<p><span style="color: #000000;"><strong>(កំពង់ឆ្នាំង)៖</strong> នៅថ្ងៃទី២០ ខែតុលា ឆ្នាំ២០១៦ នេះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ លោកស្រី ម៉ែន នារីសោភ័គ អគ្គលេខាធិការរងទី ១ និងសហការី រួមជាមួយសាខាកាកបាទក្រហមកម្ពុជា ខេត្តកំពង់ឆ្នាំង បានទៅចូលរួមរំលែកទុក្ខ ព្រមទាំងនាំយកបច្ច័យ និងគ្រឿងឧបភោគ បរិភោគមួយចំនួនទៅចូលបុណ្យសព កុមារា ២នាក់ ដែលបានទទួលមរណភាពដោយសារលង់ទឹក កាលពីថ្ងៃទី១៩ ខែតុលា ឆ្នាំ២០១៦ ភូមិបាញ់ឆ្គោល ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។</span></p>
<p><span style="color: #000000;">នៅពេលអញ្ជើញទៅចូលរួមបុណ្យសពនោះ លោកស្រី ម៉ែន នារីសោភ័គ បានសម្ដែងនូវមរណទុក្ខដ៏ក្រៀមក្រំ ជាមួយក្រុមគ្រួសារសព ដែលបានបាត់បង់កូនៗជាទីស្រឡាញ់ របស់ខ្លួនទាំងនៅវ័យក្មេង។ ជាមួយគ្នានេះដែរ លោកស្រី ម៉ែន នារីសោភ័គ បានបួងសួង និងឧទ្ទិសកុសលផលបុណ្យដល់សព និងសូមឲ្យវិញ្ញាណក្ខន្ធសពកុមារទាំងពីរ បានទៅកាន់ឋានសុគតិភព កុំបីឃ្លៀងឃ្លាតឡើយ។</span></p>
<p><span style="color: #000000;">ជាមួយនឹងក្ដីរំភើបរំជួលចិត្តនេះ ក្រុមគ្រួសារសពបានថ្លែងអំណរគុណ ចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងកាកបាទក្រហមកម្ពជា ដែលជានិច្ចកាលតែងតែចូលរួមបុណ្យសព ចំពោះជនរងគ្រោះទាំងឡាយណា ដែលរងគ្រោះដោយសារគ្រោះធម្មជាតិ ដូចជាទឹកជំនន់ រន្ទះបាញ់។ល។ នៅតាមទីជនបទជិតឆ្ងាយទូទាំងប្រទេស ដោយពុំមានការរើសអើងឡើយ។ ចំពោះការចូលបុណ្យសពកុមារាលង់ទឹក នាពេលនេះ គ្រួសារសពនីមួយៗទទួលបាន៖ អង្ករ ៦០គីឡូក្រាម ទឹកក្រូច ២កេស ទឹកសុទ្ធ ២កេស មី ២កេស ត្រីខ ២០កំប៉ុង និងថវិកា ២ លានរៀល។</span></p>
<p><span style="color: #000000;"><strong>សូមបញ្ជាក់ផងដែរថា ជនរងគ្រោះទាំង ២នាក់ មាន៖</strong></span><br /><span style="color: #000000;">១/ កុមារា យុន ណារ៉ុង អាយុ១០ឆ្នាំ ជាសិស្សរៀននៅថ្នាក់ទី៤</span><br /><span style="color: #000000;">២/ កុមារា ជា សុផានិត អាយុ១០ឆ្នាំ ជាសិស្សរៀននៅថ្នាក់ទី៤</span><br /><span style="color: #000000;">ករណីខាងលើនេះ កើតឡើងកាលពីថ្ងៃទី១៩ ខែតុលា ឆ្នាំ២០១៦ ខណៈពេលដែលកុមារទាំង ២នាក់ ជិះកង់មកពីសាលារៀន ពេលមេឃកំពុងភ្លៀងក៏ជ្រុលចង្កូតបណ្ដាលឲ្យទាក់ដៃកង់ធ្លាក់ក្នុងប្រឡាយទឹកកំពុងហូរខ្លាំងធ្វើឲ្យកង់ទើរលើមែកឈើ បណ្ដាលឲ្យកុមារទាំង ២នាក់ លង់ទឹកស្លាប់តែម្ដង នៅភូមិបាញ់ឆ្គោល ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-20-10-10-50-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-20-10-10-51-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-20-10-10-51-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-20-10-10-51-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-20-10-10-51-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-20-10-10-51-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-20-10-11-25-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>