<div>
<p><span style="color: #000000;"><strong>(ភ្នំពេញ) ៖</strong> «រាល់បញ្ហា និងទុក្ខលំបាករបស់សិល្បករ-សិល្បការិនី គឺជាបញ្ហា និងទុក្ខលំបាករបស់ខ្ញុំដែរ! ក្នុងនាមខ្ញុំបាទជាប្រធានសមាគមសិល្បករខ្មែរ នឹងមិនព្រងើយកន្តើយឡើយ នៅពេលបានដឹងខ្ញុំ នឹងខំប្រឹងជួយឲ្យអស់ពីលទ្ធភាពរបស់ខ្ញុំ និងសមាគម »។ នេះជាការថ្លែងរបស់ប្រធានសមាគម សិល្បករខ្មែរលោក សុះ ម៉ាច កាលពីពេលថ្មីៗនេះ។</span></p>
<p><span style="color: #000000;">ដោយមើលឃើញពីភាពអសកម្ម និងខ្វះការរួបរួមសាមគ្គីគ្នា ពីសំណាក់សិល្បករប្រុស-ស្រីរបស់ខ្មែរមួយចំនួននោះ លោក សុះ ម៉ាច បានលើកឡើងនៅលើហ្វេសប៊ុកថា «យើងសោកស្តាយណាស់ ដោយសារមិត្តសិល្បករ សិល្បការិនី យើងមួយចំនួនខ្វះ ការសាមគ្គីរួបរួមគ្នាជាធ្លុងមួយ ជ្រកក្រោមដំបូលសមាគមសិល្បៈតែមួយជាមួយគ្នា និង សមាជិកមួយចំនួន មិនបានមកបង់ថវិកាទ្រទ្រង់សមាគម ក្នុងមួយឆ្នាំ១២ដុល្លារឲ្យទៀងទាត់ឡើយ តែដល់ពេលមានបញ្ហាពួកគាត់ តែងតែស្រែករកសមាគមឲ្យជួយ នេះជាការពិត! »។</span></p>
<p><span style="color: #000000;">លោក សុះ ម៉ាច បញ្ជាក់ថា «ថវិការបស់អាណត្តិមុនៗ ដែលនៅសល់ក៏មិនទាន់បានទទួលទៀត អាណត្តិទីបី ដំណើរការយ៉ាងលំបាក ដោយសារតែខ្វះការស្រុះស្រួលគ្នា ធ្វើការ របស់ក្រុមប្រឹក្សាទាំង១១រូប ដោយសារពួកគាត់ខ្លះរវល់ និងមិនយល់ចិត្តខ្វែងគំនិតគ្នា ដោយសារបញ្ហាអាណត្តិទីពីរ មិនទាន់ដោះស្រាយឲ្យចប់ តែទោះយ៉ាងណាក៏ ខ្ញុំមិនភ្លេចអរគុណ ចំពោះសប្បរសជន ជាពិសេសឯកឧត្តមឧកញ៉ាបណ្ឌិតជា រតនា និងលោកជំទាវ ព្រមទាំងឯកឧត្តម លោកជំទាវមន្ត្រីរាជការ និងមិត្តសិល្បករសិល្បការិនី ជាច្រើនជួយជ្រោមជ្រែង លើកទឹកចិត្តដល់ ខ្ញុំបន្តដឹកនាំរហូត ចប់អណត្តិ និងបន្តដឹកនាំដល់អាណត្តិទីបួន»។</span></p>
<p><span style="color: #000000;">អតីតតារាសម្តែង និងចម្រៀងលោក សុះ ម៉ាច បានឲ្យដឹងទៀតថា «ក្នុងអាណត្តិនេះមានការធូរស្រាលចិត្តច្រើន ព្រោះមានក្រុមប្រឹក្សាទាំងចាស់ថ្មីជួយដល់ខ្ញុំ ក្នុងការដឹកនាំជាលទ្ធផលយើង បានជោគជ័យជាច្រើន ដោយសារការតស៊ូឈ្មុសឈ្មុល និងបានទទួលការយោគយល់ ពីរាជរដ្ឋាភិបាល ដែលយើងបានទាមទារ សូមឲ្យមានការចាក់បញ្ចាំង ភាពយន្តខ្មែរនៅម៉ោងមាសគ្រប់បណ្តារស្ថានីយទូរទស្សន៍ ដើមឆ្នាំ២០១៦ផងដែរ។ ខ្ញុំនៅតែសង្ឃឹមយ៉ាងមុតមាំថា មិត្តសិល្បៈទាំងអស់គ្នានឹងយល់នូវពាក្យអ្វី ទៅដែលហៅថា សាមគ្គី? ហើយពួកគេ នឹងងាកមករួបរួមគ្នា ដើម្បីជួយទ្រទ្រង់សិល្បៈយើងទាំងអស់គ្នាឲ្យយរុងរឿងឡើងវិញ»៕</span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/1934967_1539133709734328_3776019418644033686_n.jpg?oh=db385d0a8b69a5902b69d9e5b79214e6&oe=5718012A&__gda__=1460631963_3ab3060dc83676c9c1445c048f466ce9" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/1383076_1539133639734335_2706212505482568249_n.jpg?oh=0d0eabbfd883d0eeaf6c26a1320b47e1&oe=5713892E" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtf1/v/t1.0-9/1935503_1539133696400996_1308066554110128861_n.jpg?oh=59b5fa490ba2b4390d722b5eb68b2a07&oe=571AD971&__gda__=1461861674_5f7c38954070ca74274929ca48b0f769" alt="" width="730" /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>
</div>