<p><span style="color: #000000;"><strong>(ភ្នំពេញ)៖</strong> ក្នុងន័យដាស់តឿនស្មារតី ដល់យុវវ័យ និងជាគំរូល្អសម្រាប់សង្គម តារាសម្តែងប្រុសចូលចិត្តកិច្ចការងារ ជួយសង្គម តាមរយៈការចែករំលែកក្តីស្រឡាញ់ ដល់កុមារកំព្រា ចាស់ជរា គ្មានទីពឹង ជនក្រីក្រ និងពិសេសតារាចាស់ៗ ដែលធ្លាក់ខ្លួនឈឺបាត់បង់សមត្ថភាព លោក អ៉ឹម ជីវ៉ា បានបង្ហាញសង្គមមនុស្សធម៌ជាថ្មី និងបានបំផុសស្មារតីយុវវ័យ ឲ្យចេញធ្វើអំពើល្អឲ្យបានច្រើន ប្រសើរជាងយកពេលទំនេរ គិតពីរឿងអត់ប្រយោជន៍ ឬខូចចិត្តស្នេហាតិចតូច ទៅសម្លាប់ខ្លួន។</span></p>
<p><span style="color: #000000;">ជាការកត់សម្គាល់តារាសម្តែង លោក អ៉ឹម ជីវ៉ា មួយរយៈពេលចុងក្រោយនេះ ត្រូវបានទស្សនិកជនមើលឃើញថា តារារូបនេះ ហាក់មានភាពសស្រាក់សស្រាំខ្លាំង លើសកម្មភាពមនុស្សធម៌ជួយសង្គម។ មិនតែប៉ុណ្ណោះ កាលពីព្រឹកមិញនេះ តារាប្រុសលោក អ៉ឹម ជីវ៉ា បានបង្ហោះភ្ជាប់ ជាមួយរូបភាពចែកសម្ភារៈ ចំណីអាហារ ព្រមជាមួយថវិកាខ្លះៗ ដល់ក្រុមតន្រ្តីជនពិការ នៅតាមបណ្តាភ្លើងស្តុបមួយចំនួន រួចសរសេរថា «ខ្ញុំមិនមែនជាអ្នកមានទេ អ្វីដែលខ្ញុំធ្វើ គឺចេញពីទឹកចិត្តចែករំលែក ក្នុងនាមជាអ្នកក្រដូចគ្នា!»។</span></p>
<p><span style="color: #000000;">លោក អ៉ឹម ជីវ៉ា បានលើកឡើងទៀតថា «ខ្ញុំជូនរបស់របរ និងថវិកាតិចតួចដល់បងៗ ដែលជាជនពិការ ដែលច្រៀងតាមភ្លើងស្តុបនានា ក្នុងរាជធានីភ្នំពេញ ក្នុងន័យចង់ប្រាប់ដល់ប្អូនៗ យុវវ័យទាំងអស់ឲ្យចេះ គិតពិចារណាឲ្យបានខ្ពស់ កុំខូចចិត្តរឿងស្នេហា ឬបាត់បង់ការតិចតួច ខូចចិត្តទៅសម្លាប់ខ្លួន កុំគិតខ្លីក្នុងរូបភាពណាមួយ ដែលធ្វើឲ្យក្រុមគ្រួសារ ពិបាកចិត្ត និងប៉ះពាល់ដល់សង្គម ដោយសារយើងម្នាក់ឯង!»។</span></p>
<p><span style="color: #000000;">តារាសម្តែង មានប្រជាប្រិយភាព លោក អ៉ឹម ជីវ៉ា បានបញ្ជាក់ទៀតថា «ប្អូនៗពិចារណាមើល បងៗគាត់ជាជនពិការភ្នែក ទាំងគូពិការដៃ ពិការជើង តែពួកគាត់ នៅតែតស៊ូ ដើម្បីជិវិត ចុះប្អូនៗមួយចំនួនមានផ្ទះ នៅមានម៉ូតូ ឡានជិះ មានសម្ភារៈល្អៗប្រើ ហេតុអ្វីប្អូនៗត្រូវអាដៃ អាជើង ឬចង់សម្លាប់ខ្លួន ដោយសារតែស្នេហាបោកប្រាស់ ឬខាតការងារប៉ុណ្ណឹងនោះ?»។</span></p>
<p><span style="color: #000000;">«បើប្អូនគិតខ្លី ហាក់បីដូចមិនស្រឡាញ់ឪពុកម្តាយអ៉ីចឹង ប្អូនៗអត់ស្នេហា អាចរកស្នេហាមួយថ្មីបាន តែបើប្អូនៗអត់ឪពុកម្តាយ ប្អូនៗមិនអាចរកថ្មីបានឡើយ។ បើមានដង្ហើម កុំអស់សង្ឃឹម នេះគ្រាន់តែគំនិតមួយជ្រុងតូច របស់បងទេ តែបើធ្វើឲ្យប៉ះពាល់ដល់អារម្មណ៍ប្អូនៗ បងសុំទោសទុកជាមុន!»។ នេះជាពាក្យសម្តីថ្លែងផ្តាំផ្ញើ បន្ថែមពីសំណាក់តារាប្រុស លោក អ៉ឹម ជីវ៉ា៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/12744591_991383407597260_7345662641239590651_n.jpg?oh=f6f698a6bae398777da25922f68164f2&oe=58ADF226" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xft1/v/t1.0-9/10150456_964009880334613_5842521966111237783_n.jpg?oh=e843960582a66bc9343c6448367711c4&oe=58AA829D&__gda__=1482859799_238efd86269eb6467653e721a10b62c2" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14708272_1164249780310621_7594354958254761596_n.jpg?oh=81aa749842b804bc2238aca949952e9f&oe=58681948" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xla1/v/t1.0-9/14650098_1164249816977284_6695274988795280256_n.jpg?oh=c7df03ea6d42b868da71b9a51f2fcfe5&oe=58A098C3&__gda__=1482836493_44308d3d6350f3be9bb43ea200d01751" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xat1/v/t1.0-9/14718865_1161598783909054_6152176351474468475_n.jpg?oh=08c88330802de7b5aa2f9d6c458992e3&oe=58A08E1F&__gda__=1486130967_aeaeaeacf4270eb8abbea75fa2cf66aa" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14680616_1161598770575722_2177997558094512177_n.jpg?oh=4f37b8e750ea98f06d19d5a7b68503dc&oe=58ACF06D" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpt1/v/t1.0-9/14716181_1161598810575718_875838457483276561_n.jpg?oh=f76d359a4ec63eec3ab629e793054180&oe=58A83348&__gda__=1487703116_2b41584b40fa13a2b31011472d9f2a3b" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>