<p><span style="color: #000000;"><strong>(វ៉ាស៊ីនតោន)៖</strong> ក្រុមអ្នកគំាទ្រលោក ដូណាល់ ត្រាំ បានប៉ះទង្គិចគ្នាដោយអំពើហិង្សាជាមួយក្រុមបាតុករប្រឆាំង នៅឯពិធីជួបជុំគ្នាមួយ ដើម្បីសម្ដែងការគាំទ្រ ដល់ប្រធានាធិបតីអាមេរិកដ៏ចម្រូងចម្រាស់រូបនេះនៅក្នុងទីក្រុង Berkeley នៃរដ្ឋ California នៅថ្ងៃសៅរ៍សប្ដាហ៍នេះ (ម៉ោងនៅក្នុងសហរដ្ឋអាមេរិក)។ នេះបើតាមការចេញផ្សាយ ដោយទីភ្នាក់ងារសារព័ត៌មាន Reuters នៅថ្ងៃអាទិត្យ ទី០៥ ខែមីនា ឆ្នាំ២០១៧។</span></p>
<p><span style="color: #000000;">ការប៉ះទង្គិចគ្នាបានកើតឡើង នៅឯសួនច្បារមួយកន្លែងស្ថិតក្នុងទីក្រុង Berkeley ដោយក្រុមបាតុករទំាងសងខាងមួយចំនួនបានយកដំបងឈើ វាយសំពងក្បាលគ្នាទៅវិញទៅមក ហើយអ្នកខ្លះទៀត ថែមទំាងបាញ់ម្សៅម្រេចដាក់គ្នាទៀតផង ខណៈប៉ូលិសក៏បានចូលធ្វើអន្តរាគមដែរ និងបានឃាត់ខ្លួន មនុស្សយ៉ាងហោចណាស់០៥នាក់ រីឯមនុស្ស០៣នាក់បានរងរបួស។ ក៏ប៉ុន្តែគេមិនទាន់ដឹងថា ភាគីណាមួយជាអ្នកបង្ក ហេតុមុននោះទេ។</span></p>
<p><span style="color: #000000;"><strong>«មានការខឹង សម្បារជាច្រើនចេញពីក្រុមអ្នកតវ៉ា ហើយយើងគិតថា វាពិតជាមានសារៈសំខាន់ណាស់ក្នុងការបង្ហាញការគាំទ្ររបស់យើង»</strong>។ នេះបើតាមលោក Peter Boykin ជាប្រធានក្រុមចលនាអ្នកស្រឡាញ់ភេទគ្នា គំាទ្រលោកដូណាល់ ត្រាំ ដែលបានជួយរៀបចំពិធីជួបជុំនៅក្នុងទីក្រុង Washington។</span></p>
<p><span style="color: #000000;">គួរបញ្ជាក់ថា បើតាមអាជ្ញាធរប៉ូលិស ក្រុមអ្នកគាំទ្រ និងប្រឆំាងលោក ដូណាល់ ត្រាំ ពី២០០ ទៅ៣០០នាក់ បានប្រមូលផ្ដុំគ្នានៅក្នុងទីក្រុង Berkeley ហើយការប្រមូលផ្ដុំគ្នានេះ ក៏បានធ្វើឡើងផងដែរ នៅរដ្ឋ Minnesota,Tennessee, New York និង Washington ជាដើម៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F699458540225940%2F&show_text=0&width=730" frameborder="0" width="500" height="410"></iframe></span></p>
<p><span style="color: #000000;"><img src="http://morungexpress.com/wp-content/uploads/2017/03/2017-03-05T023121Z_1_LYNXMPED2401X_RTROPTP_3_USA-TRUMP-SUPPORTERS.jpg" alt="" width="730" /></span></p>
<p><span style="color: #000000;"><img src="http://images.indianexpress.com/2017/03/pro-trump-759.jpg" alt="" width="730" /></span></p>
<p><span style="color: #000000;"><img src="http://sa.kapamilya.com/absnews/abscbnnews/media/2017/sports/03/05/030517_trump3.jpg" alt="" width="730" /></span></p>
<p><span style="color: #000000;"><img src="http://www.telegraph.co.uk/content/dam/news/2017/03/05/JS122518015_REUTERS_A-demonstrator-in-support-of-US-President-Donald-Trump-sprays-pepper-spray-towar-large_trans_NvBQzQNjv4BqZgEkZX3M936N5BQK4Va8RTgjU7QtstFrD21mzXAYo54.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>