019--11-27-15.jpg"><img src="/FileManager/Articles/mce/2019/7/25/gettyimages-167577891-1024x1024-25-07-2019--11-27-15.jpg" alt="" /></a><br /></span></p>
<p><span style="color: #000000;"><strong>១. លំហាត់ប្រាណដើមទ្រូង</strong>៖ វិធីសាស្រ្ដដ៏ល្អបំផុត ដើម្បីបន្ថែមភាពតឹងណែនដល់ដើមទ្រូងរបស់អ្នក គឺតាមរយៈការធ្វើលំហាត់ប្រាណពង្រឹងសាច់ដុំទ្រូង។ លំហាត់ប្រាណដ៏ពេញនិយម និងងាយស្រួលបំផុតគឺការអាវ៉ុង(Push-up) ដែលមានប្រសិទ្ធភាពពង្រឹងសាច់ដុំទ្រូង ដែលស្ថិតក្រោមដោះ ។ លំហាត់ប្រាណបែបនេះ នឹងជួយឱ្យដើមទ្រូងតឹងណែនឡើងវិញ ព្រមទាំងកាត់បន្ថយជាតិខ្លាញ់នៅជុំវិញដើមទ្រូង ។ ការលើកទម្ងន់ ក៏អាចជួយពង្រឹងសាច់ដុំទ្រូង ផងដែរ ។</span></p>
<p><span style="color: #000000;"><strong>២. ម៉ាស្សាដើមទ្រូង៖ </strong>សូមម៉ាស្សាដើមទ្រូងរបស់អ្នកឱ្យបាន ២-៣ ដងក្នុងមួយសប្ដាហ៍ជាមួយនឹងប្រេងអូលាវ ។ ការម៉ាស្សាបែបនេះ នឹងជួយបន្ថែមភាពតឹងណែនដល់ស្បែករបស់អ្នក ព្រមទាំងជួយឱ្យស្បែករបស់អ្នករលោង និងស្រស់ស្អាត ។ ម្យ៉ាងទៀត វាជួយឱ្យដើមទ្រូងរបស់អ្នក ណែនល្អ និងបង្កើនភាពរលាស់នៃស្បែក ។ ការម៉ាស្សា មានប្រសិទ្ធភាពបញ្ជូនឈាមឱ្យស្បែក ហើយការកើនឡើងលំហូរឈាមនេះ ជួយភ្ញោចដល់ការលូតលាស់សាច់ដុំ ជួយព្យាបាលកោសិកាខូច និងផ្ដល់អត្ថប្រយោជន៍ដទៃទៀត ដែលកាត់បន្ថយភាពយារធ្លាក់សុដន់ ។</span></p>
<p><br /><a class="thickbox" title="" href="/FileManager/Commons/2019/7/25/papersco-hi82-chinese-asian-girl-sexy-bikini-swim-water-40-wallpaper-1-25-07-2019--11-28-01.jpg"><img src="/FileManager/Articles/mce/2019/7/25/papersco-hi82-chinese-asian-girl-sexy-bikini-swim-water-40-wallpaper-1-25-07-2019--11-28-01.jpg" alt="" /></a><span style="color: #000000;"> </span></p>
<p><span style="color: #000000;"><strong>៣. ពាក់អាវទ្រនាប់ពិសេស៖ </strong>វាជារឿងសំខាន់ ក្នុងការគិតគូរ ដល់ប្រភេទអាវទ្រនាប់ ដែលអ្នកពាក់ ប្រសិនបើអ្នកពុំសប្បាយចិត្ដចំពោះដើមទ្រូងរបស់អ្នក ដែលយារធ្លាក់។ អ្នក ចាំបាច់ត្រូវជ្រើសរើសអាវទ្រនាប់ឱ្យបានសមស្រប ដែលធ្វើឱ្យដើមទ្រូងរបស់អ្នកតឹងណែន និងទប់ដោះរបស់អ្នកឱ្យខ្ពស់ និងតឹង ។ អ្នកអាចរកទិញបាននូវអាវទ្រនាប់ពិសេស នៅក្នុងទីផ្សារ ដែលផ្ដល់ការទប់បានយ៉ាងមាំល្អនៅផ្នែកខាងក្រោមដោះ ដែលរុញដោះរបស់អ្នកឱ្យខ្ពស់ និងតឹងណែនល្អ៕</span></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ organicfacts</span></p>
<h3> </h3>